Арсенал се распрашува за Нико Паз и Кенан Јилдиз

Арсенал направи некои промени во својот состав ова лето, но се чини дека Микел Артета и спортскиот директор Андреа Берта сè уште не ги спровеле до крај плановите за иднината.

Според информации од Италија и Англија, „топџиите“ се заинтересирани за двајца исклучително талентирани офанзивни играчи кои би можеле да претставуваат големи засилувања во следниот преоден рок.

Едно од имињата што долго време беше на радарот на Арсенал е Кенан Јилдиз. Турскиот репрезентативец го привлече вниманието на лондонскиот клуб и претходно, а Арсенал не се откажа дури ни откако младиот офанзивен играч го продолжи договорот со Јувентус.

Јилдиз потпиша нов четири годишен договор со Јувентус во февруари 2026 година, но тоа не го намали интересот на Арсенал.

Ова лето, лондонскиот клуб се обиде да го реализира трансферот, а според претходните информации, дури била разгледана и потенцијална размена во која Габриел Мартинели би заминал во Јувентус.

Сепак, таков договор не беше постигнат. Мартинели на крајот го напушти Арсенал и се пресели во Ал-Хилал, додека Јилдиз остана во Торино.

„Топџиите“ се заинтересирани и за Нико Паз, аргентинскиот офанзивен играч од средниот ред кој моментално игра за Комо.

Паз го напушти Реал Мадрид во 2024 година, а во летото 2026 година, „кралскиот клуб“ ја искористи опцијата да го врати за девет милиони евра, а потоа повторно го продаде на Комо за дури 60 милиони.

Во исто време, Реал Мадрид ја задржа можноста повторно да ја активира клаузулата за негово враќање следното лето, овој пат за 80 милиони евра.

Арсенал ова лето доведе само еден напаѓач, Христос Цолис од Клуб Бриж, додека Леандро Тросард, Габриел Жесус и Мартинели го напуштија клубот.