Маркус Пауло од Флуминенсе се сели во Атлетико Мадрид

Атлетико Мадрид е блиску до комплетирање на трансферот на бразилскиот крилен напаѓач, Маркос Пауло од Флуминенсе.
Лидерот од Примера води преговори со Флуминенсе веќе еден месец, а агентот на играчот веќе има комплетен договор со „јорганџиите“.
Се очекува Пауло сега да потпише договор со Атлетико и да остане во Флуминенсе до крајот на сезоната.
Маркос Пауло дебитираше за првиот тим во 2019 година, а оваа сезона постигна 3 гола на 25 меча.
Бразилецот беше мета на неколку европски гиганти, но Атлетико успеа да ја победи конкуренцијата.