Поради КОВИД-19 – Шпанија остана без својот капитен

Шпанската фудбалска репрезентација потврди дека нивниот капитен е позитивен на Ковид-19 по последното тестирање.

Ова е лоша вест откако Серхио Бускец е планиран за клучен дел од првиот тим на Енрике на ЕУРО 2020, а сето тоа се случува на само четири дена пред почетокот на континенталниот собир.

Бускец е единствениот позитивен на КОВИД-19 во тимот на Шпанија, па добра вест е што ниту еден друг играч на „фуријата“ нема проблеми со тестирањето.

Ова значи дека Бускец нема да игра за Шпанија на престојниот контролен натпревар со Литванија закажан за во вторник. Според последните најави, Шпанија на тој натпревар ќе истрча со младинскиот тим што е само потврда дека Бускец ќе има доволно време за да добие негативен КОВИД-19 тест.