Никој во Барса не сака намалување на платата, виси договорот на Меси

Нема крај за проблемите во Барселона околку новиот договор на Лионел Меси.

Аргентинецот е слободен агент, постигна договор со Барселона за продолжување на соработката, но се уште не е потпишан бидејќи клубот има финансиски проблеми.

Имено, Барселона треба значително да го намали буџетет за плати за да може да го потпиши договорот со најголемата ѕвезда.

Сега се појавуваат нови проблеми. Имено, пристигнуваат информации дека претседателот на клубот од Ноу Камп, Жоан Лапорта разговарал со Пике, Алба, Бускетс и Роберто за намалување на платата.

Ниту еден од споменатите играчи не се согласил на тоа, бидејќи, во тој случај, тие ќе добијат 40 проценти помалку пари отколку што добиваат сега.