Легендата Роси ја заврши својата анталогиска кариера

Валентино Роси и официјално ја заврши својата богата кариера. Роси по денешната трка во Валенсија, која за него беше последна стави крај на богатата кариера исполнета со многу победи и шампионски титули.

Валентино Роси одлучи да стави крај на кариерата и да го напушти спортот во кој останува легенда. На денешната трка го освои десеттото место, што е показател дека веќе не може да се носи со најдобрите во шампионатот. Победата денес му припадна на Франческо Бањаја, пред Хорхе Мартин и Џек Милер.

Меѓутоа се беше во втор план, поради тоа што фокусот на јавноста по крајот од трката беше кон популарниот „доктор“ од Италија. Сите возачи на крајот застанаа и го опкружија, го прегрнаа и му посакаа убава пензија.