Анчелоти има големи грижи, Бензема неизвесен за дуелот со ПСЖ

Напаѓачот на Реал Мадрид, Карим Бензема продолжува да тренира на индивидуална програма пет дена пред осминафиналето од Лигата на шампионите против ПСЖ.

34-годишниот напаѓач заработи повреда на мускулот во осминафиналето од Купот на Шпанија со Елче (2-1), кое се одигра на 20 јануари. Беше објавено дека Бензема ќе отсуствува две недели. Тој веќе пропушти два натпревари за шпанскиот тим и најверојатно нема да настапи на првенствениот меч против Виљареал.

Според изворот, нема гаранција дека Бензема ќе може да се опорави за првиот меч од осминафиналето на Лигата на шампионите со ПСЖ, кој ќе се одржи следниот вторник, на 15 февруари (21:00 часот).

Бензема оваа сезона постигна 24 гола на 28 натпревари во сите натпреварувања.