Почетино: Лео Меси е дефиниција за фудбал

Тренерот на Париз Сен Жермен, Маурицио Почетино застана во одбрана на Лионел Меси од критиките кои му ги упатуваат по мечот со Реал Мадрид.

„Меси е најдобриот фудбалер во светот“, изјави аргентинскиот тренер на прес-конференција. „Тоа е фудбал. Ако сакате некому да му објасните што е фудбал, кажете му: Тоа е Лео Меси“.

Иако активен во текот на мечот, Меси не успеа да се покаже како одлучувачка фигура на првиот дуел со Реал Мадрид. Тој промаши и пенал кој беше одбранет од голманот на гостите, Куртоа. За Почетино ова не е проблем. „Во никој случај промашениот пенал нема да ја повреди неговата самодоверба. Тоа е невозможно“, изјави тренерот.