Барселона најавува ново засилување

Екипата на Барселона се поврзува со трансфер на крилниот напаѓач од ПСВ Ајндховен, Коди Гакпо.

22-годишниот фудбалер игра одлична сезона во Холандија, со 16 гола и 14 асистенции на 36 натпревари за тимот на ПСВ.

Неговиот договор е со важност до 2026 година, но се смета дека клубот се согласил да му дозволи да замине ова лето доколку пристигне соодветна понуда.

Клубот од „Камп Ноу“ не е единствена заинтересирана страна за Гакпо. Сериозен интерес за играчот покажуваат и од Арсенал, Баерн Минхен и Ливерпул. Се смета дека цената за овој трансфер би била околу 35 милиони евра.