Руски пливач загуби спонзор заради добриот однос со Владимир Путин

Рускиот пливач, повеќекратниот олимписки шампион Евгениј Рилов, го загуби спонзорскиот договор што го имаше со компанијата „Спидо“ бидејќи минатата недела беше на митинг за поддршка на рускиот претседател Владимир Путин на стадионот „Лужники“ во Москва, пренесува порталот „insidethegames“.

Во истиот текст, овој портал го споменува и списокот на руски спортисти кои присуствувале на митингот, на кој се наоѓа и споменатиот освојувач на два златни медали од претходните Олимписки игри во Токио.

Рилов на митингот на гардеробата ја напиша и буквата „З“, што ја симболизира руската инвазија на Украина. Поради ваквата постапка, Светската пливачка федерација (ФИНА) во соопштението истакна дека е „длабоко разочарана“ од појавувањето на Рилов на митингот и дека ќе спроведе истрага.