Сантош: Сега да го освоиме и Светското првенство

Селекторот на португалската фудбалска селекција, Фернандо Сантош се надева на титула на претстојното Светско првенство, откако неговата репрезентација обезбеди учество на турнирот во Катар, после победата во финалниот бараж над Македонија со 2:0.

„Единствен сон кој го имам во моментот е да освојам и трето големо натпреварување со Португалија. Досега освоив две, а сега сонувам триумф на Светското првенство“, изјави Сантош, кој досега го има освоено Европското првенство и Лигата на нации.