Анчелоти: Бензема е фантастичен голгетер

Тренерот на Реал Мадрид, Карло Анчелоти не ги штедеше импресиите од играта на напаѓачот Карим Бензема, кој постигна хет-трик во победата од 3:1 над Челзи во првото четвртфинале од Лигата на шампионите кое се одигра на „Стемфорд Бриџ“.

„Го контролиравме натпреварот и опасно напаѓавме преку контра напади. Беше добра фудбалска вечер, сега имаме мала пауза, но не треба да се опуштиме. Покажавме добра организација, а Бензема беше фантастичен пред голот на противникот. Имаме предност пред реваншот, но во вторник ќе имаме сосема поинаков натпревар. Сепак, Челзи е актуелен победник во Лигата на шампионите“, изјави Анчелоти после натпреварот.