Клоп: Мојот Ливерпул нема да го потцени Виљареал

Фудбалерите на Ливерпул го играат првиот меч од полуфиналето на Лигата на шампионите против екипата на Виљареал. Менаџерот Јирген Клоп вели дека неговиот тим нема да ги потцени шпанскиот тим, особено не по нивните настапи на дуелите со Јувентус и на Баерн Минхен.

„Можеби имаше мала предност за Виљареал кога Јуве и Баерн ги потценија, но тоа нема да се случи со нас. И тие сакаат финале, но тоа е важно и за нас. Тие се седми во Ла лига, а по победата над Баерн, играа со Билбао и Унаи направи 11 замени, така што е јасно дека Ла лига е конкурентна. Унаи покажа дека има план за секој резултат и добро ги анализиравме. Импресивни се. Унаи е менаџер кој внимава на секој детаљ, што знае да реагира“, вели Клоп.