Манчестер Јунајтед го губи трпението со Де Јонг и се насочува кон Сергеј Милинковиќ-Савиќ

Италијанскиот Калчомеркато пренесува дека фудбалерот на Лацио, Сергеј Милинковиќ-Савиќ, би можел својата кариера да ја продолжи во Манчестер Јунајтед, ако Френки де Јонг нема намера да пристигне на Олд Трафорд.

Италијанските медиуми потсетуваат дека Барселона веќе го договори износот на обештетување за холандскиот фудбалер, но Де Јонг го стопира трансферот бидејќи не сака да игра за Јунајтед кој наредната сезона нема да настапува во ЛШ.

Калчомеркато тврди дека Милинковиќ-Савиќ е прва алтернатива за Де Јонг, бидејќи челниците на клубот од Олд Трафорд го губат трпението и сакаат да доведат засилување во екипата пред стартот на сезоната во Премиер лигата.

Обештетувањето за српскиот фудбалер сега изнесува околу 70 милиони евра.