Виња и Шомуродов на трансфер листата на Мурињо

Рома размислува за продажба на напаѓачот Елдор Шомуродов и играчот од средниот ред Матиас Виња. Двајцата играчи не импресионираа на тренинзите и Жозе Мурињо одлучи да не смета на нив.

27-годишниот Шомуродов потпиша минатото лето, кога пристигна од Џенова. Сепак, тој не успеа да се наметне во тимот на „џалоросите“, бидејќи постигна само 3 гола на 28 натпревари од Серија „А“.

Виња и се приклучи на Рома пред почетокот на минатата сезона. 24-годишниот Уругваец учествуваше на 26 првенствени натпревари, но не се запиша во листата на стрелците и направи само 1 асистенција.

18-годишниот талент Леонардо Д’Алесио кој е трансфер цел на Милан е, исто така, пред заминување од „волците“.