Переира поради повреда ќе паузира шест месеци

Тренерот на премиерлигашот Лестер, Брендан Роџерс, објави дека фудбалерот Рикардо Переира ќе биде надвор од терените до шест месеци после операцијата на Ахиловата тетива.

Десниот бек се повреди минатата сабота на пријателски натпревар против Севиља.

Истиот фудбалер во 2020 година отсуствуваше девет месеци откако ги скина вкрстените лигаменти од коленото.

Лестер во првото коло од новата сезона ќе игра во недела на свој терен против екипата на Брентфорд.