Милевски: Да ја оставиме политиката на страна и да се однесуваме спортски

Селекторот на фудбалската репрезентација на Македонија Благоја Милевски, посочува дека добро ја анализирал играта на нашиот следен противник во Лигата на нации, селекцијата на Бугарија. Милевски се надева дека екипата нема да ги повтори истите грешки како против Грузија, и ќе слави победа на натпреварот.

Селекторот Милевски за можните политички скандирања на стадионот за време на натпреварот со Бугарија вели дека политиката треба да се остави на страна, и публиката да се однесува спортски и коректно. Мора да се истакне дека македонската селекција немаше никаков проблем на натпреварот одигран во Бугарија и дека на стадионот во Разград имаше одличен прием.