Фудбалската топка со која Марадона ги постигна славните голови против Англија на СП 1986. ќе се продава на аукција

Англискиот Би-Би-Си пренесува дека топката со која аргентинската фудбалска легенда Диего Марадона ги постигна двата славни гола против Англија на Светското првенство кое во 1986. година се одржа во Мексико, ќе бидат понудени на аукција. 

Според проценките, се очекува фудбалската топка да постигне продажна цена помеѓу 2,5 и 3 милиони фунти. Топката ја продава тунискиот фудбалскиот судија Али Бин Насер кој ја делеше правдата на дуелот помеѓу Аргентина и Англија, и го призна голот на Марадона наречен „божја рака“, со кој го совлада англискиот голман Питер Шилтон.

Аукцијата на која ќе се продава топката е закажана за 16.ноември и ќе биде во склоп на настаните пред започнувањето на СП во Катар.