Берлускони најави дека Монца наскоро ќе се бори за титулата во Серија А

Монца минатиот викенд го победи Јувентус, а сега претседателот на овој клуб, славниот Силвио Берлускони има амбициозна најава.

Тимот освен победата против Јувентус веќе некое време игра во одлична форма, сепак сезонава прва цел е опстанокот во друштвото на најдобрите. Сепак, Берлускони порачува дека амбициите на овој тим во иднина ќе бидат многу повисоки.

Можеби звучи преамбициозно, но Берлускони верува дека Монца во следните две сезони ќе се бори за титула.

„Од кога дојде Паладино ние сме петти најдобар тим во Серија А. Веруваме и сакаме големи резултати. Веќе во следната сезона или понатаму сакаме да се бориме за скудетото“, порача Берлускони.