Анчелоти го сака Ричарлисон во Реал Мадрид

Ричарлисон е на списокот на Карло Анчелоти како дел од летните
трансфер цели за да го обнови нападот на Реал Мадрид.

Италијанецот добро го познава бразилскиот репрезентативец бидејќи
двајцата работеа заедно во Евертон. Тотенхем минатото лето го
ангажираа од „Гудисон Парк“ за 60 милиони фунти. Тој досега одигра
14 натпревари за својата нова екипа. Се смета дека лондончани би
биле склони да се разделат со Ричарлисон доколку добијат добра
понуда за него.

Напаѓачот на Јувентус, Душан Влаховиќ е другиот играч на потесниот
круг на Анчелоти. За Србинот за кој се шпекулира дека ќе си замине
на крајот на сезоната по сите проблеми кои ги снајдоа „бјанконерите“
се интересираат и Челзи и Манчестер Јунајтед. Третиот офанзивец
кон кого го сврте вниманието тренерот на Реал Мадрид е Кингсли
Коман од Баерн.