Чави добива нов договор на „Камп Ноу“

Чави Хернандез постигнал договор со Барселона и ќе потпише нов договор со каталонскиот гигант по завршувањето на сезоната. 

Актуелниот договор на Чави истекува во јуни 2024 година, но Барселона е задоволна од неговата работа и сака да го задржи подолго. Клубот веќе подготвил нов договор за 43-годишниот стратег, но Чави сега сака да се фокусира на преостанатите натпревари до крајот на сезоната и ќе го потпише на лето.

Чави е на кормилото на Барселона од 2021 година, а оваа сезона е на чекор да ја врати титулата на „Камп Ноу“.