Баерн Минхен спремен да го доведе Чуамени за сто милиони евра

Баерн Минхен е подготвен да го направи најголемиот клупски трансфер, односно да платат рекорден износ за фудбалерот на Реал, Аурелио Чуамени.

Германскиот шампион е сигурен дека Реал Мадрид ќе ја прифати понудата, доколку таа отиде над 100 милиони евра за Чуамени.

Моменталниот трансфер рекорд во Баерн го држи Лукас Ернандез во 2019 година, кога Баерн Минхен за неговите услуги на Атлетико Мадрид му плати 80 милиони евра.

Но во Реал Мадрид откако ова лето потрошија нешто повеќе од 130 милиони евра за трансферите на Џуд Белингем, Арда Гулер, Фран Гарсија и Хоселу, Реал сега има ограничен буџет и по се судејки, ќе мора да продадат некој за да купат уште нешто.