МЗТ Скопје го продолжи договорот со тренерот Атанасов

Кошаркарскиот шампион на Македонија, МЗТ Скопје, и официјално потврди дека младиот стратег Васко Атанасов и следната сезона ќе биде тренер на клубот од Аеродром. 29-годишниот тренер кон крајот на минатата сезона седна на клупата на МЗТ Скопје и дојде до шампионската титула, откако претходно од клубот си замина Драган Николиќ.

Очигледно дека раководството на клубот е задоволно од работата за младиот тренер и тој ја добива довербата да го води МЗТ Скопје на три фронта следната сезона. Пред МЗТ Скопје и Атанасов постои една цел: освојување на двојната круна во домашната кошарка, но и враќање во најквалитетното јадранско друштво преку настапите во АБА-2 лигата, иако од МЗТ Скопје се во исчекување околу ситуацијата со Морнар.