Барса моќно мина низ Белград, Интер минимално го совлада Арсенал

Комплетиранo e четвртото коло во Лигата на шампионите. Како и претходниот ден, имаше неколку изненадувања. Атлетико со гол во 93.минута го шокираше ПСЖ на „Паркот на принцовите“ (1-2), Интер го доби дербито против Арсенал, Аталанта славеше во Штутгарт, Салцбург во Ротердам против Феенорд ја забележа првата победа сезонава (1-3), а Брест славеше во Прага над Спарта (1-2). Барселона во Белград ја победи Црвена звезда со 5-2.

Дербито на коло на „Џузепе Меаца“ во Милано му припадна на Интер. Тврд и тактички натпрвар одиграа двата тима. Победникот го реши Чалханоглу од пенал во судиското надополнување на времето во првото полувреме. Арсенал се обиде во вториот дел, силно притисна во финишот но не успеа да го избегне поразот.

Резултати: Феенорд – Салцбург 1-3, Интер – Арсенал 1-0, Пари Сен Жермен – Атлетико Мадрид 1-2, Спарта Прага – Брест 1-2, Штутгарт – Аталанта 0-2, Црвена звезда – Барселона 2-5, Баерн Минхен-Бенфика 1-0.