Реал го освои Бергамо, прв европски пораз на Интер

Во првата вечер од 6. коло во Лига на шампиони, Интер за првпат прими гол сезонава и тоа во судиско продолжение кај Баер Леверкузен и изгуби минимално. Реал Мадрид успеа да го преброди Бергамо, а ПСЖ покажа дека уште има што да каже до крајот. Бојан Миовски го пропушти мечот Џирона – Ливерпул поради повреда, а Стефан Ристовски и Аријан Адеми ремизираа со Селтик.

Килијан Мбапе го отвори мечот Аталанта – Реал Мадрид со гол на асистенција на Брахим Дијаз но веќе во 36′ минута се повреди и мораше да излезе од игра.

Во негово отсуство надоместија Џуд Белингем и Винисиус кои го водеа „кралскиот клуб“ до злато вредни три бода во Лига на шампиони.