Аталанта го собори клупскиот рекорд: 124 гола во 2024 година

Лидерот во италијанската Серија А, екипата на Аталанта постигна 124 гола во календарската 2024 година во сите натпреварувања, соборувајќи го нивниот историски рекорд.

Претходното најдобро достигнување на клубот беше поставено во 2021 година, кога клубот постигна 123 гола во една година.

Вчера составот од Бергамо го победија Емполи (3:2) и по 17 кола остана лидер на табелата во Серија А. Интересно е што веќе на 28 декември Аталанта може да го подобри својот гол-рекорд на меч со Лацио.