Европските гиганти се распрашуваат за Де Кетеларе

Ливерпул и Реал Мадрид покажуваат сериозен интерес за белгискиот репрезентативец Чарлс де Кетеларе, пренесуваат италијанските медиуми.

Милан минатото лето го испрати на позајмица во Аталанта после само една сезона на „Сан Сиро“, каде Де Кетеларе игра одлично и доживеа целосна афирмација.

Милан очигледно лесно се откажа од Белгиецот, кој оваа сезона блеска во дресот на Аталанта и е еден од најдобрите фудбалери во Серија А.

Ливерпул веќе работи на трансферот и е спремен да плати 50 милиони фунти за неговиот потпис, но ситуацијата ја следи и Реал Мадрид.