Висла преголем залак, трет пораз за пелистерци во Лигата на шампионите

Ракометарите на Еурофарм Пелистер го претрпеа третиот пораз сезонава во Лигата на шампиони (ЛШ), откако вечерва загубија на гостувањето во Полска од Висла Плок со 36-25 (18-14) во рамки на четвртото коло во групата Б.

Македонскиот шампион одржуваше резултатска неизвесност само во воведните дваесет минути, кога Висла Плоцк при резултат 11-10 влезе во серија од 3-0 и на полувреме замина со предност од +4. Полскиот претставник продолжи да доминира на паркетот во второто полувреме, постепено зголемувајќи ја предноста која во 56. минута достигна највисоки +12 (34-22).

Манасков со седум голови беше најефикасен во редовите на Еурофарм Пелистер, а голманот Митревски запиша девет одбрани.

Во следното петто коло Еурофарм Пелистер ја пречекува Барселона во Битола.