Големото израелско дерби во Евролигата заврши со победа на Макаби, попознат клуб, па затоа се очекуваше гнев од навивачите на Хапоел Тел Авив по натпреварот, особено поради фактот што вложија многу во овој тим предводен од Димитрис Итудис.

Сепак, навивачите отидоа предалеку на аеродромот на Кипар каде што се играше натпреварот.

Тие вербално го нападнаа Димитрис Итудис, како што наведува порталот „Спорт5“, имаше навреди, а во еден момент ситуацијата беше доста напната што обезбедувањето мораше да реагира и да ги одвои навивачите од Итудис.

„Врати се во Грција, ти не си тренер“, наводно биле пораките од фановите.
Во двојната рунда следната недела,

Хапоел гостува кај Басконија, а потоа и кај Париз. Моментално е на десеттата позиција, каде што заедно со Партизан има скор од 6-5.

Актуелниот вицешампион во македонската кошаркарска лига, КК Скопје, ја прекина соработката со Мирко Петрески и за нов тренер го назначи искусниот Александар Петровиќ.

Петровиќ се враќа во тренерските води по заминувањето од Гостивар во февруари годинава. Во својата кариера ја предводеше и екипата на МЗТ Скопје, со која стигна до шампионската титула, а работеше и во Пелистер, Академија ФМП, Куманово и Карпош Соколи.

Новиот тренер го презема КК Скопје во незавидна ситуација. По шест одиграни кола, тимот има само една победа и се наоѓа на дното на табелата.

Петровиќ денеска ќе го одржи првиот тренинг, а дебито на клупата ќе го има во недела, на гостувањето кај Штип.

Јута Џез остана без еден од своите најважни кошаркари, откако Лаури Марканен заработи скршеница на десната рака и ќе мора да паузира најмалку еден месец.

Според информациите, станува збор за скршеница без поместување на коската. Финскиот крилен центар веќе ги пропушти последните два натпревари на Јута, но дури сега е утврден вистинскиот обем на повредата.

Марканен сезонава одигра осум натпревари, на кои просечно бележеше 18 поени, 6,8 скока и д

Арис продолжува со одличните настапи во Еврокупот, а македонскиот репрезентативец Ненад Димитријевиќ и неговите соиграчи вечерва забележаа убедлива победа над Ригас Зели од 105-81.

Грчкиот состав уште во првата четвртина ја најави победата (28-14), а на паузата замина со огромна предност од 21 поен (53-32). Во продолжението Арис го намали ритамот и не форсираше, што гостите го искористија за да ја ублажат негативата и да избегнат уште поубедлив пораз. Сепак, победата на домашниот тим во ниту еден момент не беше доведена во прашање.

Мокока и Морган беа најефикасни кај Арис со по 19 поени, додека Димитријевиќ придонесе со осум поени, три скокови и пет асистенции. Кај гостите најдобар беше Перкинс со 16 поени, пет скокови и три асистенции.

По седум одиграни натпревари, Арис има шест победи и еден пораз и се наоѓа на втората позиција во групата А.

Бразилскиот ветеран Марселињо Уертас (43) го напушти Тенерифе, по речиси седум години и отвора нова страница во својата неверојатна кариера.

Легендата на сцетската кошарка, зад себе има 25 години професионална кариера, во средата се збогува со клубот кој, на крајот, му посвети големи зборови.

„Твојата магија е единствена, твојот белег е неизбришлив, а твоето наследство ќе живее засекогаш. Ти благодараме за сè, легендо“, се вели во емотивната објава на Тенерифе.

Според најавите, искусниот плејмејкер ќе ја продолжи својата кариера во Евролигата, во Дубаи.

Дури и на 43-годишна возраст, Марселињо бележи неверојатна статистика. Покрај тоа, тој ќе биде запаметен како единствениот играч во АЦБ лигата со 20 сезони во најсилното шпанско натпреварување.

И покрај тоа што две сезони играни во НБА, во ЛА Лејкерс, тој успеа да го постигне овој навистина извонреден и тешко остварлив подвиг.

И не запира тука. Покрај тоа, тој се враќа во најсилното европско натпреварување, каде што веќе одиграл 228 натпревари.

Во Дубаи го чека добро позната личност, тренерот Чави Пасквале, со кого некогаш соработуваше во Барселона. Уертас во тимот на Дубаи, ќе го замени повредени

Кошаркарите на МЗТ Скопје доживеаја убедлив пораз на гостувањето во Солун, откако Ираклис славеше со високи 103-73 во натпреварот од ФИБА Европа купот. За аеродромци ова беше шести пораз во исто толку одиграни натпревари во групната фаза.

Домаќините уште од самиот почеток го наметнаа своето темпо и со серија од 10-0 најавија дека ги очекува тешка вечер. Предноста на Ираклис во првата четвртина достигна и 17 поени (27-10), но МЗТ успеа да се врати во игра и во вториот период да се доближи на само четири поени негатива (35-39).

Сепак, надежта за пресврт кратко траеше. Грчкиот тим целосно ја презеде контролата во второто полувреме, постепено ја зголемуваше разликата и на крајот стигна до убедлива победа од 30 поени.

Ноа Хочлер беше најефикасен кај победникот со 19 поени и осум скокови, додека кај МЗТ Скопје најдобар поединец беше Емир Крајиниќ со 17 поени, 10 скокови и две асистенции.

По шест одиграни кола, МЗТ Скопје останува на последното место во групата Е без ниту една победа.

Кошаркарите на Партизан триумфираа против Басконија со 80-66 во 11. коло од Евролигата, а тоа беше шеста победа за српската екипа во елитното натпреварување.

Партизан влезе одлично во мечот и поведе со 10-4, но гостите набрзо ја вратија неизвесноста. Сепак, „црно-белите“ заиграа подобро во продолжение и на полувремето заминаа со 42-38.

Басконија даваше голем отпор и во третата четвртина, но го загуби ритамот во последните 10 минути кога Партизан успеа да ја запечати својата победа.

Џекири беше најефикасен кај Партизан со 17 поени, шест скокови и две асистенции, додека Дуарте запиша 15 поени, три скокови и три асистенции за Басконија.

Партизан има шест победи и пет порази по 11 одиграни меча и се наоѓа на 11. место во Евролигата.

Капитенот на Барселона, Кевин Пантер, ќе отсуствува од терените околу шест недели поради повреда на левиот скочен зглоб.

Дополнителните прегледи покажале дека повредата е посериозна од првичните процени, според кои американскиот бек требаше да паузира околу три недели.

Барселона ќе мора да се снајде без еден од своите најважни кошаркари на најмалку шест важни натпревари во Евролигата. Пантер сигурно ќе го пропушти дуелот со Црвена Звезда на 20 ноември во Барселона, како и гостувањето кај Партизан во Белград на 11 декември.

Мајами ќе биде домаќин на Ол-стар викендот во НБА во 2028 година, првпат по 1990 година, објави Асошиејтед прес, повикувајќи се на доброинформиран извор.

Според информациите, договорот со НБА веќе е во напредна фаза, одобрено е и логото на настанот, а се работи на организациските и логистичките детали. Официјалната потврда се очекува од комесарот Адам Силвер и претставниците на Мајами Хит.

Ол-стар натпреварот е планиран за 30 ноември 2028 година, иако датумот сè уште може да претрпи промени.

Причината поради која Мајами толку долго не бил домаќин е судирот со традиционалниот саем на јахти и чамци во градската марина, како и недостигот на доволно хотелски и просторни капацитети за двата настани.

Интересен детал е и можноста Леброн Џејмс, доколку продолжи да игра во сезоната 2027/28, да го одигра својот последен Ол-стар викенд токму во Мајами, клубот со кој освои две од своите четири НБА титули.

Италија во следната сезона ќе има четири тимови во Евролигата во кошарка, а еден од нив ќе биде Наполи, објави „Газета дело спорт“.

Според најавите од Италија, одлуката ќе биде одобрена до крајот на месецов. Инаку, Евролигата треба да се прошири од 20 на 24 клуба.

Максима Рома ќе биде вториот италијански тим со трајна лиценца за Евролигата, покрај Олимпија Милано, почнувајќи од следната сезона.

Виртус Болоња има тригодишна лиценца која истекува во 2028 година, а потоа до 2030 ќе игра со вајлд-карта.

Сигурни места имаат Реал Мадрид, Барселона, Басконија Панатинаикос, Олимпијакос, Милано, Фенербахче, Ефес, Баерн Минхен, Асвел Вилербан, Макаби Тел Авив и Жалгирис.

Сигурни се и Валенсија, Париз, Дубаи, Максима Рома, Хапоел Тел Авив и ПАОК Солун, а тригодишни вајлд-карти добиваат Партизан, Црвена Ѕвезда, Виртус Болоња и Наполи.

Две места ќе има и за најдобрите од Еврокупот. ЦСКА Москва останува под суспензија, но кога тоа ќе биде симнато, и Армејците ќе имаат гарантирано место.