Реал Мадрид одлучи да се повлече од Евролигата и да стане еден од основачите на ново европско кошаркарско натпреварување под покровителство на НБА, проект наречен „НБА Европа“, пишуваат шпанските медиуми.

Според достапните информации, 12 клуба би учествувале во почетната фаза од проектот, а се проценува дека вредноста на франшизите вклучени во натпреварувањето би можела да достигне околу една милијарда долари во следните пет до шест години.

Според медиумите, Реал е се поблиску до тоа да биде еден од дванаесетте основачи на ова ново натпреварување. Овој потег започнува нова ера во европската кошарка и потенцијално ја менува распределбата на моќта на континентот, бидејќи „НБА Европа“ би можела сериозно да ги разниша традиционалните темели на Евролигата.

Во моментов, повеќето клубови сè уште имаат желба да останат во Евролигата, но потенцијално поголемиот профит и проширувањето на брендот преку „НБА Европа“ би можеле да ги наведат да ги преиспитаат своите приоритети во наредниот период.

Кошаркарскиот клуб Барселона објави дека потпиша нов 10-годишен договор со Евролигата.

„Управниот одбор се согласи да го одобри продолжувањето на лиценцата на машката кошаркарска екипа во Евролигата за следните 10 сезони. Клубот е еден од основачите на овој турнир. Управниот одбор ја потврдува својата долгогодишна посветеност на учество во најдобрите постоечки натпреварувања“, се вели во соопштението на клубот.

Барселона има богата историја во Евролигата, освојувајќи ја титулата двапати (во 2003 и 2010 година) и постојано натпреварувајќи се на највисокото ниво на европската кошарка. Во последните месеци, бројни извештаи посочуваа дека Барселона ја истражува и можноста за приклучување кон европскиот проект на НБА.

Македонскиот кошаркарски вицепрвак ТФТ оствари важна победа во регионалната кошаркарска АБА2 лига. Во натпревар од 6.коло ТФТ по продолжение ја совлада екипата на Слобода Дита Тузла со 96-91.

Македонскиот тим одигра одлично прво полувреме. На паузата ТФТ имаше двоцифрена предност (53-43), но гостите се вратија во третиот период и ја направија завршницата неизвесна.

Во последните минути од регуларниот дел ТФТ имаше мала предност, но со серија грешки на двата тима резултатот се израмни на 81-81, па мечот мораше да се решава во дополнителни пет минути.

Во продолжението скопјани успеаја да се одлепат. Слобода не успеа да одговори со ист интензитет и дозволи нови поени во својот кош, што значеше дека ТФТ го направи финалниот исчекор кон победата.

Најдобар стрелец кај македонскиот претставник беше Џастин Гордон со 20 поени, а по 18 постигнаа Дејвис и Виктор Ташовски.

За Слобода најрасположен беше искусниот Владимир Томашевиќ со 26 поени. Со оваа победа ТФТ ја зацврсти својата позиција во лигата.

Управниот одбор на македонската кошаркарска федерација едногласно донесена одлука легендата на македонската кошарка, Владо Илиевски, да биде назначен за Координатор на сите национални репрезентативни селекции.

Именувањето на Владо Илиевски претставува силна порака за јасна визија, континуитет и системски развој. Станува збор за една од најголемите фигури во историјата на македонската кошарка, поранешен долгогодишен репрезентативец, лидер на теренот и дел од најуспешната генерација на националниот тим, со која беше испишана историја на Европското првенство во 2011 година.

Неговото огромно меѓународно искуство, длабокото познавање на репрезентативниот систем и авторитетот што го ужива во кошаркарските кругови ќе бидат ставени во функција на унапредување на работата на сите сениорски и младински национални селекции, подобра координација меѓу нив, како и дефинирање на стратешки насоки за нивен долгорочен развој.

Во таа насока, Управниот одбор изразува очекување дека во најкраток можен рок, токму преку предлог на новоименуваниот координатор, ќе биде дефинирано и решението за селекцијата на нов селектор на машката сениорска репрезентација, со што ќе се обезбеди стабилност и навремена подготовка за претстојните репрезентативни обврски.

Додека тимовите од Белград ги носеа бодовите од Монако и Минхен, фаворитите на домашен терен не дозволија изненадувања.

Црвена Звезда приреди сензација во Монте Карло, победувајќи го Монако со 96-100 по продолжение. Извонредниот Ебука Издунду со 22 поени и 12 скокови беше клучниот фактор за триумфот на тимот на Саша Обрадовиќ.

Партизан конечно ја прекина црната серија од седум порази, славејќи во Минхен кај Баерн со 63-67. Иако нашиот Нено Димитријевиќ постигна 10 поени за Баварците, Камерон Пејн и Исак Бонга беа пресилни во финишот за гостите од Белград.

Олимпијакос ја запиша својата шестта победа во последните седум меча, совладувајќи го Макаби Тел Авив со 100-93.

Иако Макаби се врати во игра во последната четвртина и намали на едноцифрена разлика, тимот на Јоргос Барцокас не дозволи пресврт. Саша Везенков одигра маестрално со 28 поени, додека Никола Милутинов доминираше во рекетот со 13 поени и 9 скокови.

Највозбудливо беше во „Палау Блауграна“, каде Барселона го победи Дубаи со 91:89. Иако домаќините прокоцкаа предност од 12 поени во последната четвртина, Дарио Бризуела со кош на 2,3 секунди пред крајот донесе големо славје за Каталонците.

Валенсија се врати на победничките патеки со триумф над Париз од 98:84. Домашните кошаркари уште од самиот старт наметнаа силно темпо и брзо стигнаа до двоцифрена предност.

Иако Париз успеа да намали на осум поени негатива до полувремето (50:42), Валенсија со силен старт на третата четвртина ја реши дилемата околу победникот.

Кам Тејлор одигра неверојатен меч постигнувајќи рекордни во кариерата 28 поени, додека Жан Монтеро одлично ја организираше играта со 9 поени и 8 асистенции.

Жалгирис Каунас стигна до важна гостинска победа кај Асвел со 77:96. Литванскиот тим го отвори мечот со фуриозна серија од 2:17, но Французите успеаја да се вратат до полувремето.

Сепак, во третата четвртина на сцена стапи незапирливиот Мозес Рајт, по чија заслуга Жалгирис направи нова серија од 2:18 и создаде недостижна предност. Силван Франциско ги предводеше стрелците со 20 поени, а Жалгирис покажа одлична реализација за два поени од дури 71.4%. Кај Асвел, Томас Ертел постигна 21 поен, но немаше вистинска поддршка од соиграчите

Андреј Шошкиќ го доби своето прво големо индивидуално признание, прогласен е за „Руки на неделата“ (Novice of the Week) во силната CAA конференција.

Ова е историски момент за програмата на Стоуни Брук, бидејќи за првпат ги „собраа“ двете неделни награди, откако соиграчот на Шошкиќ, Ерик Прат, беше именуван за „Играч на неделата“.

Признанието доаѓа како резултат на фантастичната недела во која Шошкиќ беше еден од клучните фактори за двете победи на неговиот тим против Хофстра и Чарлстон.

Против Хофстра блескаше со 20 поени (7/12 од поле, 3/6 за три), предводејќи го тимот до триумф.

Против Чарлстон запиша уште една „двоцифрена“ партија со 11 поени, 5 скока, 5 асистенции и 2 блокади, покажувајќи ја својата сестраност.

Вкупно за неделата, Македонецот имаше просек од 15.5 поени, 4.5 скока и 4 асистенции по натпревар, со импресивен шут за три поени и перфектни 5/5 од линијата за слободни фрлања.

ден од клучните играчи на лидерот во Евролигата, тимот на Хапоел Тел Авив, Антонио Блекни, се најде во центарот на сериозен скандал со наместени натпревари.

Како што објави угледниот „Атлетик“, започната е истрага во која се вклучени дури 20-мина кошаркари, вклучувајќи го и американскиот бек на Хапоел, моментално едно од најпознатите имиња во Евролигата.

Истрагата е поведена поради сомневања за манипулација со резултатите во текот на НЦАА-натпреварувањето, но и на натпреварите одиграни во Кина меѓу 2022 и 2025 година.

Наводно Блекни добил околу 200.000 долари за намерно да настапи полошо од очекуваното при својот престој во Кина.

И покрај ова, Блекни одигра важна улога во тимот на Тел Авив оваа сезона, со просек од 13,8 поени, 2,4 скока и 0,9 асистенции во Евролигата, со индекс на корисност 12.

КК Пелистер и официјално го претстави своето прво засилување во оваа 2026 година. Откако ги стартуваше подготовките, тимот се погрижи и за првото ново име.

Се работи за Брендан Џенкинс, американски бек поентер кој треба да биде од голема корист на „зелено-белите“ во клучниот дел од сезоната.

Џенкинс е исклучително искусен кошаркар, со доста мечеви и во АБА лигата, што значи дека балканскиот кошаркарски свет му е и тоа како познат.

Центарот на Минесота тимбервулвс, Руди Гобер, на вчерашниот натпревар направи флагрантен прекршок врз центарот на Сан Антонио спарс, Виктор Вембањама.

За ова, Гобер доби неспортски прекршок од прв степен и го заработи својот шести поен за неспортски прекршок, што значи автоматска суспензија од еден натпревар.

Според американските медиуми, овој пропуштен натпревар ќе го чини Гобер 201.149 долари од платата.

Оваа сезона, центарот на Волците има просек од 11 поени, 11,4 скока и 1,7 блокади.

Челниците на Евролигата ќе ја тужат НБА, објавува „Јурохупс“.

Евролигата официјално ја информираше НБА дека би можела да покрене судска постапка доколку има дискусија за нов проект во Европа со претставници на клубовите кои веќе се обврзале на Евролигата за следните десет години.

Според извори на „Јурохупс“, Евролигата испратила писмо до НБА минатата недела, а сите клубови од Евролигата кои моментално имаат А лиценца се известени.

Овој потег уште еднаш потврдува дека Евролигата и НБА се во битка за европскиот пазар, времето ќе покаже дали ќе се случи нешто драматично во наредните месеци.

Одржан е состанок на акционерите на Евролигата, каде што на Реал Мадрид, Барселона и Асвел им беше наредено да донесат одлука за својата иднина, а се верува дека Фенербахче е исто така во таа група тимови кои не потпишаа нови лиценци.

Рокот што го поставија акционерите на Евролигата за целосна посветеност на натпреварувањето истекува во петок, па одговорите би можеле да дојдат во следните денови.

Сепак, треба да се напомене дека, законски, според важечките договори, клубовите можат да потпишуваат нови лиценци до 30 јуни 2026 година.