Париз синоќа го победи со 92-79 во првиот натпревар од 30. коло во Евролигата. Францускиот тим ја прекина серијата од три порази.
Шорц со дабл-дабл ефект му донесе победа на Париз над Милан

Македонскиот репрезентативец Т.Џ. Шортс забележа „дабл-дабл“ – 24 поени и 10 асистенции и е најзаслужен за победата на домаќините.

Париз се искачи на шестото место во поредокот со скор 17-13.

Милано е на деветтата позиција со биланс 16-14.

Италијанската кошаркарска федерација тврди дека е блиску до натурализирање на бекот на Минесота Тимбервулфс, Донте Дивиченцо.

Претседателот на федерацијата Џани Петручи во интервју за „Ла Република“ изјави дека Дивиченцо сака да ја претставува Италија на претстојните натпреварувања.

Очигледно, по завршувањето на сезоната во НБА, тој би дошол во Италија за да ја заврши постапката за добивање пасош.

Селекторот на репрезентацијата Џанмарко Поцеко и Џанлуиџи Датоме наскоро би можеле да отпатуваат во САД за да разговараат со НБА кошаркарот на оваа тема.

Италијанците се обидоа да го натурализираат Паоло Банкеро, но кошаркарот на Орландо го избра дресот на САД.

„Дали се плашам од сличен исход како оној со Банкеро? Не чувствувам одговорност за тоа. Тој ни даде неколку ветувања и на крајот го избра американскиот дрес. Сакаше да се натпреварува на Олимпијадата, но на крајот не замина ни во Париз”, изјави Петручи.

Италијанците неколку пати се обидоа да го убедат Дивиченцо да го облече репрезентативниот дрес, но досега тоа не се случи.

Оваа сезона тој има просек од 11,7 поени, 3,7 скока и 3,8 асистенции, со 40% реализација во шутот за три поени.

Италија ќе учествува на овогодинешниот Евробаскет кој започнува на 27 август.

Лос Анџелес Лејкерс е во потрага по нов центар, а потенцијална опција за позицијата број пет би можел да биде поранешниот соиграч на Лука Дончиќ, Даниел Гафорд.

„Атлетик“ објави дека Гафорд е реална центарска опција за Л.А. Лејкерс, кој би можел да ги следи стапките на Дончиќ, кој на почетокот на годината беше трејдуван во тимот од „Градот на ангелите“.

„Мислам дека Даниел Гафорд е „петка“ која навистина добро би се вклопила во Лос Анџелес Лејкерс. Тој е реална опција, не е недопирлив во Далас“, се вели во извештајот.

Гафорд, кој има 26 години, има просечни 12,3 поени, 6,9 скока и 1,9 блокади во 51 натпревар за Далас Маверикс оваа сезона, иако моментално е надвор од тимот поради повреда.

Кошаркарските шампионати на Македонија се ставени во мирување заради седумдневната жалост низ цела територија. Кошаркарската федерација на Македонија го помести календарот за една недела, така да последното коло од регуларниот дел наместо на 23/24 март, ќе се игра на 30/31 март.

Во меѓувреме в среда на 26 март ќе бидат одиграни последните два натпревари од 21. коло, кои не се одиграа во неделата, заради деновите на жалост.

Слични поместувања ќе добијат и натпреварите од женскиот шампионат и пониските и младинските лиги.

Кошаркарот на Филаделфија Пол Џорџ, нема да му помогне на тимот во преостанатите натпревари од тековната сезона.

Во понеделникот, Џорџ беше подложен на процедура која вклучуваше инјекции во левото колено и бутниот мускул.

Се очекува напаѓачот да пропушти најмалку шест недели.

Џорџ ја помина изминатата недела консултирајќи се со лекарите за најдобрите опции за третман. Триесет и четиригодишниот играч се здоби со две повреди на коленото во октомври и ноември, повреда на прст во јануари и во последно време има проблеми со препоните.

Џорџ оваа сезона настапи на 41 натпревар, со просек од 16,2 поени, 5,3 скока и 4,3 асистенции за 32,5 минути по натпревар.

Македонскиот репрезентативец Ненад Димитријевиќ ќе го напушти Милано по завршувањето на сезоната. Димитирјевиќ, минатото лето како големо засилување пристигна во Олимпија.

Димитријевиќ, минатата сезона, блескаше во дресот на УНИКС Казан, беше прогласен за МВП на руската лига.

За неговиот потпис се бореа неколку клубови од Евролигата, тој реши да потпише за тимот на тренерот Еторе Месина.

Нема баш најдобра сезона во Евролигата има просек од 7,9 поени, додека во првенството одигра 13 натпревари со просек од 8,5 поени.

Новинарот Андреа Калцони тврди дека Димитријевиќ би можел да го напушти Милано, бидејќи клубот сака да го ангажира кошаркарот на Тренто, Квин Елис.

На терените во најсилната кошаркарска лига во светот, се помалку има организирани напади за шутеви за два поени, а доминираат ударите од далечина, тие за три поени.

Бостон селтикс е тимот кој предничи со шутевите од далечина. Овој тим во просек упатува 48,3 шутеви за три поени, а во просек погодоуваат 17,9 тројки. Тоа значи дека Бостон има реализација за три поени од 37 отсто.

Тимот кој најмалку го користи ова „оружје“ за три поени е Денвер. Играчите на нагетс, во просек шутираат 31,8 удари за три поени, а погодуваат 38,2 отсто, односно 12,2 тројки на меч.

Поради овие бројки, еден од легендарните НБА кошаркари, Ајзеа Томас упати критики и даде идеја да се воведе ново правило.

„Постои една работа која би сакал да се промени во НБА лига. Сите зборуваат за шутевите за три поени. Сите играчи сега се фокусирани да дојдат до линијата за три поени и да шутираат. НБА лига стана шутерска лига, а имаме многу повеќе промашуваа отколку погодоци. Тоа не е добро“, вели Томас кој е сместен меѓу најдобрите 50 кошаркари во историјата на НБА.

Луѓето зборат за тоа дека шутот за три поени вреди повеќе од шутот за два поени. Тоа е точно, но ако гледате како играат професионалци, сакате да гледате повеќе да има погодени шутеви отколку промашени. А токму тоа се случува во нашата лига. Има повеќе промашувања од погодени, а тоа влијае на изгледот на лигата. Би поставил да има минимум и максимум шутеви да тројка. Максимумот би бил меѓу 25 и 30 шутеви, а минимумот би бил од 10-15 удари за три поени. Така и тренерите повеќе би размислувале кога и кој ќе шутира“, ја објасни својата идеја легендарниот Томас.

Кошаркарот на Анадолу Ефес, Шејн Ларкин, е прогласен за најкорисен играч на 29. коло од Евролигата.

За плејмејкерот на турскиот клуб ова е прва награда МВП оваа сезона.

Ларкин вчеравечер го предводеше Ефес до гостинска победа од 97:92 над Баерн во Минхен со 25 поени. Тој имаше и 4 скока, 4 асистенции и 3 украдени топки.

За Ларкин ова е 18. Вакво признание во кариерата, што е рекорд во Евролигата./

Македонската кошаркарска репрезентација ги дозна имињата на противниците со кои ќе се соочи во претквалификациите за Светското првенство во 2027 година.

Македонија пласман во квалификациите за Мундијалот ќе брка во групата со Унгарија и Романија.

Пласман во квалификациите ќе изборат првите две селекции во групата. Натпреварите ќе се играат летово, во периодот од 2 до 20 август.

Навивачите на Саутемптон и Тотенхем осудени на 28 години затвор

Националната кошаркарска лига на Австралија (НБЛ) и НБА лигата објавија денеска дека НБА лигашот Њу Орлеанс ќе одигра два претсезонски натпревари против НБЛ тимови во Мелбурн во октомври оваа година. Ова ќе биде прво гостување во Австралија на една од екипите од најсилната светска кошаркарска лига.

Њу Орлеанс, во моментов претпоследен во Западната конференција со ефект од 17 победи и 48 порази, прво ќе се соочи со Мелбурн Јунајтед на 3 октомври, а два дена подоцна ќе игра против Мелбурн Феникс

„По долги 15 години, нашиот сон се оствари“, изјави Лери Кестелман, сопственик и директор на елитната австралиска кошаркарска лига (НБЛ), додека Денис Лауш.

Од своја страна, претседател на кошаркарскиот тим Њу Орлеанс, Денис Лауш наведе дека гостувањето во Австралија е уште една потврда за глобалниот раст на НБА лигата.

„Ова е возбудлив момент за нашата организација и доказ за растечкото влијание на НБА на глобално ниво“, посочи првиот човек на Њу Орлеанс.