Легендарниот кошаркар и поранешен капитен на Србија, Милош Теодосиќ, би можел да стане потпретседател и директор на клубот за кој навива уште од дете, веднаш по пензионирањето од играњето.

Како што објавува реномираниоот „Спортски журнал“, Црвена звезда подготви интересна понуда за Милош Теодосиќ.

Еден од најдобрите европски дефанзивци од неговата генерација ќе добие две улоги во клубот откако ќе му истече договорот ова лето, со што ќе заврши кариера што траеше речиси 20 години.

По играњето за ФМП, Борац од Чачак, Олимпијакос, ЦСКА од Москва, Лос Анџелес Клиперс и Виртус од Болоња, Теодосиќ се врати во српската кошарка во 2023 година.

Нов преоден рок, нова статија во италијанските медиуми за потенцијалната соработка помеѓу Ненад Димитријевиќ и кошаркарскиот клуб Партизан.

Минатото лето се зборуваше дека плејмејкерот на македонскиот национален тим и Олимпија Милано би можел да се приклучи на клубот од Хумска, но тоа не се случи.

„Спортандо“, пишува дека се очекува Димитријевиќ да ја напушти Ломбардија по сезоната во која запиша 7,6 поени и 2,9 асистенции во Евролигата за Олимпија. Треба да се нагласи и дека „ено има договор со Олимпија до летото 2026 година.

Дополнителна помпезност во врска со евентуалното доаѓање на Димитријевиќ во Партизан дава фактот што одличниот плејмејкер изјави дека во младоста „навивал за Партизан“…

Инаку за новата сезона, Партизан ќе ги има сите играчи од сегашниот тим под договор, со исклучок на Балша Копривица, чиј договор истекува на крајот од сезоната.

Кошаркарот на ЦСКА Москва, Алекса Аврамовиќ, ќе биде играч на Дубаи од следната сезона, обајви „Јурохупс“.

Дубаи ќе плати обештетување за српскиот репрезентативец и ќе потпише договор со него, останува да се види за колку сезони.

Алекса беше одличен во ЦСКА, еден од најдобрите кошаркари во тој тим, а овој трансфер во Дубаи ќе значи и негово враќање во АБА лигата и Евролигата.

По 47 настапи во Евролигата со Партизан, бекот од Чачак повторно ќе игра во елитното натпреварување со Дубаи, кој доби петгодишна лиценца од Евролигата. Јасно е дека газдите на клубот ќе формираат сериозен тим за наредната сезона.

Аврамовиќ очигледно е првата аквизиција.

Управниот одбор на Евролигата донесе одлука за проширување на лигата почнувајќи од наредната сезона. Од сезоната 2025/26 во Евролигата ќе се натпреваруваат 20 екипи.

На денешното гласање победи опцијата што подразбира зголемување на бројот на учесници од претходните 18 на 20.

Ова значи дека во следната сезона ќе играат 17 клуба од сезоната зад нас, Хапоел Тел Авив како победник на Еврокупот, како и Валенсија и Дубаи.

Од 18-те клуба што се натпреваруваа во сезоната 2024/25, нема да ја гледаме само берлинската Алба.

Следната сезона во Евролигата ќе се натпреваруваат: Ефес, Монако, Басконија, Црвена звезда, Олимпија Милано, Барселона, Баерн, Фенербахче, Асвел, Макаби, Олимпијакос, Панатинаикос, Париз, Партизан, Реал Мадрид, Виртус, Жалгирис, Хапоел Тел Авив, Валенсија и Дубаи.

Новата, историска сезона во Евролигата започнува во октомври, а Фенербахче ја брани титулата.

Кошаркарите на Оклахома се пласираа во финалето на плејофот на Американската професионална кошаркарска лига (НБА).

Во петтиот натпревар од финалната серија на Западната конференција, играчите на Тандер ја победија Минесота со 124-94 на домашен терен.

Оклахома ја доби серијата со вкупен резултат од 4:1, а за најкорисен играч (MВП) на финалето на Западната конференција беше прогласен плејмејкерот на Тандер, Шеј Гилџес-Александер, кој во финалната серија имаше просек од 31,4 поени, 8,2 асистенции и 5,2 скока.

Најефикасен во тимот на Оклахома во петтиот натпревар од серијата беше Шеј со 34 поени, осум асистенции и седум скока.

Чет Холмгрен додаде 22 поени, седум скока и три блокади, Џејлен Вилијамс имаше 19 поени, осум скока и пет асистенции, додека Лугенц Дорт имаше 12 поени и три украдени топки.

Во тимот на Минесота, Џулиус Рендл беше најефикасен со 24 поени. Ентони Едвардс додаде 19 поени и шест скока, додека Наз Рид и Теренс Шенон Џуниор постигнаа по 11 поени.

Ова е прв пласман на Оклахома во финалето на НБА плејофот од 2012 година, кога загуби од Мајами во финалната серија со вкупен резултат од 1:4.

Во финалето од НБА плејофот оваа сезона, Оклахома ќе игра против победникот од дуелот помеѓу Индијана и Њујорк, во кој Пејсерс водат со 3:1.

Шпанскиот гигант Реал Мадрид го доведе првото засилување за следната сезона. Тригодишен договор со Реал потпиша поранешниот плејмејкер на Асвел, Тео Маледон.

Убедливо најдобриот првотимец на тимот од Вилвербан во неодамна завршената сезона во Евролигата, со тоа го официјализираше принципиелниот договор што го имаше со „кралскиот клуб“ веќе некое време.

Преминувањето во редовите на најтрофејниот европски клуб несомнено ќе биде чекор напред во кариерата на Маледон по статистички најдобрата сезона во Евролигата.

Според извештаите, вредноста на договорот на Маледон во Реал ќе биде шест милиони евра, што значи дека Французинот ќе инкасира два милиони по сезона.

Договорот меѓу двете страни вклучува и НБА клаузула на крајот од дебитантската сезона, па Реал ќе мора да го пушти Французинот, доколку тој добие понуда од најсилната лига во светот, каде што веќе играше за Филаделфија, Оклахома, Шарлот и Хјустон.

Кошаркарот на репрезентацијат на Шпанија и Реал Мадрид Серхио Љуљ нема да биде дел од Евробаскетот 2025.

37-годишниот шпански кошаркар го објави своето повлекување од националниот тим.

Љуљ има освоено сребро (2012) и бронза (2016) на Олимписките игри, злато на Светското првенство (2019), три титули на Евробаскет (2009, 2011, 2015) и една бронза (2013).

Во својата репрезентативна кариера овој кошаркар го носеше дресот на Шпанија на 173 натпревари и освои 7 медали.

НБА лигата ги избра најдобрите петорки за сезоната 2024/25. Четворица играчи добија максимален број на гласови од стручното жири за вклучување во идеалната петорка, меѓу нив и Никола Јокиќ, српскиот центар на Денвер Нагетс и кандидат за својата четврта титула за најкорисен играч.

Максималниот број гласови од жирито го доби и Шај Гилџис-Александер (Оклахома Сити Тандер), најдобриот стрелец на НБА лигата во тековната сезона (32.7 поени во просек) .

По 100 поени во гласањето добија и Јанис Антетокунмпо (Милвоки Бакс) и Џејсон Тејтум (Бостон Селтикс).

Сите четворица повеќепати биле избрани во најдобрите петорки на НБА лигата. За првпат е вклучен во неа и Донован Мичел (Кливленд Кавалирс).

Монако ќе му биде противник на Фенербахче во борбата за титулата во кошаркарската Евролига. Монако, во второто полуфинале на завшрниот турнир во Абу Даби, го победи Олимпијакос 78-68.

Олимпијакос тимот со најдобар резултат во регуларниот дел од сезоната, не успеа да стигне до финалето. Ниту еднаш во историјата на Евролигата, откако се игра во овој формат со завршен турнир, од 2016/2017 година, најдобриот тим од регуларниот дел не успеал да дојде до титулата.

Монако го надигра Олимпијакос и се пласира во првото финале во клупската историја. Во второто полувреме Монако одигра брилијантно, особено во вториот дел од третата четвртина, кога дојде до разлика од 13 поени.

Алфа Диало го предводеше Монако со 22 поени и шест скока, Мајк Џејмс имаше 17 поени и по седум скока и асистенции. Двоцифрени беа и Мамаду Жите со 11 поени и шест скока, односно Џером Блосингејм со 12 поени.

Кај Олимпијакос потфрлија сите, со исклучок на Еван Фурние. Францускиот репрезентативец постигна 31 поен. Двоцифренен беше уште само Најџел Вилијамс-Гос со 12 поени. Најдобриот играч на Олимпијакос Саша Везенков постигна скромни седум поени.

Финалниот натпревар ќе се одигра в недела од 19:00 часот.

Во пресрет на завршниот турнир во Евролигата, новинарот на „Спортандо“, Алесандро Маџи, објави дека следната сезона во елитното натпреваруање ќе учествуваат дваесет екипи.

Клучениот состанок на челниците на Евролигата се одржа во Абу Даби пред почетокот на Фајналфорот во кој учествуваат Панатинаикос, Фенербахче, Олимпијакос и Монако, а неговите заклучоци најавуваат значајни промени за следната сезона на најсилното клупско кошаркарско натпреварување во Европа.

Најголемата вест е дека сезоната 2025/26 ќе има дури 38 кола, во тој распоред се планирани 10 двојни рунди.

Уште поважна одлука се однесува на календарот на меѓународните натпреварувања, играчите од Евролигата нема да можат да настапуваат за националните тимови во квалификациите за Светското првенство во текот на сезоната.