Македонија имаше успешен почеток на претквалификациите за пласман на Евробаскетот 2029 година. Македонија го победи Азербејџан со 87:49.

Убедливиот триумф ќе им ја зголеми самодовербата на кошаркарите, пред гостувањето во Даблин кај Република Ирска.
„Ова беше заслужена победа. Морам да ја пофалам тимската хемија и енергија која постои во овие три дена. Никогаш ниту преценуваме, ниту потценуваме некого. Но мора да ги пофалам играчите дека за краток период функционираа одлично, и тоа што го покажаа на теренот и го покажува и семафорот, е заслужено. Овој дуел со Азербејџан го забораваме и архивираме и останува да се спремиме за она што ни следи – Ирска.

Мора да направиме добар скаутинг и во краткиот период да ги рехабилитираме играчите кои имаат поголема минутажа и се повозрасни. Мора да функционираме со енергија на високо ниво, а без разлика кој е на другата страна, мора да бидеме максимални“.

На своето деби за репрезентацијата на Македонија, Омари Мур дојде до скор од шест поени, исто толку скокови и девет асистенции.

„На овој меч играше Омари Мур затоа што има промена во нивниот тим кај натурализираните играчи, па ние решивме да користиме играч на бековската позиција. Секако дека Мур ги оправда очекувањата на стартот, иако дојде веднаш по мечот со Баерн.

Се вклопивме добро, и станува збор за вистински професионалец и позитивна личност. Можеби јавноста очекуваше дека ќе се случуваат атракции и многу поени, сепак, тој донесе стабилност и ја држеше целата екипа со искуството кое го носи со себе. Добро ја постави својата игра и си ја заврши задачата“, рече по натпреварот селекторот Илиевски.

Уште на првиот меч од претквалификациите, Андреј Јакимовски покажа дека е иднината на македонската репрезентативна кошарка.

Одигра одличен натпревар против Азербејџан, го круниса со двоен ефект од 25.поени и 11.скока.

„Ова е прв добар чекор за нас во овој циклус. Влеговме како фаворити и го оправдавме тоа. Има уште многу до нашата посакувана цел и форма. Но како што кажав, ова е добар чекор кон тоа. Сме на добар пат и се надевам дека во наредните циклуси ќе бидеме комплетни, сите заедно и нашиот фокус е на Ирска. Мислам дека се работи за посилна селекција од Азербејџан и нашиот фокус е таму, од ден на ден да бидеме подобри.

Овој период е доста краток, но мора да го искористиме за да се воиграме и запознаеме. Мур е одличен играч, го имаме и Вајли. Наше е да се подобруваме од ден во ден, и да го дадеме нашиот максимум.

Имав доста измешани емоции на кам-бекот во репрезентацијата. Сакав и претходно да играм, но поради некои оправдани причини не можев. Среќен сум што сум тука, ќе се јавувам на повикот на селекторот ако сум спремен и здрав. Задоволен сум и лично како одиграв, иако секогаш може подобро“- искоментиора најдобриот поединец во победата над селекцијата на Азербејџан.

Македонија имаше успешен почеток на претквалификациите за пласман на Евробаскетот 2029 година. Вечерва во СРЦ „Кале“ делувавме убедливо во натпреварот против Азербејџан, славевме убедлив триумф кој носи уште поголема доза на самодоверба во нашиот тим, кој за три дена има нов предвизик, гостински, дуелот со селекцијата на Ирска во Даблин, (вечерва загуби на гостувањето во Луксембург).

На задоволство на селекторот Марјан Илиевски, кој имаше само пофални зборови за прикажаното од страна на неговите избраници во овој премиерен меч од групата „А“.

„Ова беше заслужена победа. Морам да ја пофалам тимската хемија и енергија која постои во овие три дена. Никогаш ниту преценуваме, ниту потценуваме некого. Но мора да ги пофалам играчите дека за краток период функционираа одлично, и тоа што го покажаа на теренот и го покажува и семафорот, е заслужено. Овој дуел со Азербејџан го забораваме и архивираме и останува да се спремиме за она што ни следи – Ирска.

Имаме патување за Ирска, и како и за секој меч е исто. Мора да направиме добар скаутинг и во краткиот период да ги рехабилитираме играчите кои имаат поголема минутажа и се повозрасни. Мора да функционираме со енергија на високо ниво, а без разлика кој е на другата страна, мора да бидеме максимални“.

Селекторот Илиевски ја објасни и промената на позицијата „натурализиран играч“…

„На овој меч играше Омаре Мур затоа што има промена во нивниот тим кај натурализираните играчи, па ние решивме да користиме играч на бековската позиција. Секако дека Мур ги оправда очекувањата на стартот, иако дојде веднаш по мечот со Баерн.

Се вклопивме добро, и станува збор за вистински професионалец и позитивна личност. Можеби јавноста очекуваше дека ќе се случуваат атракции и многу поени, сепак, тој донесе стабилност и ја држеше целата екипа со искуството кое го носи со себе. Добро ја постави својата игра и си ја заврши задачата“ – дополни Илиевски на прес-конференцијата по натпреварот.

Анадолу Ефес објави дека го отпушта главниот тренер Игор Кокошков.

Педесет и тригодишниот српски тренер го презеде турскиот клуб ова лето по враќањето од НБА.

Кокошков поголемиот дел од својата кариера го помина како помошник тренер во тренерските штабови на клубовите од Американската лига.

Кратко време ги тренираше Феникс Санс (2018-19) и Фенербахче (2020-21), а работеше и со репрезентациите на Грузија, Словенија и Србија.

Анадолу Ефес има скор од 5-8 во Евролигата и 6-3 во Турската лига.

Кошаркарската репрезентација на Македонија со победа ги отвори претквалификациите за Европското првенство во 2029 година. Во Скопје, Македонија го совлада Азербејџан со 87-49.

Македнија ја оправда улогата на фаворит и според очекувањата забележа лесна и убедлива победа.

Андреј Јакимовски беше најдобар со дабл-дабл (25 поени и 11 скокови). Двоен учинок од 16 поени и 11 скока реализираше и капитенот, Војдан Стојановски, Зеќири уфрли 17 поени.
На своето деби за репрезентацијата на Македонија, Омари Мур дојде до скор од шест поени, исто толку скокови и девет асистенции.
Во наредното коло од групата А, на 30.ноември, нашата најдобра селекција ќе гостува во Даблин кај Република Ирска.

Тренерот на Партизан, Жељко Обрадовиќ, понудил оставка на функцијата по серијата порази на тимот во Евролигата, објавија српските медиуми. .

Неуспехот на Партизан во Атина против Панатинаикос беше седми во последните осум натпревари, тимот изгледаше летаргично, без идеи, дозволувајќи му на противникот серија 25:0 во третата четвртина со која мечот беше решен.

Очигледно, Обрадовиќ нема начин да ја сврти ситуацијата, како што правел многу пати откако дошол во клубот, па затоа решил да го крене сидрото и да ја препушти работата на некој друг.

Управата на клубот сè уште треба да ја разгледа одлуката на Обрадовиќ, но се чини дека е конечна.

Наводно, Жоц дури и не се вратил со тимот од Атина во Белград.

По 13 натпревари во Евролигата, Партизан е на дното на табелата со учинок од 4-9, а само Асвел и Макаби имаат полош резултат…

За потсетување, Обрадовиќ е на клупата на Партизан од 25 јуни 2021 година, во својот втор мандат во клубот со кого ја освои првата (1992 година) од деветте титули европски клупски првак. Останатите титули го освоил со Панатинаикос, Реал, Хувентуд и Фенербахче.

Еторе Месина повеќе не е тренер на Олимпија Милано откако искусниот италијански стратег поднесе оставка по разочарувачкиот старт на сезоната, јавуваат италијанските медиуми

Милано влезе во серија од три порази во изминатата недела во Евролигата и во домашниот шампионат. Токму лошата форма го наведe 66-годишниот Месина да се повлече од клупата.

Сепак, тоа не значи негово целосно заминување од клубот бидејќи ќе остане во структурата на Олимпија како личен советник на претседателот.

Тимот привремено ќе го води Џузепе Пепе Поета, кој летово потпиша тригодишен договор со Милано по пристигнувањето од Бреша.

Македонската кошаркарска репрезентација в четврток ќе го одигра својот прв натпревар од квалификациите за Евробаскетот во 2029 година. На 27 ноември, влезот во СРЦ „Кале“ каде ќе гостува репрезентацијата на Азербејџан, ќе биде слободен.

– Македонската федерација ги повикува сите искрени љубители на кошарката, и фанови на нашата најдобра машка репрезентација да дојдат во „Кале“, и да им дадат поддршка на момците во овој натпревар, за кој влезот ќе биде слободен, објави КФМ.

Ова ќе биде прв натпревар за македонските кошаркари во групата „А“ од претквалификациите за пласман на Европското првенство 2029.

Ги „прескокна“ претквалификациите за Светскиот Куп, но од денеска му се стави на располагање на селекторот Марјан Илиевски на првиот тренинг пред она што е наредно на ред за нашиот сениорски национален тим.

Почетокот на претквалификациите за Евробаскетот во 2029 година. во кој нашиот сениорски тим ќе биде за одредена доза на искуство „побогат“ со присуството на Стојан Ѓуроски.

А искусниот кошаркар изрази задоволство што повторно е дел од тимот:

„Чувството е одлично. Задоволство е и гордост да се претставува Македонија. Не настапив на последните мечеви заради повреда, и убаво е што пак сме заедно. Мислам дека ни следи одлична атмосфера, да ги анализираме противниците и да се спремиме за следните два меча. Уште ги немаме гледано ривалите, но ние одиме на победа без разлика кој е на другата страна. Имаме три дена подготовки, но за сите е исто. Имаме неколку повратници во екипата, сме играле и со Вајли заедно, така што нема да имаме проблеми да се воиграме“ – смета Ѓуроски.

Натпреварот против селекцијата на Азербејџан, Македонија ќе го игра на 27. ноември (од 19.часот,) во салата на СРЦ „Кале“ во Скопје.

Машката сениорска репрезентациија на Македонија е одново заедно. Во хотелот „Александар Палас“ во Скопје, каде ќе биде „базата“ на нашиот национален тим во наредните денови, селекторот Марјан Илиевски и неговите асистенти Борче Даскаловски и Мирко Петрески, ги дочекаа кошаркарите на кои ќе смета за она што следува во оваа работна седмица.

Натпреварите од групната фаза од претквалификациите за Евробаскетот 2029 година.

„Она што било, тоа ќе го оставиме во минатото. Вратите се отворени за сите кои се на располагање. Оние кои играа летоска го дадоа својот максимум, можеби и над максимумот.

Надополнети сме со играчи кои се поискусни, што не значи дека многу работи се менуваат, но значи дека играчите кои имаат „носено“ поинакви мечеви се присутни тука и сигурно ќе бидат од значење, не потценувајќи никого што беше тука за време на летото, бидејќи нивното време доаѓа“ , потсети селекторот на првата прозивка околу ноемврискиот ростер.

Говори и за противниците во првиот кваалификациски циклус за пласман на Евробаскетот во 2029 година, прво Азербејџан, на 27.ноември, во Скопје, потоа на 30.ноември, со Ирска во Даблин…

„Азербејџан и Ирска… Не постојат држави кои не играат кошарка. Да не ги кажуваме предвреме нашите очекувања, секој пат ќе биде тоа, да дадеме 100% од себе и да се победат мечевите.

Но, не сакам никој да не сфати здраво за готово, и дека за три дена ќе видиме нешто ново, иако тоа се играчи што играле долго време во репрезентацијата. Овие три дена кои ги имаме на располагање ќе ја воиграме нашата замисла и играчите да одговорат максимално што можат

Азербејџан, од она што го имаме како информација, е тоа дека го мениуваат странскиот играч. Претходно имаа центар, сега имаат плејмејкер. Се работи за играч кој низ клубовите бил меѓу носителите, па сигурно е дека ќе се промени нивната тактика на терен затоа што имаат носител-играч на друга позиција.

И останатите играчи им настапуваат, но не оставаат некаква конкретна и јасна слика, секој меч им е различен од другиот. Некој меч се длабоко во негатива, некои мечеви се близу до победа, така што ќе говориме по мечот“.

Во овој ноемвриски ФИБА „прозорец“ селекторот Марјан Илиевски ќе има на располагање уште еден натурализиран играч. Освен Џејкоб Вајли, за место во тимот ќе конкурира и играчот н шпанската Валенсија, Омари Мур.

„Вајли е со тимот, Мур доаѓа во среда, а Сестина е повреден и ќе отсуствува два месеци. Имаме на располагање двајца натурализирани играчи и ќе одлучиме кој ќе игра. Двајцата ќе бидат тука и по она кое ќе го увидиме, ќе ги распоредиме.

Андреј Јакимовски е исто така присутен тука, сигурно ни значи многу како македонски играч и играч кој веќе има одлична минутажа во својот клуб. Игра во квалитетна лига, се работи за европски систем во последните месеци и ќе биде од огромно значење“, смета Илиевски пред првиот тренинг закажан вечерва од 18.30 часот, во салата на СРЦ „Кале“ во Скопје.