Американскиот плејмејкер Џон Вол реши да стави крај на кариерата.Пензионирањето го објави на социјалните мрежи.

По 11 сезони во НБА, 34-годишниот плејмејкер рече: „Пензиониран, но не сум готов“.

Вол беше прв пик на драфтот во 2010 година, кога по една сезона во Кентаки под водство на Џон Калипари, заедно со Демаркус Казинс, Ерик Бледс и Патрик Патерсон, пристигна во најсилната лига во светот.

Тој играше за Вашингтон Визардс од 2010 до 2020 година, а потоа играше за Хјустон Рокетс и Лос Анџелес Клиперс, а од 2023 година, Џон Вол нема тим.

Тој беше елитен НБА плејмејкер, прототип на играч од старата школа кој секогаш ќе се стреми прво да асистира и имаше просек од 18,7 поени со 8,9 асистенции, 4,2 скока и 1,7 украдени топки во 647 натпревари во кариерата во НБА.

Во 2019 година, Вол потпиша супермакс договор со Вашингтон, во во краток период доживеа две тешки повреди што го доведоа до депресија и речиси ја завршија неговата кариера уште тогаш.

36-годишниот Алексеј Швед, го одработи договорот со рускиот кошаркарски состав Зенит по што ќе го напушти клубот од Санкт Петербург.

Швед потпиша договор за време на регуларната сезона 2024/25 и му помогна на тимот да дојде до првото место по втор пат во историјата.

Бекот одигра 33 натпревари за Зенит, постигнувајќи просек од 9 поени, 2,2 скока и 5,1 асистенции.

Словенечката кошаркарска репрезентација загуби од Латвија со 100:88 во подготвителен натпревар пред Евробаскетот.

Освен поразот, Словенија може да биде загрижена и за статусот на Лука Дончиќ, кој се повреди во третиот период.

За разлика од натпреварот против Литванија, овој пат Словенците играа со Лука Дончиќ, кој веќе во првото полувреме покажа каква движечка сила е за тимот на Александар Секулиќ.

Во првото полувреме, кошаркарот на Лос Анџелес Лејкерс постигна 26 поени за 17 минути игра, заедно со четири скока, пет асистенции и две украдени топки.

Третата четвртина им донесе главоболки на Словенците, Дончиќ се повреди откако соиграчот Грегор Хроват падна врз неговото колено.

Ѕвездата на Лејкерс веднаш сигнализираше дека не може да ја продолжи играта, па го напушти теренот и се упати кон соблекувалната.

Подоцна, се врати на клупата, од каде што го следеше натпреварот до крајот.

Легендарниот тренер на Лос Анџелес Лејкерс, Пет Рајли, ќе добие статуа пред „Крипто Ком Арена“, поранешниот „Стејплс Центар“, од 22 февруари.

Лејкерс ќе му оддадат почит на Рајли во натпреварот против најголемиот ривал Бостон. Статуата на Рајли ќе стои до статуите на големите легенди на франшизата Карим Абдул-Џабар, Меџик Џонсон и Коби Брајант.

Тој ги тренираше Лејкерс од 1981 до 1990 година, период наречен „шоутајм“ и освои четири титули.

Репрезентативецот на Босна и Херцеговина, Џанан Муса, беше опериран во Минхен поради повреда на абдоминалниот ѕид, и неизвесно е дали ќе биде подготвен за Европското првенство, кое започнува за 12 дена.

ПР тимот на новиот кошаркар од Дубаи објави дека Муса имал проблеми со повреда, поради што пропуштил бројни тренинзи, и многу е можно да не биде дел од националниот тим на Евробаскет.

Босна и Херцеговина е во групата Ц со домаќините Кипар, Италија, Грузија, Шпанија и Грција.

Вечерва во 20:45 часот, Србија ќе игра против Чешка на подготвителниот кошаркарски турнир Суперкуп во Минхен. Ден потоа, српската репрезентација ќе игра против победникот или поразениот од натпреварот помеѓу Германија и Турција.

„Германија го освои првенството тука во 1993 година. Јас живеам во Минхен, во близина на новата, прекрасна сала, можеби најдобрата во Европа. Минхен е, можам да кажам, мојот град. Сега сум повеќе во Србија од познати причини, но кога ми треба мир, тогаш доаѓам тука“, рече српскиот селектор Светислав Кари Пешиќ.

Поради повреди, Ален Смаилагиќ и Урош Трифуновиќ не отпатуваа во Германија, а најголемата мистерија за селекторот е состојбата на Василије Мициќ.

„Не е сјајно. Смаилагиќ и Трифуновиќ сè уште не се подготвени за тренинг. Се обидуваме со Васа да го вратиме, но не оди според планот, како што предвидовме. Васа се обидува, се обидува малку, но сè уште е чувствува болка. Ќе видиме, во следните неколку дена ќе мора полека да носиме одлуки, но главно останатите играчи се добро.

Продолжуваме да тренираме, да работиме. Секако, сме загрижени за овие повреди. Морам искрено да кажам, најмногу ме загрижува дали воопшто ќе можеме да сметаме на Мициќ. И тој се обидува, и ние се обидуваме да го вратиме, но тешко е.“

Мициќ е долгогодишен член на националниот тим. Својата кариера ја изгради во Европа, а најголемиот успех го постигна со Анадолу Ефес, со кого ја освои Евролигата во 2021 и 2022 година, заедно со наградите за најкорисен играч во сезоната и Фајнал Фор во 2021 година.

После тоа, се пресели во НБА. Откако настапи за Оклахома Сити Тандер, Шарлот Хорнетс и Феникс Санс, се врати во Европа, во израелскиот Хапоел.

Американскиот кошаркар Кеслер Едвардс го засили тимот на Денвер Нагетс.

Минатата сезона Едвардс го носеше дресот на Далас и одигра 40 натпревари, со просек од 4,3 поени и 1,1 асистенција за петнаесетина минути на паркетот.

Во моментов тој е во тренинг-кампот на Денвер и се очекува да остане во тимот кој повторно има големи амбиции за следната сезона и сака да ја нападне шампионската титула.

Кеслер е одличен одбранбен играч и се очекува да биде користен најмногу во дефанзивната ротација на тимот од Колорадо.

Потрес ја зафати словенечката кошаркарска репрезентација пред Евробаскетот, по одлуката на селекторот, искусниот Зоран Драгиќ да патува на континенталното натпреварување.

Селекторот Александар Секулиќ му се заблагодари на Жига Данеу за соработката, но и на Драгиќ, кој мислеше дека ќе се збогува со репрезентацијата веднаш по Европското првенство.

Во меѓувреме се јави неговата сопруга Светлана, која вели дека Зоран сам ја напуштил репрезентацијата.

„Зоки сам ја напуштил репрезентацијата и со тоа веројатно му ги олеснил работите на дотичниот господин, кој не знаел како да го избрка од репрезентацијата“, напиша Светлана.

Наводно, конфликтот се случил по поразот на Словенија во Германија, кога Драгиќ одиграл само три минути.

Секулиќ верува дека Драгиќ не може да ѝ помогне на репрезентацијата, додека во исто време се шпекулира дека Федерацијата е во конфликт со неговиот брат, Горан.

„Во секој случај, младите заслужуваат шанса и можност да играат, а им посакувам на другите долгогодишни членови да го завршат своето репрезентативно патување на достоинствен начин, со барем малку благодарност од челниците на Федерацијата“, додаде сопругата на Зоран Драгиќ.

НБА ѕвездата на Милвоки Бакс не отпатува за Кипар, каде што Грција играше натпревари против Србија и Израел, и ги загуби двата.

На почетокот се веруваше дека причината е мала повреда, но грчкиот портал „SDNA“ открива што се случува со Адетокумбо.

Станува збор за неплатената полиса за осигурување. Без неа, Јанис не може да игра за репрезентацијата, иако е целосно здрав и тренира индивидуално.

Како што објавува „SDNA“, неговиот клуб, Милвоки Бакс, е вклучен во целиот случај.

Грчката кошаркарска асоцијација (EOK) не дава официјални изјави, но извори блиски до асоцијацијата потврдуваат дека сè е во рацете на франшизата од Висконсин.

Плаќањето на осигурувањето, кое би го заштитило играчот во случај на повреда, сè уште не е решено. Одлуката дали Адетокунбо ќе игра на Евробаскетот зависи и од Бакс, кои во моментов се фокусирани на потенцијалната размена на нивната суперѕвезда.

Тео Симиќ ќе биде дел од селекцијата на Македонија на следниот дуел со Романија на гостински терен.

Како предуслов за успех, високиот кошаркар го гледа оној правилен пристап на сите кошаркари кои ќе бидат во конечниот ростер на селекторот Марјан Илиевски:

“Романија е добро позната репрезентација за нас бидејќи пред десетина дена се сретнавме со нив во Куманово на наш терен каде што бевме многу блиску до победа, а натпреварот беше одлучен во последните две минути. Мислам дека со вистински пристап од почеток на натпреварот до крајот може да се надеваме на добар резултат. Во Куманово покажавме дека можеме да играме против секоја репрезентација мислам дека и овде во Орадеа имаме големи шанси за победа. Пристапот кон мечот, и енергијата која ја краси оваа, доста подмладена репрезентација, треба да ни дадат поголема шанса за успех на ова второ по ред гостување во претквалификaциите. И искрено се надевам дека со нашата енергија, желба и борба ќе излеземе како победници од овој натпревар“, изјави Симиќ.

Натпреварот меѓу Романија и Македонија се игра во среда од 19:00 часот