Повредите ја осакатија Словенија, проблем и за голманот Ферлин
Ракометната репрезентација на Словенија има сериозни проблеми пред почетокот на Европското првенство, а словенечките медиуми ситуацијата ја карактеризираат како „катастрофална“. Селекторот Урош Зорман се соочува со големи број на повредени играчи.
На Европското првенство нема да играат: Алекс Влах, Миха Зарабец, Матиќ Грошељ, Тадеј Кљун, Митја Јанц, Јака Малус, Нејц Цехте и Блаж Благотиншек. Дополнително на листата на повредени е и голманот Клемен Ферлин, што е сериозен проблем особено голманската позиција.
Словенија во првото коло во Осло игра против Црна Гора, а во групата сè уште репрезентациите на Фарски острови и на Швајцарија.
Баерн се вклучи во трката по капитенот на Кристал Палас
Капитенот на премиерлигашот Кристал Палас Марк Геи е еден од најбараните играчи од одбраната во овој преоден рок. Последните информации од германските медиуми се дека првакот на Бундес лигата Баерн е во постојан контакт за негов потенцијален премин.
Геи во јуни е слободен играч што му дава шанса за преговори.
Во трка за потпис се наоѓаат и премиерлигашите Ливерпул и Манчестер Сити. Доколку трансферот се случи зимава неговиот клуб ќе може да заработи обесштетување, а се проценува на сума од околу 20 милиони евра.
Фудбалерот во летниот преоден рок беше пред трансфер во англискиот првак Ливерпул, но тогаш менаџерот на клубот Оливер Гласнер во последен момент го стопираше трансферот, кој пропадна буквално во последниот ден.
Митревски и Тодоровски ќе судат на дербито меѓу Шведска и Холандија
До почетокот на Европското првенство остануваат уште два дена, а веќе се одредени судиите за дуелите од првото коло.
Македонските судии со знакот на ЕХФ од Битола Димитар Митревски и Благојче Тодоровски ќе ги судат дуелите во групната фаза во Малме.
Тие во првата рунда ќе го судат дербито меѓу ко-домаќинот Шведска и Холандија што се игра на 17.јануари во 20:30 часот во Малме.
Во оваа група настапуваат уште репрезентациите на светскиот вицепрвак Хрватска и Грузија.
Митревски и Тодоровски за првпат ќе судат на Европско првенство во сениорска конкуренција, додека од листата на судии ЕХФ ги повлече Ѓорѓи Начевски и Славе Николов.
Милев се повлече од сите свои функции во ОК Струмица
По внимателно размислување Владо Милев одлучи да се повлече од клубот – и како претседател, и како играч. Оваа одлука е донесена во согласност со неговите принципи и визија, прифаќајќи дека продолжувањето на соработката со дел од управата, со различни вредности и пристапи, не е во согласност со тие принципи, соопштија од ОК Струмица долгогодишен македонски одбојкарски шампион и освојувач на купот.
Во соопштението се наведува дека репрезентативецот Милев е дел од генерацијата која го оствари најголемиот успех во историјата на македонската одбојка и потпретседател на Одбојкарската федерација на Македонија.
– Под негово водство, клубот секоја година е шампион во сите категории – пионери, кадети, младинци и сениори, постигнувајќи континуитет на успех што е реткост во спортот. Владо го реализираше и еден од најголемите проекти во историјата на македонската одбојка – соработката со „Jastrzębski Węgiel“, европски и полски шампион, проект кој ретко кој клуб може да го повтори. Благодарение на ова, младите играчи имаа можност да тренираат со врвни играчи, да видат како се игра во елитата, а тренерите на клубот добија едукација од највреднуваните тренери во светот, знаење кое веднаш го применуваа во клубот, со резултати во сите категории, стои во соопштението на клубот.
Се додава дека се што Милев постигнал со клубот е трајна вредност и сведоштво за трудот, посветеноста и интегритетот со кои го водел клубот, а ОК Струмица му изразува огромна благодарност за сè што направил – за играчите, за тренерите, за младите, за градот и за македонската одбојка.
Лина Ѓорческа елиминирана во второто квалификационо коло
Нашата најдобра тенисерка, Лина Ѓорческа е елиминирана во квалификациите за пласман на Австралија Опен. По голема борба, во меч со три сета, Ѓорческа е елиминирана од Тамара Зиданшек од Словенија.
Ѓорческа го доби првиот сет со 6-4, по што во вториот подобра беше Зиданшек која изедначи на 1-1, откако го доби вториот сет со 6-2.
Во третиот решавачки сет следеше голема борба, се чекаше една од тенисерките да направи грешка. Зиданшек при резултат 5-5 го гејмови, за малку ќе го загубеше гејмот на свој сервис, сепак Лина за малку не успеа да го добие тој герм и да дојде до водство.
За жал тоа и успеа на Зиданшек која успеа да го добие следниот гејм на сервис на Ѓорческа за конечни 5-7 и победа од 2-1 во сетови.
Ова беше меч кој траеше два часа и 15 минути
Семењо блеска, Сити сигурен против Њукасл во полуфиналето
Манчестер Сити направи значаен чекор кон финалето на Карабао Купот, откако славеше со 2-0 против Њукасл во првиот полуфинален натпревар на Сент Џејмс Парк. Погодоците на Антоан Семењо и Рајан Черки му донесоа на тимот на Пеп Гардиола комотна предност пред реваншот, закажан за 4 февруари на Етихад.
Новото засилување на Сити, Антоан Семењо, повторно беше во центарот на вниманието. Напаѓачот пристигнат од Борнмут за 65 милиони фунти го отвори резултатот во 52. минута, откако одлично реагираше во шеснаесетникот по центаршутот на Џереми Доку и асистенцијата со глава од Бернардо Силва. Тоа беше негов втор погодок во исто толку настапи, откако на деби-мечот против Ексетер запиша гол и асистенција.
Семењо уште еднаш ја затресе мрежата, но погодокот беше поништен по интервенција на ВАР. И покрај тоа, неговата енергија и движење создаваа постојани проблеми за одбраната на Њукасл.
Домашните имаа одличен почеток и двапати ја погодија рамката од голот преку Жоан Виса и Бруно Гимараеш, но Манчестер Сити издржа, а голманот Џејмс Трафорд имаше неколку клучни интервенции.
Во самиот финиш, резервистот Рајан Шерки ги реши сите дилеми со прецизен удар во 98. минута, потег кој му донесе пофалби од стручните коментатори и дополнително ја зацврсти позицијата на Сити пред вториот натпревар.
Менаџерот на Њукасл, Еди Хау, не го криеше разочарувањето поради неискористените шанси, но порача дека полуфиналето сè уште не е решено и дека во Манчестер се можни „магични моменти“. Сепак, бранителите на трофејот ќе имаат тешка задача да ја надоместат негативата.
Од друга страна, младите дефанзивци на Сити, меѓу кои Кусанов и Алејн, оставија одличен впечаток, носејќи му чиста мрежа на својот тим и дополнителна самодоверба пред продолжението на сезоната
Македонија ја почна годината на 66. место на ФИФА ранкинг листата
Фудбалската репрезентација на Македонија нема да менува позиции на најновата ФИФА-листа која ќе биде објавена на 19 јануари.
Нашиот национален тим останува на 66 место на ранг-листата, прва за 2026 година. Промените главно ги донесе Африканскиот Куп на Нации.
Македонија можеше да падне за некое место подолу, но неуспесите на Габон на АКН и падот за осум места, како и елиминацијата на Уганда уште во групната фаза не дозволија такво нешто.
Меѓу најдобрите десет репрезентации во светот има еден новитет, тоа е Мароко. Тимот скокна за три позиции и сега е осмопласиран. За едно место паднаа Белгија и Германија кои ја затвораат најдобрата десетка, а Хрватска е единаесетта.
Лидер во светот е Шпанија, пред Аргентина и Франција. Четврта е Англија, петти е Бразил, шеста е Португалија, додека седмопласирана е Холандија.
Конте казнет по исклучувањето на дербито во Милано
Италијанскиот фудбалски експерт Антонио Конте е казнет за црвениот картон што го доби на натпреварот помеѓу неговиот Наполи и Интер (2:2) одигран во неделата.
Конте ја изгуби контролата во текот на второто полувреме кога на Интер му беше досуден пенал по ВАР анализата. Тренерот на Наполи шутна топка, за што доби црвен картон.
Сепак, пред да го напушти теренот, фрли шише и луто му викаше во лицето на четвртиот судија.
Овие инциденти го чинеа скапо, бидејќи беше суспендиран на два натпревари, а ќе мора да плати и казна од 15.000 евра.
Хартс во јуни бесплатно ќе го добие Мато
Фудбалерот на Вардар, Роџерс Мато, на крајот на сезоната без обештетување ќе замине во составот на Хартс иако „црвено-црните“ неодамна објавија дека одбиле 350.000 евра и дека бараат 1,5 милиони за негов трансфер.
„Воодушевени сме што можеме да објавиме дека постигнавме договор со репрезентативецот на Уганда, Роџерс Мато, да стане играч на Хартс следното лето. 22-годишниот фудбалер ќе се приклучи на нашиот клуб во јули“ – објави Хартс.
Одличниот напаѓач со новиот клуб ќе потпише договор за три години.
Тројца „сенатори“ не го сакале Чаби Алонсо во Реал
Чаби Алонсо, од вчера, не е тренер на Реал Мадрид. Во соопштение, Реал, објави дека клубот и тренерот спогодбено се разделиле. Чаби Алонсо отказот ќе го наплати со 15 милиони евра. Наспроти ова, британски „Атлетик“, пишува дека Алонсо заминал поради несогласувањата со клучните играчи, Винисиус Жуниор, Федерико Валверде и Џуд Белингам.
Алонсо имаше успешен старт, со 17 победи во првите 20 натпревари, но резултатите, а со тоа и атмосферата во тимот се влошија во последните два месеци. Тројцата влијателни фудбалери имале проблем со тактичкиот пристап и стилот на лидерство на Алонско.
Се вели дека проблемите започнале за време на натпреварот против Барселона во октомври 2025 година.
И покрај победата, Алонсо имаше непријатна сцена со Винисиус откако го замени. Бразилскиот напаѓач беше незадоволен од промената и одби да се ракува со тренерот. Бидејќи клубот не презеде дисциплинска мерка против играчот, Алонсо наводно почувствувал дека ја губи контролата и дека нема поддршка од клупските челници.
Федерико Валверде и Џуд Белингам, исто така имале проблем со начнот на кој Алонсо го води тимот и со неговите татктички замисли.
Белингам, по одличната прва сезона во 2023/24 и значајните улоги минатата сезона, никако не може да се врати во вистинската форма оваа сезона. Кај Алонсо, Англичанецот немаше гарантирано место во тимот, статус што го имаше кај Карло Анчелоти.
Валверде, од друга страна, поради неговата разноврсност, често играше на различни позиции, што го оддалечи од неговата претпочитана улога во средниот ред. И тој често на тренинзите влегувал во расправии со Алонсо, поради неговите тактички замисли.
