Ливерпул и Џордан Хендерсон се во завршна фаза од преговорите за обновување на договорот. Во моментов двете страни разговараат за последните точки од договорот.
Според изворот, новиот договор ќе важи до 2024 година. Актуелниот договор на Хендерсон со Ливерпул трае до 30 јуни 2023 година. Неговата трансферна вредност се проценува на 20 милиони евра. Минатата сезона тој одигра 28 средби на сите турнири, на кои постигна еден гол и една асистенција.
Дефанзивецот на Барселона, Жерар Пике, се повреди на натпреварот од второто коло на шпанската Примера со Атлетик (1-1) и прашање е колку ќе отсуствува од фудбалските терени.
Според денешните информации, на Пике му беше дијагностицирано оштетување на мускул на левата нога, а засега лекарите не прогнозираат колкав ќе биде периодот на рехабилитација.
Младите битолски кугларки до 18 години деновиве ќе учествуваат на Светското првенство во куглање, кое викендов започнува во Словенија.
Пред заминувањето на Светското првенство градоначалничката на Битола, Наташа Петровска, се сретна со нашите репрезентативки и нивниот тренер Игор Михајловски и им посака многу успеси во тамошните натпревари.
„На светското првенство во куглање до 23 години (од 21-26август 2021 Крањ Словенија) ќе ја водам македонската женска кугларска репрезентација до 18.години како тренер и селектор. После период од 10 години повторно нашите кугларски таленти ке имаат можност на големо натпреварување да ги бранат боите на Македонија. Во период кога кугларската федерација е блокирана поради долгови цела деценија смогнавме храброст до степен на лудост, да превземеме ризик и да пријавиме учевство само и само во интерес на нашите нови и надежни генерации кои треба да бидат стожер наредните 10-15 години. Прв пат во историјата на македонското куглање, составот на репрезентативките е 100% од Битола. Благодарам до сите добронамерници кои помогнаа да се реализира овој подвиг, до сите оние куртоазни одбивања, а посебно до сите кои немаа слух и од старт ги одбиваа нашите заложби, а со тоа го пробудија мојот/нашиот инает да успееме, а со тоа да станеме посилни од претходно. Ќе биде тешко во Словенија тоа сигурно но верувам во нашиот успех. Да ќе бидеме дебнитанти, но имаме свој адути и ќе може да се натпреваруваме со другите репрезентации. Лудилото со пандемијата си велам нема да ни направи дополнителни проблеми, девојките и јас ке бидеме внимателни и се надевам негативни на вирусот, и ќе може да отпатуваме во Словенија. Работиме со поширок состав , само да се заштитиме за недајбоже ако имаме некој позитивен случај. Верувам дека здравјето ќе не служи и повредите ќе бидат избегнати. Девојките се во одлична форма и очекувам последните 15 дена да стигнеме до својот максимум а оние шест дена на официјалните настапи, на црвено-жолтито дрес, тоа што го знаеме и да го покажеме на патеките. Тремата ке биде нашиот најголем непријател но , работиме на тој сегмент.“ – изјави селекторот Михајловски пред тргнувањето во Крањ.
Рафаел Надал мораше предвреме да ја заврши оваа сезона, а причината за тоа е повредата, проблемот со стапалото.
„Бикот“ од Мајорка направи пауза по настапот на Ролан Гарос, го пропушти Вимблдон и Олимписките Игри во Токио за да се врати на АТП турнирот во Вашингтон каде не изгледаше баш најдобро и доживеа рана елиминација.
Потоа стана јасно дека нема да игра на Мастерсите во Торонто и Синсинати за да потоа биде соопштено дека ситуацијата е пресериозна и додека не се реши проблемот со стапалото Шпанецот нема повеќе да игра.
„Надал веќе некое време не е добро. Факт е дека болката на земја е помала, но на бетон ситуацијата е значително поинаква. Болката во секој случај е голема“, истакна тренерот Карлос Моја.
Некогашниот младински репрезентативец на Македонија , Христијан Драгарски ја прекина авантурата во Албанија, па повеќе не е фудбалер на Теута од Албанија.
29-годишниот централен бек, ја заврши соработката со составот од Драч по само неколку месеци откако се пресели во албанскиот прволигаш од битолски Пелистер.
Драгарски кариерата ја започна во редовите на Пелистер, а освен за битолчани во Македонија играше и за екипите на Струга и Победа.
Останува да се види каде поранешниот капитен на Пелистер ќе ја продолжи својата кариера.
Напаѓачот на Барселона, Антоан Гризман е прва ѕвезда во составот на Барселона во новата сезона.
Тој беше во дуелот со Реал Сосиедад кој „каталонците“ го добија со 4:2 го одигра 100 натпревар во дресот на Барса, по што беше неизмерно среќен.
„Среќен сум и горд. Се надевам дека ќе одигра уште најмалку 100 натпревари и ќе му помогнам на тимот да испише нова историја. Сакам да бидам од помош и уживам додека играм за Барселона.“ – изјави Гризман.
Тој заедно со Мемфис Депај и со Брајтвајт во моментов се тројцата напаѓачи на Барса во очекување на кам-бекот на Дембеле, Агуеро и Фати.
Македонската женска сениорска репрезентација ќе игра во групата „А“ во претстојните квалификации за пласман на завршниот турнир – Евробаскетот во 2023 година.
Ждрепката во Минхен одлучи нашиот најдобар женски национален тим да биде во друштво со селекциите на Белгија, Германија и Босна и Херцеговина.
Со оглед на бројот на пријавени селекции, натпреварувањето, односно квалификациите за пласман на наредниот женски Евробаскет во 2023 година, ќе се одвива во десет натпреварувачки групи.
Осум од нив се составени од по четири учесници, а две со по три партиципанти. Двете земји, односно селекции кои се домаќини на Европското првенство, Словенија и Израел, исто така ќе бидат дел од квалификациите.
Согласно со ситемот за натпреварување, најдобрите десет селекции во групната, квалификациска фаза, како и четирите најдобри кои ќе завршат како второпласирани, ќе обезбедат учество на завршниот турнир – Евробаскетот.
Ако во тие 14. селекции се двете кои се во улога на домаќини, тогаш правото за настап го добиваат наредните со најдобар скор од второпласираните национални селекции.
Инаку квалификациите ќе се одвиваат во три т.н. ФИБА „прозорци“. Првиот е од 11. до 14. ноември, 2021 година. Следниот во периодот 24-27. ноември, 2022 година, а последниот од 24. до 27. февруари 2023 година.
Веднаш по завршувањето на натпреварите од претквалификациската фаза за пласман на Светскиот Куп, Извршниот директор на ФИБА-Европа, г. Камил Новак испрати честитка за пласманот на нашата најдобра селекција во квалификациите за Светскиот Куп во 2023 година.
„Во име на ФИБА Европа, би сакал да ви го честитам пласманот на вашиот машки национален тим во квалификациите за ФИБА Светскиот Куп 2023 кои стартуваат во ноември.
Ви посакувам многу среќа во ждрепката и на натпреварите кои следуваат. И би сакал да ви се заблагодарам за вашите континуирани обиди за придонес во европската кошарка“ – стои во честитката од европската зона на ФИБА упатена на адреса на водечките луѓе на федерацијата, претседателот Перо Антиќ и генералниот секретар Владимир Георгиевски.
Манчестер Јунајтед на списокот на желби го додаде Килијан Мбапе, еден од најбараните играчи на планетата во моментот е желба на англискиот клуб.
Мбапе потврди дека оваа сезона нема да замине од ПСЖ, но јасно му даде до знаење на клубот дека следното лето ќе замине од Париз.
Реал Мадрид и понатаму е главен фаворит за потпис на Мбапе, но сега „кралевите“ добија сериозна конкуренција во Манчестер Јунајтед кој не се откажува и најави дека следното лето ќе го донесе Французинот во Манчестер.
Како што пишува Мирор, Мбапе, Кејн и Халанд се топ приоритети на Јунајтед.
Хамес Родригез ги шокираше навивачите на Евертон кога во текот на еден пренос во живо рече дека не знае со кого игра Евертон викендов.
Колумбиецот не настапи на првиот натпревар сезонава бидејќи беше еден од петте играчи кои мораа тоа време да го поминат во изолација.
Евертон викендов гостува кај Лидс, но Родригез, кој активно работи на тоа да го напушти клубот пред крајот на летото, не знае ништо за тоа.
„Се враќам во понеделник, барем мислам дека е понеделник. Нема да играм овој викенд, јас и не знам со кого игра Евертон. Можете ли да ми кажете?“ – праша Родригез додавајќи:
„Мислам дека е гостински натпревар, бидејќи претходниот беше на домашен терен. Аха, Лидс во гости, кај Марсело Биелса, така е. Тоа ќе биде тежок натпревар, ќе видиме што ќе биде. Се надевам на победа.“
По оваа изјава, навивачите на Евертон упатија негативни коментари, што и не е неочекувано, бидејќи не е баш вообичаено ѕвездата на клубот, која заработува 12 милиони евра годишно, да не знае кој е следниот противник на неговата екипа.
