Српскиот напаѓач од екипата на Фиорентина Душан Влаховиќ ќе го продолжи договорот со италијанскиот клуб. Тој се согласил на новата понуда од „виолетовите“, откако му беа понудени нов договор со плата од три милиони евра годишно.
Според изворот, српскиот фудбалер се согласил со предложените услови, но новиот договор се уште не е склучен, бидејќи страните разговараат за клаузулата за обештетување на напаѓачот во износ од 60 милиони евра.
Шпанскиот фудбалер Бојан Кркиќ има нов клуб, ќе игра за Висел Кобе.
Бојан Кркиќ е еден од оние играчи за кои може да се каже дека не го исполнија потенцијалот и очекувањата. Се појави во септември 2007 година во првиот тим на Барселона соборувајќи го рекордот за најмлад дебитант и се најавуваше дека може да тргне по патот на Меси.
Меѓутоа „вечниот талент“ шеташе по Европа и ја бараше среќата. Се проба во Рома, Милан ,Ајакс, Стоук…Потоа во САД играше за Монтреал Имапкт. И на таа епизода и дојде крајот и сега ќе игра за Висел Кобе каде што ќе биде соиграч со Андрес Иниеста.
Кошаркарската Федерација заедно со селекторот на сениорската машка репрезентација Драган Бајиќ денес одржаа прес-конференција во пресрет на натпреварите од втората рунда на претквалификации за Светското првенство 2023.
Селекторот се осврна на играчкиот кадар со кој ќе располага, како и со играчите кои не можеа да одговорат на неговиот повик.
„Би сакал да се заблагодарам на раководството на КФСМ за условите кои ги добивме на овие подготовки, како во поглед на тренинзите. Задоволен сум и за пофалба е работата на кошаркарите во овие подготовки како и дисциплината и нивното залагање на тренинзите. Ниеден играч не паузираше повеќе од еден ден, сите имаа желба да се вратат што побрзо и да продолжат со тренинзите. Во поглед на натпреварите, ни беа откажани неколку дуели поради што не бевме во можност да го одработиме тоа што ни беше потребно. Ривалите во овие претквалификации одигра по 5-6 дуели, но без разлика на тоа, ние подготвени ги очекуваме претквалификациите“, вели Бајиќ
Тој се осврна посебно на недоаѓањето на некои играчи, меѓу кои и на првата ѕвезда во тимот, Ненад Димитријевиќ.
„Сакам да ја објаснам целата ситуација за да нема дамки околу моето име. Контактирав со него, му кажав дека сакам да биде лидер на оваа репрезентација во следните десетина години. Реков дека е исклучително потребен за да се пласираме во квалификациите. Му реков дека е можно да му дадам одмор понатаму. Јас подоцна имав повик само од неговиот менаџер кој побара Нено да се појави на 28 јули бидејќи имаше тешка задача. Јас поминав преку некои свои принципи, во слична ситуација беше Вајли кој исто така дојде подоцна поради лични проблеми. Несфатливо ми е некој со 23 години да бара одмор, а 36-годишниот Бојан Трајковски доаѓа на секој тренинг и работи како да има 20. Следна работа беше тоа што јас бев известен од луѓето во Федерацијата дека Димитријевиќ нема да се појави на тренинзите. Тој не ме удостои да ми се јави и да ми ги каже причините поради кои не дојде. Ја има македонската јавност да ѝ објасни“, рече Бајиќ.
Никола Јокиќ одмора во својот роден град, по напорната сезона во НБА каде беше прогласен за најдобар играч – МВП.
Наскоро треба да стане најскапо платен кошаркар на светот кој ќе заработува 250 милиони долари за пет сезони.
Но тоа не го спречува да се опушти, малку или премногу проценете сами…..
Денес УЕФА објави дека Сергеј Карасев од Русија ќе го суди натпреварот за Суперкупот на УЕФА помеѓу Челзи и Виљареал, што се игра во среда на 11-ти август на Националниот фудбалски стадион во Белфаст, Северна Ирска.
Карасев има 42 години, и е меѓународен судија од 2009. Тој судеше и на три натпревари на Еуро 2020.
Лос Анџелес Лејкерси и официјално го потврдија доведувањето на Двајт Хауард.
Хауард во НБА лигата има просек од 16.2 поени, 12.1 скокови и 1.9 бокади по натпревар, а во кариерата одигра 1.182 во најсилната кошаркарска лига во дресовите на Орландо, Хјустон, Атланта, Шарлот, Вашингтон, Филаделфија и Лејкерси.
Тој беше дел од Лејкерси во 2020 година кога тимот од Лос Анџелес го освои шампионскиот прстен.
Џек Вилшир одново е без клуб откако му заврши краткиот престој во Бурнмаут и сигурно ќе се обиде да си пронајде нова средина до крајот на летниот преоден рок, период во кој се очекува да видиме и последен притисок од страна на најголемите англиски клубови во обидот да дојдат до посакуваните засилувања.
Поранешниот играч за врска на Арсенал смета дека тимот на Микел Артета ќе заврши петти, а додава дека европскиот шампион Челси одново ќе остане покус во домашното првенство.
„Манчестер Сити ќе ја освои титулата. Претпочитам тоа да го направи Манчестер Јунајтед, но сметам дека тие ќе останат само втори. Челси ќе биде трет, Ливерпул четврт, Арсенал петти, а Лестер шести“.
Искусниот дефанзивец на Барселона, Жерар Пике, по синоќешната победа над Јувентус (3-0) на пријателскиот меч во пресрет на новата сезона, јавно проговори за заминувањето на аргентинскиот напаѓач Лионел Меси.
„Тимот беше малку скршен поради заминувањето на Меси. Го загубивме најдобриот играч на сите времиња. Тоа боли и не повреди и нас и него“, изјавил Пике.
Меси вчера на специјална прес-конференција се збогуваше со својот клуб и навивачите, откако Барселона објави дека нема да го обнови договорот со него како резултат на финансиските и структурните пречки наведени во прописите на шпанската лига.
Стефан Колоски ја засили левата бековска позиција на Голден Арт КЛ7. Стефан Колоски е нов играч на младиот тим на Голден Арт КЛ7. 24 годишниот Стружанец доаѓа во Голден Арт КЛ7 од екипата на ГРК Тиквеш, за да ја пополни левата бековска позиција и да ја зацврсти одбраната.
Претходно во својата кариера Колоски има настапувано и за Струга, Работнички и Јуниор КВ.
„Драго ми е што сум дел од ваков проект насочен кон вложување во македонски ракометари. Можноста да тренирам во висок ритам, да добијам шанса и минутажа беа клучни за мојата одлука да пристапам на Голден Арт КЛ7. Стабилноста на функционирање на клубот ми е добро позната и можам да кажам дека сум одлично примен”, изјави Стефан после неколку тренинзи во новиот клуб.
На големо веќе се најавува трансферот на Ромелу Лукаку во редовите на Челзи. Последните информации говорат дека Интер за Лукаку ќе добие 115 милиони евра, а за Лукаку тоа ќе биде враќање во Англија.
Првата посериозна авантура на Лукаку почна токму во Челзи, а потоа следуваа ангажмани во Евертон, Манчестер Јунајтед и Интер.
Трансферот на Лукаку го најави и поранешниот напаѓач на Челзи Дидиер Дрогба.
Дрогба објави фотографија од Лукаку во дрес на Челз и порача: Се враќа дома!
