Мартин Зубаменди ова лето имаше понуда од Ливерпул, но истата ја одби и одлучи да остане во Реал Сосиедад. Но, според последните информации сега се кае и повторно го контактирал клубот од „Енфилд“.

Зубименди го сврте вниманието на себе со одличните настапи во дресот на Сосиедад минатата сезона, а беше и одличен за Шпанија на Европското првенство Германија. Ливерпул за неговите услуги во текот на летото нудеше 50 милиони евра и изгледаше дека трансферот ќе се заврши.

Меѓутоа шпанскиот дефанзивец изненади кога им порачал дека нема да ја прифати понудата и ќе остане во Сосиедад затоа што смета дека тоа е најдобра одлука за него во овој момент од кариерата.

Зубиаменди сега смета дека сепак погрешил. Клубот од „Сан Себастијан“ очајно ја отвори сезоната и по шест натпревари има само една победа и четири освоени бодови, па во таква ситуација тој го обновил контактот со надеж дека Ливерпул во јануари би се одлучил да го доведе.

Челзи е силно заинтересиран за дефанзивецот на Барселона и француски репрезентативец, Жил Кунде.

Французинот имаше добра сезона, но не игра на својата природна позиција, па е спремен да го напушти клубот.

Од друга страна Барселона планира да продава играчи за да остане во границите на финансискиот фер-плеј, но не сака да го пушти Кунде за помалку од 60 милиони евра.

Челзи покажува најсериозен интерес и веќе стапил во контакт со Барселона за евентуален трансфер во јануари.

Поранешниот голман на Манчестер Јунајтед, Серхио Ромеро е во центарот на вниманието по инцидентот на трибините по Суперкласикото меѓу Ривер Плата и Бока Јуниорс. По последниот судиски свиреж Ромеро упадна на трибините на стадионот.

Натпреварот заврши со победа на Ривер Плата од 1:0, откако единствениот гол го постигна Мануел Ланцини во 20. Минута. По натпреварот настана хаос на трибините на стадионот кога видно исфрустриран Ромеро влезе во тунелот. Следувало викање и фрлање предмети, при што голманот не можел да се држи настрана и се вратил да се пресмета со навивачите.

Манчестер Јунајтед се подготвува за можна тренерска промена. Англиските медиуми пишуваат дека раководството на Јунајтед веќе некое време го има намета италијанскиот стратег Масимилијано Алегри како можна замена за Тен Хаг.

Италијанецот го напушти Јувентус на крајот од минатата сезона, иако во два мандати на Јувентус му донесе пет шампионски титули. Тој и претходно беше поврзуван со Манчестер Јунајтед, но конкретни преговори никогаш не се одржаа.

Шпанскиот стратег Чаби Алонсо се етаблираше во еден од најдобрите млади тренери, но сепак ова лето одлучи да остане во Леверкузен и да игра во Лигата на шампиони.

Според информациите „кралскиот“ клуб има договор со Чаби Алонсо да го преземе кормилото од 2025 година, пренесуваат медиумите блиски до Реал Мадрид.

Анчелоти ја минува последната година на кормилото на Реал, а Алонсо на лето ќе дојде како негов наследник. Притоа, Шпанецот сака со себе во Мадрид да ја доведе и ѕвездата на Леверкузен, Флоријан Вирц.