Меѓународната фудбалска федерација (FIFPro) и нејзините членови поднесоа тужба против Меѓународната фудбалска федерација. Тужителите ја оспоруваат законитоста на одлуките на ФИФА за еднострано одредување на календарот на меѓународните натпревари, особено одлуката за создавање на Светското клупско првенство во 2025 година.

ФИФПро, заедно со Здружението на професионални фудбалери на Англија (ПФА) и Националната унија на професионални фудбалери на Франција, се обратија до Стопанскиот суд во Брисел и побараа случајот да биде предаден на Европскиот суд.

„Играчите и нивните синдикати постојано нагласуваат дека сегашниот фудбалски календар е пренатрупан. Сепак, ФИФА не успеа да се вклучи или да преговара конструктивно и еднострано продолжи со програмата за проширување на натпреварувањето и покрај противењето од синдикатите на играчите“,  се вели во соопштението на ФИФПро.

Главната ѕвезда на португалската репрезентација, Кристијано Роналдо вети дека ќе ги „почитува одлуките“ донесени од селекторот на Португалија Роберто Мартинез на ЕП 2024, опишувајќи го неговото присуство во Германија и можноста да ја претставува својата земја на 39-годишна возраст како „подарок“.

Роналдо играше 207 пати за Португалија и постигна 130 гола со што ги држи и двата светски рекорди во репрезентативниот фудбал.

„Најважно е што сум добро и физички и психички. Подготвен сум, секогаш се подготвувам на најдобар начин, 100% сум професионалец. Ќе бидам подготвен како и секогаш да и помогнам на нашата земја и ќе ги почитувам одлуките на тренерот“, изјавил Роналдо.

Пауло Фонсека и официјално е нов тренер на италијанскиот гигант Милан. Договорот на 51-годишниот специјалист е на три години.

Тренерот роден во Мозамбик, кој има и португалско државјанство, неодамна го водеше францускиот Лил. Тој го наследува Стефано Пиоли на клупата од „Сан Сиро“. Фонсека веќе има искуство во италијанскиот фудбал.

Во периодот 2019-2021 година беше на чело на Рома, а претходно три години беше тренер на Шахтјор Доњецк. Тренерската кариера на Фонсека минува и преку Брага, Пакос Фереира, Порто и Алавес.

Реал Мадрид сака да ја засили одбраната во летниот преоден рок, а најново име на списокот на „кралевите“ е Кристиан Ромеро од Тотенхем.

Аргентинецот пред две години за 55 милиони евра се пресели од Аталанта во Тотенхем и во првата сезона не ги оправда очекувањата. Потоа одигра одличн на Мундујалот и оваа сезона беше стандарден, па Анчелоти верува дека би бил идеално решение за неговиот тим.

Реал веќе стапил во контакт со агентот на Ромери и наскоро е спремен да испрати понуда од 45 милиони евра плус бонуси.

По единаесет години доминација во изминатата сезона Баерн Минхен не успеа да ја освои титулата во Бундеслигата, па затоа во текото на летото ќе се обиде доведе нови засилувања.

Џонатан Тах од Леверкузен е скоро договорен, но сега баварците го комплетирале и трансферот на Хироки Ито. Станува збор за уште еден играч од Бундеслигата кој го носеше дресот на Штутгарт. Очигледно Винсент Компани нема доверба во актуелните дефанзивци на Баерн и ќе направи промени во последната линија.

Трансферот на Ито во Баерн со своето познато „Here we go“ го најави Фабрицио Романо, најпознатиот новинар кога се трансферите во прашање.

Откако Ито се договорил со Баерн Штутгарт и немаше многу опции бидејќи гигантот од Минхен ја платил откупната клазула во неговиот договор во износ од 30 милиони евра. Сега остануваат само уште лекарските прегледи пред се да биде официјализирано.

Во минатото Лионел Меси често пати знаеше да изјави дека кариерата како фудбалер сака да ја заврши во неговата татковина сепак тоа изгледа нема да се случи.

Аргентинскиот ас во својата денешна изјава за „ЕСПН“ истакна дека не планира да игра уште долго, а Интер Мајами сигурно ќе биде неговиот последен клуб во кариерата.

Меси по двете сезони во Пари Сен Жермен одлучи да игра фудбал во САД и да му помогне на Интер Мајами во походот по титулата.

„Со сигурност Интер Мајами ќе биде мојот последен клуб. Многу сакам да играм фудбал и уживам кога сум на теренот, но свесен сум дека имам се помалку време“, изјави Меси.

Актуелниот европски првак Италија е во групата Б со Хрватска, Шпанија и Албанија. „Аѕурите“ го отвораат првенството против Албанија во сабота од 21 часот, потоа во четврток од 21 часот играат со Шпанија, а во понеделник на 24 јуни ќе играат против Хрватска во последното коло од групната фаза.

Шеф на италијанската делегација на ЕП е легендарниот Џиџи Буфон, кој на денешната прес-конференција рече дека смета дека Италија е потценета на ова првенство. „Аѕурите“ пристигнаа во Германија во понеделникот, а вчера го одработија првиот тренинг пред пет илјади гледачи.

Ова ќе биде прв голем меѓународен турнир за Буфон како шеф на италијанската делегација, па тој беше прашан за неговите чувства и размислувања пред саботниот дуел со Албанија.

„Ме интересираше како ќе се чувствувам во поинаква улога и каква ќе биде подготовката. Можам да кажам дека чувството е исто како кога бев играч. Нивото на адреналин и фокус е зголемено во однос на почетокот на подготовките. Сакам да дадам мојот мал придонес и се надеваме дека ќе направиме големи работи овде во Германија“, изјави познатиот голман кој во 2006 година во Германија ја освои титулата светски шампион.

„Мислам дека овој тим е потценет. Можам да кажам дека момците се исклучително конкурентни, а нивото на нивните човечки доблести е импресивно. Најмногу ми се допаѓа што сите имаат импресивно чувство за припадност кон репрезентацијата. Покрај тоа, имаме пет-шест врвни играчи, па можам да кажам дека го имаме вистинскиот тим за ова натпреварување.“

Сплитски Хајдук поплднево објави дека легендарниот Џенаро Гатузо ќе го предводи тимот во новата сезона! Тој потпиша договор со сплиќани до летото 2026 година, а во Сплит ќе пристигне следната недела, на почетокот на подготовките на првиот тим, кога и официјално ќе биде претставен на Пољуд.

Во својата играчка кариера Гатузо освои речиси се што можеше да се освои. Стана светски шампион со Италија во 2006 година, потоа беше освојувач на Лигата на шампионите со Милан во 2003 и 2007 година, двоен освојувач на Серија А, УЕФА Суперкупот и Суперкупот на Италија, а еднаш го освои и Светското клупско првенство.

Неговиот последен ангажман како тренер беше во францускиот гигант Олимпик Марсеј, од чија клупа си замина во февруари годинава.

Три италијански врвни клубови се заинтересирани за трансферот на дефанзивецот на Арсенал и Полска, Јакуб Кивиор, објави новинарот Николо Шира на социјалната мрежа Х.

Според изворот, 24-годишниот фудбалер сака да добие поголема минутажа и изразува желба да го напушти клубот. Се најавува дека Арсенал бара 20-25 милиони евра за дефанзивецот, а Милан, Јувентус и Наполи веќе изразиле интерес за полскиот репрезентативец.

Јакуб Кивор се пресели во Арсенал од Специја во зимата 2023 година. Минатата сезона 24-годишниот играч одигра 30 натпревари во сите натпреварувања, постигнувајќи еден гол и три асистенции. Според информациите пазарната вредност на фудбалерот е 30 милиони евра.

Александар Павловиќ кој место Србија ја избра Германија нема да настапи на Европското првенство поради повреда. Павловиќ се најде на списокот на Јулијан Нагелсман, но денеска е потврдено дека ќе го пропушти комплетниот турнир.

На почетокот се најавуваше дека ќе го пропушти само воведниот натпревар против Шкотска, но сепак ситуацијата била посериозна.

Причината поради која Павлвиќ нема да може да и помогне на Германиај е инфекција на крајниците. На негово место Нагелсман го повика фудбалерот на Борусија Дортмунд, Емре Чан.