Азар: Сигурен сум дека Мбапе ќе ја освои „Златната топка“
Поранешниот фудбалер Реал Мадрид и белгискиот репрезентативец Еден Азар верува дека ѕвездата на шпанскиот клуб, Килијан Мбапе, ќе ја освои „Златната топка“.
-Килијан ќе треба да ја освои Лигата на шампиони и шпанската титула, а, исто така, да оди што е можно подалеку со Франција на претстојното Светско првенство. Воопшто не се грижам за него – тој, исто така, ќе ја освои „Златната топка“, изјави денеска за шпанските медиуми Азар, кој го носеше дресот на Реал Мадрид од 2019 до 2023 година.
Французинот Мбапе ја игра својата втора сезона во 15-кратниот европски клупски шампион. Доцна синоќа, Кралскиот клуб победи со 2-0 на гости против Виљареал, а Мбапе беше двоен стрелец.
Исланд ја надигра Шведска и ја замрси групата во Малме
Исланд ја совлада вечерва Шведска во Малме со 35-27 во рамки на второто коло од групата 2 во главната фаза, нанесувајќи му го првиот пораз на кодомаќинот на Европското ракометно првенство.
Исланд со триумфот се израмни на врвот на табелата со Шведска и Словенија со по четири бодови и остана во игра за место во полуфиналето.
Избраниците на Снори Гудјонсон одиграа брилијантен натпревар, особено во првото полувреме, кое го добија со шест голови разлика (18-12).
Во второто полувреме, Шведска се приближи на гол негатива (21-20, 23-22), но Исланѓаните потоа се вратија на +4 (26-22), а кога поведоа со осум голови разлика на три минути пред крајот (33-25), прашањето за победникот беше решено.
Исланд до победата го предводеа Виго Кристјансон со 11 голови од исто толку обиди, додека Виктор Гисли Халгримсон имаше 12 одбрани. Во шведскиот состав, најефикасни беа Албин Лагергрен со пет и Даниел Петерсон со четири голови.
Во првиот натпревар од второто коло во групата 2, Словенија ја победи Унгарија со 35-32, а вечерва ќе играат Швајцарија и Хрватска.
Спалети го надмудри Конте, Јуве го доби дербито со Наполи
Фудбалерите на Јувентус со убедливи 3-0 го совладаа вечерва во Торино актуелниот шампион Наполи во дерби натпреварот од 22. коло во италијанското првенство.
Македонскиот репрезентативец Елиф Елмас се најде во почетниот состав на Антонио Конте и остана на теренот до 70 минута.
Јувентус поведе со голот на Давид (22 минута) по асистенција на Локатели, а потоа Јилдиз (77) го зголеми резултатот на 2-0, откако беше одлично проигран од Мирети.
Печат на победата на тимот од Торино стави Костиќ (86) со прецизен удар од повеќе од 20 метри.
Јувентус со победата се искачи на четвртото место на табелата со 42 бода, исто колку и петтопласираната Рома, која вечерва ќе игра против Милан, додека Наполи е третопласиран со бод повеќе.
Интер е на врвот со 52 бода, шест повеќе и натпревар повеќе од второпласираниот Милан.
Србија доминантно ја освои европската титула во ватерполо
Српската ватерполо репрезентација ја освои титулата на Европското првенство во Белград откако вечерва ја победи Унгарија со резултат од 10-7 (3-2, 2-3, 2-1, 3-1).
Избраниците на Урош Стевановиќ е европски шампион откако ѝ го донесоа на Србија деветтото европско злато, прво од 2018 година кога „делфините“ го освоија Стариот континент во Барселона.
Најдобар стрелец во српската репрезентација во финалниот меч беше Душан Мандиќ со четири гола, Лукиќ додаде два, а голманот на Србите Глушац исто така се истакна со 10 одбрани.
Во Унгарија, Вагвари постигна два гола, што исто така зборува за тоа каков ватерполо спектакл беше вечерва.
Претходно во мечот за бронзениот медал селекцијата на Грција триумфираше над Италија со 12:5.
Пелистер се намачи, но вторпат сезонава го совлада Работнички
Кошаркарите на Пелистер триумфално ја стартуваа новата календарска година откако на домашен терен славеа над Работнички со резултат 88-85. Гостите изненадија со добра игра и покрај сериозната криза во која се наоѓа клубот, но Пелистер покажа квалитет и искуство, го издржа притисокот во самата завршница и заслужено стигна до победата.
Дуелот почна со неефикасна игра, во која подобро се снајдоа гостите од Скопје кои по четири минути игра водеа со 5-7, нешто подоцна и со 5-10. Вилсон погоди значајна тројка, по него прецизен од далечина беше и Брејси Дејвис, па „пелистерци“ набрзина го свртеа резултатот во своја полза. Битолчани имаа најубедливи 23-17 во првата четвртина, но овој период сепак заврши со 23-20 по тројката на Стојановски.
Втората четвртина ја отворивме со пет поени во низа на Андреј Митревски, а кога во ритам влезе и Малешевиќ предноста скокна на девет поени (39-30). Следеше неочекуван камбек на гостите, кои за само неколку минути поведоа со 41-42, по што Пелистер едвај замина на одмор со позитива (47-44) по тројката на Лука Стојановски и цепелинот на Вилсон.
Третиот период почна со тројка на Ефремовски за израмнување на 47-47, но Пелистер одговори со четири поени во низа на Брејси Дејвис. „Зелено-белите“ имаа контрола над резултатот (60-55 преку Стајиќ) но не успеваше целосно да се одлепи и да создаде посериозна разлика. Дуелот беше во егал до 62-62, по што Пелистер подобро ја финишира четвртината и во последните десет минути влезе со водство од 71-65.
Последната четвртина почна со серија грешки и промашени шутеви на двете страни, по што тренерот Даскаловски побара тајмаут на шест минути до крајот, при предност на Пелистер од 76-70. Следеше забивање на Брејси Дејвис за 78-70, но веднаш потоа и нова мини-серија на гостите и намалување на 80-79, за Даскаловски да биде приморан да земе нов тајмаут на минута и пол до крајот, при само еден поен предност за Пелистер (84-83). Малешевиќ постигна клучна тројка, на спротивната страна техничка грешка за „флопинг“ доби Ефремовски, по што битолчани рутински го приведоа мечот до крај, славејќи со конечни 88-85 со поените на Робев, откако претходно домашните кошаркари промашија три слободни фрлања во последните петнаесетина секунди.
Брејси Дејвис со 25 поени и 9 скокови беше клучна фигура во таборот на Пелистер, 21 имаше Малешевиќ, Андреј Митревски реализираше 15 поени, додека Стајиќ имаше 12 поени и пет украдени топки.
Фојт се повреди и нема да игра на Светското првенство
Дефанзивецот на Виљареал и Аргентина, Хуан Фојт, заработи повреда на Ахиловата тетива во поразот од 2-0 од Реал Мадрид во 21-то коло од шпанската Ла Лига, според официјалната веб-страница на шпанскиот клуб.
Ова може да значи дека Фојт кој е репрезентативец на Аргентина веројатно ќе го пропушти СП во САД, Канада и Мексико.
Дефанзивецот на Виљареал ја скина левата Ахилова тетива и наскоро ќе биде подложен на операција. Според шпанските медиуми, закрепнувањето од таква повреда обично трае од шест до девет месеци. Ова значи дека играчот ризикува да го пропушти Светското првенство во 2026 година, кое ќе се одржи од 11 јуни до 19 јули.
Фојт одигра 17 натпревари за Виљареал во сите натпреварувања оваа сезона. Тој го освои Светското првенство во 2022 година, Финалисима и бронзениот мед
Габриел Жесус го смени агентот, најавува заминување од Арсенал
Габриел Жесус потпиша за нова агенција, по што се појавија гласини дека тоа значи негово заминување од Емирати.
Жесус неодамна се врати од повреда и почна да дава голови за Арсенал, па стана интересен за другите.
Информациите велат дека тој потпишал за агенцијата на Џовани Бранчини.
Се шпекулира дека Милан е сериозно заинтересиран за Габриел Жесус и тоа би можело да биде следната дестинација за Бразилецот.
Наполи го официјализираше Џоване од Верона
Антонио Конте мораше да се потпре на засилувања поради големиот број повредени играчи, вечерва против Јувентус во дербито ќе забележите колку недостасуваат поединци.
Италијанскиот стручњак сега ќе може да смета и на досегашниот фудбалер на Верона, Жоване.
Ова беше потврдено на официјалниот сајт на клубот, а Жоване е фудбалер кој пристигна во Верона оваа сезона и веќе постигна три гола и четири асистенции.
Иако се зборуваше дека станува збор за позајмица, тоа не е случај, Наполи го откупи договорот на овој фудбалер, и тоа за 20 милиони евра.
Овој моќен напаѓач има 22 години, а досега настапуваше за Капивариано, Коринтијанс и Верона.Коментари
Лидерот Штип со победа ја отвори одбојкарската пролет
Одбојкарите на ГОК Борец имаа одлично отворање на плејоф разигрувањето во Првата машка лига и запишаа важна гостинска победа над Работнички 71&22, кој им е директен ривал за подобра позиција на табелата. Велешани славеа со 3-1 во Скопје истовремено му се реваншираше на противникот за поразот од стартот на сезоната.
Лидерот Штип УГД пред својата публика беше сигурен на средбата со Сушево со 3-0, додека мечот меѓу шампионот Струмица 47&72 и Универзитет во Тетово од претходно беше одложен.
Компани: Бундеслигата не е слаба, Аугсбург е тим со квалитет
Баерн Минхен го доживеа првиот пораз во актуелната сезона во Бундеслигата, откако на домашен терен беше совладан од Аугсбург со 1-2. Непоразената серија на баварскиот гигант заврши на „Алијанц Арената“, а по натпреварот свој став изнесе тренерот Винсент Компани.
Белгискиот стратег потенцираше дека поразот е дел од фудбалот и уште една потврда за квалитетот на германското првенство, при што нагласи дека целта на Баерн останува освојувањето трофеи.
„Ова е прв пораз за нас по пауза од десет месеци, па секоја серија мора да заврши. Сакам да постигнеме работи заедно со Баерн, да освојуваме трофеи. Можам да го преболам поразот, ако на крајот бидеме успешни кога ќе се делат трофеите. Нема да ми пречи ако губиме натпревар на секои десет месеци, тоа е доказ колку добро играат момците. Загубивме од Аугсбург кој се покажа одлично. Некој после ќе каже дека Бундеслигата била слаба, ама факт е дека сите тимови се квалитети и даваат максимум за да изненадат“, изјави Компани.
И покрај овој неуспех, Баерн и натаму има комотна позиција на табелата, со предност од осум бода по 19 одиграни кола во однос на Борусија Дортмунд.
