Интер Мајами има намера да го потпише играчот од средниот ред на Манчестер сити, Бернардо Силва, објави „Газета дело Спорт“.

Според италијанскиот медиум, шампионите на МЛС, заедно со Јувентус, Бенфика и неколку други тимови, се заинтересирани да го потпишат 31-годишниот Португалец како слободен агент. Неговиот договор со Сити истекува во летото 2026 година.

Преговорите за плата со претставниците на Силва ќе започнат со сума приближна до неговата моментална плата во Сити – помеѓу седум и осум милиони евра по сезона.

Силва игра за Манчестер сити од јули 2017 година. Во сезоната 2025/26, тој постигна два гола и имаше пет асистенции во 39 натпревари.

„Трансфермаркт“ ја проценува неговата трансферна вредност на 27 милиони евра.

Легендарниот голман Гиљермо Очоа ќе има шанса на претстојното Светско првенство да направи нешто што досега никој од Мексико не успеал.

Повредата на Ахиловата тетива на Луис Анхел Малагон значи дека селекторот на „триколорите“ Хавиер Агире ќе мора да побара други опции за голот. Така за место меѓу стативите се очекува да се борат Очоа и Раул Ранхел, кој брани за Гвадалахара.

Очекувањата се дека 40-годишникот ќе добие шанса повторно да го брани голот на својата земја на најголемата светска сцена, како што тоа го правеше во 2014, 2018 и 2022 година. Тој беше и дел од тимот на Светските првенства во 2006 и 2010 година, но тогаш не доби минутажа.

Така, шампионатот во САД, Канада и Мексико би претставувал негово шесто учество на Светски првенства, повеќе од неговите сонародници Антонио Карбахал, Андрес Гвардадо и Рафаел Маркес, кои застанаа на пет. Исто така повеќе и од било кој друг фудбалер во историјата, освен од Лионел Меси и Кристијано Роналдо за кои се очекува исто така по шести пат да бидат дел од своите селекции.

Шпанскиот напаѓач Пако Алкасер официјално стави крај на својата фудбалска кариера на 32 години.

Последниот натпревар го одигра на 11 јануари 2025 година, а по пауза од терените реши дефинитивно да се пензионира. Во кариерата запиша 455 натпревари и постигна 170 голови на клупско ниво.

Алкасер најголем белег остави во Валенсија, од каде во 2016 година се пресели во Барселона за 30.000.000 евра. Во каталонскиот клуб имаше улога на алтернатива на Луис Суарез и постигна 15 гола на 50 натпревари.

Подоцна настапуваше за Борусија Дортмунд и Виљареал, а последните години од кариерата ги помина во Обединетите Арапски Емирати. За шпанската репрезентација одигра 19 натпревари и постигна 12 голови.

Шведската фудбалска федерација одлучи да ја продолжи соработката со селекторот Грем Потер, кој ќе ја предводи репрезентацијата до крајот на Светското првенство во 2030 година.

Англискиот стратег ја презеде селекцијата во октомври минатата година со краткорочен договор до крајот на квалификацискиот циклус, но по разговорите со федерацијата двете страни се договорија за подолгорочна соработка, без оглед на резултатите во баражот за СП 2026.

Потер истакна дека е голема чест да продолжи да работи со националниот тим и дека чувствува силна одговорност кон репрезентацијата и нејзината иднина.

Следниот предизвик за Шведска е дуелот со Украина на 26 март во првиот натпревар од плеј-офот за пласман на Светското првенство кое ќе се игра во САД, Канада и Мексико.

Американскиот претседател, Доналд Трамп, вели дека Иран е добредојден на престојниот Мундијал, но не е паметно да доаѓа.

Иран иако се пласираше на Светското првенство, најверојатно нема да учествува на него, тоа го најави и министерот за спорт на оваа земја.

Сега на оваа тема беше побарно мислење и од Доналд Трамп.

„Фудбалската репрезентација на Иран е добредојдена на Светското првенство, но мислам дека не е паметно да доаѓаат, поради нивна безбедност“, рече Трамп.

Доколку Иран и дефинитивно се повлече, нејзиното место ќе го завземе селекција од Азија. Според редоследот би требало тоа да е Ирак кој игра бараж, а во бараж мечот да учествуваа Обединетите Арапски Емирати кои се следни на листата по резултатите во азиските квалификации.