Јерај Алварез доби суспензија од девет месеци заради допинг
Атлетик Билбао до крајот на сезоната ќе биде без стандардниот дефанзивец Јерај Алварез. Алварез е суспендиран поради допинг.
На 1 мај оваа година, по натпреварот со Манчестер јунајтед во полуфиналето на Лигата на Европа, искусниот стопер случајно беше избран за контрола на допинг, а резултатире покажаа дека користел забранета супстанца канренон.
Поради допинг, Алварез доби девет месечна суспензија, што значи дека практично сезоната за него заврши. На фудбалот ќе може да му се врати во април.
На Алварез нема да му биде дозволено ниту да тренира со тимот.
Ѓикиќ доби орден на честа од Грузија за спортскиот успех на кошаркарите
Поранешниот селектор на кошаркарската репрезентација на Македонија, Александар Џикиќ, откако со Грузија се пласира во четвртфиналето на Европското првенство го доби Орденот на честа по предлог на премиерот и претседателот на Парламентот на Грузија.
Селекторот и играчите се наградени со 1.000.000 евра.
Премиерот на Грузија, Иракли Кобахидзе, објави дека владата ќе издвои три милиони лари (околу еден милион евра) за моменталниот резултат, а истата сума ќе биде обезбедена за секој следен чекор на првенството.
„Бидејќи испишавме историја, сакаме да ја одбележиме на вистински начин. Владата ќе ја награди репрезентацијата и за сегашниот и за секој следен успех на Европското првенство“, рече Кобахидзе на состанокот на владата.
За потсетување, Грузија ја победи Франција со 80:70 во осминафиналето, а ќе игра против Финска во четвртфиналето. Натпреварот е закажан за 10 септември, со почеток во 16 часот.
Битола спремна за дуелот на У21 селекциите на Македонија и Италија
Општина Битола и Фудбалската федерација на Македонија професионално и во зададените рокови го реновираа стадионот „Петар Милошевски“ за играње меѓународен натпревар од високо ниво, а потврда добија и од специјална инспекција на УЕФА која додели лиценца за фудбалски натпревари на клупско и репрезентативно ниво.
Општина Битола и Фудбалската федерација на Македонија професионално и во зададените рокови го реновираа стадионот „Петар Милошевски“ за играње меѓународен натпревар од високо ниво, а потврда добија и од специјална инспекција на УЕФА која додели лиценца за фудбалски натпревари на клупско и репрезентативно ниво.
Средбата меѓу репрезентациите на Македонија и Италија, фудбалери на возраст до 21 година е закажана за 18:15 часот, а најголем дел од влезниците се продадени. На публиката ќе и биде овозможено следење на натпреварот од целосно обновени трибини, а за новинарите подготвени е посебен медиумски центар. Вложувањата и интервенциите во стадионот претставуваат значаен чекор за развојот на фудбалската игра во градот и регионот, посочија од Општина Битола во пресрет на попладневниот натпревар за кој обезбедено е и осветлување.
Последен пат меѓународен фудбалски натпревар беше одигран во 1994 година кога во Битола гостуваше младинската фудбалска репрезентација на Шпанија. (
Нотингем Форест го отпушти менаџерот Нуно
Нуно Еспирито Санто го напушти Нотингем Форест, објави клубот. 51-годишниот португалски менаџер ја напушта својата функција по тензиите меѓу него и раководството на клубот во последните недели.
Специјалистот го презеде Нотингем Форест на крајот од 2023 година. Минатата сезона го водеше тимот до европските натпреварувања.
„Фудбалскиот клуб Нотингем Форест може да потврди дека, по неодамнешните околности, Нуно Еспирито Санто денес е разрешен од должноста главен тренер. Клубот сака да му се заблагодари на Нуно за неговиот придонес за време на многу успешниот период на „Сити Граунд“, особено за неговата улога во сезоната 2024/25, која засекогаш ќе се памети со задоволство во историјата на клубот. Како некој што одигра клучна улога во нашиот успех минатата сезона, тој секогаш ќе има посебно место во нашата историја“, напиша клубот.
Нуно Еспирито Санто исто така ги водеше Рио Аве, Порто, Валенсија, Вулверхемптон, Тотенхем и Ал Итихад.
Ди Марија: Аргентина треба да потпише доживотен договор со Скалони
Играчот од средниот ред на Розарио Централ и аргентинската репрезентација, Анхел Ди Марија, ги сподели своите мисли за иднината на селекторот на репрезентацијата, Лионел Скалони.
„Треба да му дадеме доживотен договор. Сè што постигнал, сè што направил, бројот на играчи што ги довел на теренот. Се надевам дека ќе остане со нас уште многу години“, изјави Ди Марија.
Да потсетиме дека Скалони ја презеде функцијата селектор на аргентинската репрезентација во 2018 година. Во 2021 година, под негово водство, Аргентина го освои Купот на Америка. Во 2022 година, репрезентацијата на Аргентина го освои Светското првенство на ФИФА.
Во летото 2024 година, под водство на Скалони, Аргентинците го освоија Купот на Америка по втор пат.
Димитар Данев: Италија е светска сила, но одлучни сме да направиме позитивен резултат
Репрезентација на Македонија до 21 година денеска на стадионот „Билјанини извори“ во Охрид го одработи последниот тренинг пред утрешниот квалификациски натпревар против силната селекција на Италија.
Во рамките на групата Е од квалификациите за пласман на Европското првенство 2027, Македонија и Италија утре ќе ги одмерат силите на стадионот „Петар Милошевски“ во Битола, со почеток од 18:15 часот.
Нашата селекција е во полн состав и без проблеми со повредени фудбалери го пречекува фаворитот во групата. Фудбалерот на Вардар, Димитар Данев, ги сподели своите очекувања пред големиот дуел:
„Очекувам прекрасна атмосфера, полн стадион и победа на Македонија. Кога го носиме македонскиот дрес, императивот секогаш е победа. Респект за Италија, знаеме што значи таа репрезентација за светскиот фудбал, но ние сме одлучни и утре ќе одиме на триумф. Италија е силна во организацијата на играта, треба да бидеме компактни во дефанзива и доволно брзи во нападот“.
Данев потенцира дека поразот од Полска во првото коло е веќе зад нас и дека тимот извлекол поуки.
„Грешките се препознаени, а после мечот во Краков, фокусот ни е целосно на Италија. Како и секоја екипа, така и тие имаат слабости. Ќе дадеме сè од себе да ги искористиме и во Битола да ја израдуваме Македонија, тоа би била нашата честитка за големиот празник“.
Горан Станиќ: Подготвени сме за уште еден предизвик против врвна репрезентација
Македонската репрезентација до 21 година утре го игра својот втор натпревар во квалификациите за Европското првенство 2027. Избраниците на селекторот Горан Станиќ од 18:15 часот на стадионот „Петар Милошевски“ во Битола ќе се соочат со селекција на Италија, еден од топ фаворитите во нашата група.
По поразот во Краков од Полска, Станиќ очекува сосема поинаков натпревар.
„Полска е зад нас, ги воочивме грешките и ќе се потрудиме да не се повторат утре против Италија. Имавме и низа позитивни работи од мечот во Краков. Бевме речиси егал во посед на топка, ни недостасуваше последно додавање и завршница, а головите ги примивме наивно. Еден автогол, вториот од сомнителна ситуација за офсајд и последниот по индивидуална грешка. Резултатот не е мерило за играта“, изјави селекторот.
Тој додаде дека тимот е целосно подготвен за новиот предизвик.
„Фудбалерите се подготвени за Италија. Анализиравме и планот за мечот е направен. Италија е многу поразлична репрезентација од Полска. Играат различен систем, тактички се на врвно ниво, имаат брзи крила и треба да бидеме многу внимателни“, порача Станиќ.
Виландер: Синер е шампион, но Алкараз е супер-ѕвзда
Заврши и последниот Грен слем турнир во годината, а аналитичарите прават пресек на случувањата. Карлос Алкараз во финалето го совлада Јаник Синер и стигна до уште една Грен слем титула.
„Синер е голем шампион, но Карлос е супер ѕвезда. Природен е сè смее на теренот, за време на интервју. Кога го гледам тоа момче колку се забавува во животот, тоа ми дава инспирација. Тој е вистински шампион, врвен амбасадор на овој спорт и неверојатно сме среќни што го имаме“, истакна тенискиот експерт и поранешен ас Матс Виландер.
И двајцата тенисери годинава ја завршија со по два освоени Грен слем турнира, Алкараз (Ролан Гарос и УС опен), Синер (Австралија опен и Вимблдон). /
КК Пелистер ги продолжи договорите со четири македонски играчи
Кошаркарскиот клуб Пелистер од Битола пред стартот на новата сезона е активен во создавањето на ростерот. Во клубот последните денови пристигнаа неколку странски играчи (Американци) како и репрезентативецот Андреј Митревски, од клубот стигна информација дека клубот ги продолжил договорите со неколку домашни играчи.
Продолжена е соработката со Лука Стојановски, Бобан Стајиќ, Дамјан Крстевски и со Дарко Најдовски.
Стојановски е актуелен репрезентативец на Македонија. Стајиќ минатата година се врати во Битола од редовите на Работнички, беше една од ретките светли точки во ланската турбулентна сезона, па сигурно ќе биде значаен адут на тренерот Даскаловски. За Крстевски ова ќе биде втора сезона во дресот на Пелистер, додека битолчанецот Најдовски како капитен е дел од самите почетоци на овој проект.
Екипата на Пелистер е македонскиот претставник оваа сезона во квалификациите од Лигата на шампионите.
Азербејџан го отпушти селекторот Сантош
Португалецот Фернандо Сантош поднесе оставка од функцијата селектор на репрезентацијата на Азербејџан, соопшти прес-службата на локалната фудбалска федерација.
Договорот на специјалистот е раскинат по меѓусебна согласност, пренесува агенцијата ТАСС.
Репрезентацијата на Азербејџан загуби од Исланд со 0:5 како гостин во својот прв натпревар од квалификациите за Светското првенство во 2026 година. Следниот натпревар тимот ќе го игра на 9 септември, каде што ќе биде домаќин на Украина.
70-годишниот Сантош беше на чело на репрезентацијата на Азербејџан од 2024 година. Пред тоа, тој ги водеше португалските Порто, Спортинг, Бенфика, грчките АЕК, ПАОК и Панатинаикос, како и репрезентациите на Португалија, Грција и Полска.
Под негово водство, репрезентацијата на Португалија за прв пат стана европски шампион во 2016 година, а во 2019 година тимот ја освои Лигата на нации.
