Францускиот кошаркарски репрезентативец Еван Фурние размислува за враќање во Европа.
Според информациите Фурние е во преговори со повеќе клубови од Евролигата со грчки Олимпијакос.
Французинот бара плата од два милиони евра годишно.
Шведскиот ракометен стратег Пер Јохансон не е повеќе селектор на женската репрезентација на Холандија.
Договорот на Јохансон истекуваше во 2026 година, но според Швеѓанецот тешко е да со комбинира репрезентативната работа со обврските во унгарскиот гигант Ѓер каде самиот ја наведе причината за раскивање на соработката.
Холандската федерација сега бара негов заменик пред стартот на Европското првенство во Австрија, Унгарија и Швајцарија.
Евротип е генерален спонзор на атлетската трка Че Трчаме од нејзиниот почеток. Оваа година Евротип со здружени сили со Голд Слот ја продолжи својата поддршка на настанот и заеднички настапија како генерални спонзори на второто издание на трката.
Успешно одржаната атлетска трка Че Трчаме која се одржа во неделата во Прилеп беше вистинско празнување на спортот, здравиот начин на живот и заедништвото кој привлече околу 1500 учесници од Македонија и регионот. Со нашето спонзорство ја поддржавме локалната заедница и обезбедивме сигурност за одлична организација на самиот настан. Атмосферата за време на трката беше исполнета со ентузијазам, енергија и спортско – натпреварувачки дух. Учесниците се натпреваруваа со силна волја и посветеност, додека публиката ги бодреше со аплаузи и насмевки. Патеката низ улиците на Прилеп беше исполнета со весели лица, семејства и пријатели кои дојдоа да ги поддржат своите најблиски и да уживаат во овој прекрасен настан.
Евротип како и останатите компании од КС Групацијата со континуирана поддршка и посветеност кон спортот движат кон поттикнување на позитивни промени и алудираат кон промоција на здравите навики и активниот начин на живот.
Во Баерн сакаа да го продадат Кингсли Коман кон крајот на преодниот рок, но не успеаа во намерата.
Клубот од Минхен прифатил понуда од Саудиска Арабија, но фудбалерот на крајот одлучил да остане.
„Имаше преговори, но Коман ќе остане со нас“, изјави директорот на Баерн, Макс Еберл.
Коман во Баерн пристигна во 2015 година прво како позајмен фудбалер, а потоа германските и го откупија неговиот договор. Претходно го носеше дресот на Јувентус и ПСЖ.
Синот на легендарниот Дејвид Бекам, Ромео се откажал од фудбалот и се посветил на манекенството, тврди неименуван извор за таблоидот „Сан“.
„Ромео одлучи да стави крај на фудбалската и да се посвети на модната кариера. Убаво му беше Брентфорд, но сега ќе се фокусира на модата која е негова страст. Неодамна потпиша договор со голем моден агент во Париз и сака да работи со големи брендови“, тврди непознатиот извор.
Според податоците на „Трансфермаркт“, Ромео е роден во Лондон и на почетокот бил дел од академијата на Арсенал. Кога неговиот татко стана претседател на Интер Мајами се преселил во овој клуб каде што играл за вториот тим.
Минатата година потпиша договор со Брентфорд, а „Сан“ тврди и дека му се нудело продолжување на соработката.
Фудбалерот на Атлетик Билбао, Нико Вилијамс ова лето на големо се поврзуваше со заминување од редовите на клубот од Баскија, но на крајот избра да остане.
Најблиску до неговиот потпис беше Барселона, меѓутоа каталонците не успеаа да го доведат.
Сега во интервју за италијанскиот „ДАЗН“, Вилијамс откри зошто одлучил да остане во Билбао
„Имаше понуди од многу клубови, мојот менаџер се занимаваше со нив. Моето срце е со Атлетик. Имам договор, но кој знае што ќе се случи во иднина. Сакав да останам овде, бидејќи најмногу се радувам на натпреварите од Лига Европа во дресот на мојот клуб“, изјави Вилијамс за „ДАЗН“.
Македонскиот фудбалски клуб Брера Струмица реши дека е време за тренерска смена. Трите последователни порази ги запалија алармите во Струмица, па клубот и доскорешниот тренер Бојан Круљ ја прекинаа соработката.
Тоа го потврди клубот преку социјалните мрежи, а образложение даде генералниот директор Ване Стојанов.
„Сакам да му се заблагодарам на Бојан Круљ со неговите помошници за посветената работа во изминатиот период. Одлуката е заедничка, во интерес на клубот за наредниот период. Јавноста наскоро ќе биде информирана околу изборот на новиот тренер. Ни следува репрезентативна пауза која ќе ја искористиме за максимална подготовка на првиот тим за следните мечеви од оваа сезона“, изјави Стојанов.
Томас Милер влезе од клупата за резервни играчи на дуелот меѓу Баерн Минхен и Фрајбург, а неговиот настап има посебно значење не само за сопствената кариера, туку и во историјата на неговиот клуб.
Она по што неговиот настап е позначаен е фактот што за Милер ова е 710-ти настап во дресот на Баерн, со што стана нов рекордер и ја испиша клупската историја.
Милер го надмина легендарниот Сеп Мајер кој со децении беше сопственик на рекордот со 709 настапи за Баерн, а далеку на третото место е Оливер Кан со 632 настапи.
Хрватскиот кошаркар Ивица Зубац потпиша нов договор со екипата на ЛА Клиперс и ќе игра во оваа екипа до 2028 година.
Новата соработка предвидува заработка од дури 70 милиони евра, а најголем дел од оваа сума ќе легнат на неговата сметка во последните три сезони од договорот (58 милиони евра).
Договорот за Ивица Зубац доаѓа во време кога за него беа заинтересирани повеќе клубови, но Хрватот реши да остане во САД и да ја продолжи авантурата во НБА лигата.
Тренерот на Милан, Паоло Фонсека, вели дека нема ништо спорно во односот со фудбалерите Рафаел Леао и Тео Ернандез откако двајцата на вчерашниот меч со Лацио влегоа како резерви и направија невообичаен потег на теренот.
Имено, во моментот кога беше направен судиски тајм аут за освежување на играчите, напаѓачот и дефанзивецот, не дојдоа кај клупата туку останаа на сосема спротивниот дел од теренот.
„Мислам дека нема никаков проблем помеѓу мене и Тео и Леао. Пред натпреварот разговарав со двајцата и тие ја прифатија мојата одлука“, објасни 51-годишниот португалски стручњак кој го презеде Милан во текот на летово.
