Јувентус ги засилува напорите да го доведе Џејдон Санчо со амбициозна понуда до Манчестер Јунајтед, која вклучува размена на играчи за да се намали трансфер цената. Италијанскиот клуб е подготвен да понуди тројца свои фудбалери. 

Во понудата се вклучени напаѓачот Душан Влахович, кој се очекува да замине поради несогласувања околу договорот; играчот од средниот ред Даглас Луиз, кој веќе беше поврзан со Јунајтед; и крилниот напаѓач Николас Гонзалез, чија позиција во тимот би можела да биде загрозена со доаѓањето на Санчо. 

Влахович најверојатно ќе замине ова лето поради прекинати преговори за нов договор, додека Луиз и Гонзалез се сметаат за вишок во новата стратегија на клубот. Јунајтед има шанса да избере засилување што ќе им одговара на нивниот реконструкциски план за летото. 

Кариерата на Санчо во Манчестер Јунајтед не тргна според очекувањата, а откако Челси се откажа од трајна зделка и плати пенали, тој остана надвор од плановите на клубот. Јувентус верува дека нова средина може да му помогне да се врати во форма, и му нуди долгорочен договор со пониска плата од онаа што ја има во Јунајтед. 

Иако и други клубови како Наполи и Фенербахче покажале интерес, Јувентус се надева дека нивната флексибилност и вклучувањето на играчи во зделката ќе им даде предност. Во дискусијата е вклучен и американскиот репрезентативец Тимоти Веа, со што Јунајтед добива повеќе опции за засилување. 

Играчите што ги нуди Јувентус заработуваат околу 500.000 фунти неделно во вкупен износ, а клубот не е подготвен целосно да ја преземе платата на англичанецот — што отвора простор за преговори. Клубот од Манчестер сака да ја расчисти ситуацијата со повеќе играчи, меѓу кои и Санчо. 

Под водство на новиот спортски директор Демиен Комоли, Јувентус е решен конечно да го реализира трансферот, по неуспешните претходни обиди.  

Повратникот во Премиерлигата Сандерленд е заинтересиран да го донесе во своите редови напаѓачот на Лион, Жорж Микаутадзе.
Според „Фут Меркато“, можноста за трансфер на 24-годишниот Грузиец по исфрлањето на Лион во втората француска лига, ја разгледува и бундеслигашот Ајнтрахт Франкфурт.

Во сезоната 2024/25, Микаутадзе постигна 17 голови и додаде 11 асистенции на 47 натпревари за Лион во сите конкуренции. Неговиот договор со Лион е со важност до 30 јуни 2028 година.

Вредноста на грузискиот репрезентативецот на трансфер пазарот се проценува на 22 милиони евра.

Победата на Борусија Дортмунд над Монтереј (2-1) со што стана последниот учесник во четвртфиналето на Светското клупско првенство, веќе се познати комплетните четвртфинални двојки.

Флуминенсе (Бразил) – Ал-Хилал (Саудиска Арабија) – 4 јули (21:00)
Палмеирас (Бразил) – Челзи (Англија) – 5 јули (03:00)
ПСЖ (Франција) – Баерн (Германија) – 5 јули (18:00)
Реал Мадрид (Шпанија) – Борусија Д (Германија) – 5 јули (22:00)

Американскиот фонд „Бекет Лејн Венчрс“ стана сопственик на италијанскиот клуб Монца. „Бекет Лејн Венчрс“ е фирма за ризичен капитал со седиште во Ларчмонт, Њујорк, и го предводи конзорциумот што го купи клубот.

Вкупната вредност на зделката се проценува на околу 45 милиони евра, што е околу половина од годишниот промет на клубот. Конечната проценка беше под влијание на испаѓањето на тимот во Серија Б на крајот од минатата сезона.

Американската група инвеститори го вклучува и Брендон Бергер, поранешен директор за маркетинг на Челзи.

Договорот е структуриран на следниов начин: 80% од акциите на клубот ќе бидат префрлени ова лето, а преостанатите 20% треба да бидат префрлени до јуни 2026 година. До финализирањето на договорот, семејството на поранешниот италијански премиер Силвио Берлускони, преку „Фининвест“, ќе го задржи претставувањето во одборот на директори на клубот пропорционално на нивниот удел во акции.

Фудбалерите на Реал Мадрид се пласираа во четвртфиналето на Светското клупско првенство во САД по минималната победа над Јувентус.

Дерби натпреварот од оваа фаза од натпреварувањето, одигран на стадионот „Хард Рок“ во Мајами, заврши со резултат 1-0 (0:0). Стрелец на единствениот гол беше Гонзало Гарсија во 54. минута.

Реал Мадрид ќе игра во четвртфиналето на 5 јули во Њу Џерси против победникот од последниот осминафинален натпревар помеѓу Борусија Дортмунд и Монтереј. Таа средба започнува во три часот по полноќ.