Тренерот на фудбалерите на Рома, Клаудио Раниери, рече дека големата победа на теренот на Интер ја посветува на фановите на „римската волчица“ кои не можеа да присуствуваат на натпреварот во Милано.
„Дојдовме со решеност да ги направиме горди и да победиме. Интер е многу силен тим а ние се обидовме да поставиме добра одбрана.
Навистина сум среќен за навивачите и играчите, за сите жртви што ги направија. Дојдовме тука и го победивме лидерот“, потенцираше тренерот на Римјаните.
Фиго типува на ПСЖ во завршницата на Лигата на шампионите
Легендата на европскиот и светскиот фудбал Луис Фиго има фаворит во Лигата на шампионите. Интересно, Фиго кој во кариерата настапуваше за Барселона и Интер, не смета дека тие се фаворити за титулата.
„Мислам дека тоа ќе биде ПСЖ. Тимот е многу конзистентен во однос на резултатите и моментално е во одлична физичка форма“, рече Фиго.
Откако тренерот Луис Енрике го презеде тимот во 2023 година, многу работи се сменија во ПСЖ. Францускиот шампион, некогаш познат по своето големо его и гигантските трансфери, сега многу повеќе се потпира на функционална тимска структура.
Лазаров го објави поширокиот список за крајот на евро-квалификациите
Селекторот на машката ракометна репрезентација , Кирил Лазаров го објави поширокиот список на играчи за претстојните натпревари во квалификациите за пласман на Европското првенство во јануари 2026 година.
Во рамките на машката ЕХФ недела, машката сениорска селекција ќе ги оддигра натпреварите од петтото и шестото коло во квалификацискиот циклус против репрезентациите на Естонија на гости и против Литванија на домашен терен.
Македонија има една победа и три порази по првите четири кола од групата.
Познати учесниците на женскиот Ф4, Данска патува во Будимпешта со два тима
Данска ќе има два претставника на Ф4 турнирот во ракометната Лига на шампиони кај дамите, откако Есбјерг успеа да го елиминира романскиот ЧСМ Букурешт.
Романскиот шампион на првиот четвртфинален натпревар триумфираше минимално со 30-29, а на реваншот, кој се одигра во Есбјерг, данскиот тим славеше со 26-22.
Една од најзаслужните за пласманот на Есбјерг на завршницата во Будимпешта беше голманката Ана Кристинсен, која на реваншот забележа 12 интервенции.
Освен Есбјерг, од скандинавската земја учесник на Ф4 ќе биде и Оденсе, кој вчера го елиминираше Ференцварош.
Останатите два учесници се Мец и актуелниот бранител на титулата – гигантот Ѓер. Ф4 турнирот во Будимпешта ќе се одржи од 31 мај до 1 јуни.
Трајковиќ доби отказ, Дејан Илиевски ќе го води Пелистер во плеј-офот
Кошаркарскиот клуб на Пелистер доживеа убедлив пораз од Работнички од 79-50 во вториот натпревар од првата плејоф рунда во домашниот кошаркарски шампионат, пораз по кој управата на клубот одлучи да му врачи отказ на тренерот Ненад Трајковиќ.
Српскиот стратег го презема тимот од Битола на крајот на месец јануари, меѓутоа не ги оправда очекувањата во ниту едно натпреварување, а двата порази од Работнички во разигрувањето за титулата во Првата лига му пресудија на искусниот тренер.
„Зелено-белите“ се на еден чекор од завршувањето на оваа сезона, односно секој нареден пораз од Работнички ќе значи крај, а такво сценарио треба да спречи Дејан Илиевски.
Илиевски во последниве години е дел од тренерскиот тим на битолчани и сега ќе добие шанса како шеф на стручниот штаб до крајот на сезоната.
Ривер го доби „Супер-класико“, Мастантуоно даде супер-гол
Франко Мастантуоно, 17-годишен талентиран напаѓач на Ривер Плејт, постигна неверојатен гол од слободен удар и му донесе победа на својот тим со 2-1 против Бока Јуниорс во Суперкласико!
Мастантуоно го отвори натпреварот со спектакуларен гол, испраќајќи ја топката во горниот агол на голот на Бока. Со 17 години и 257 дена, Мастантуоно стана најмладиот играч во историјата на Суперкласико кој постигнал гол.
Голот е уште еден момент на магија на младиот крилен напаѓач, кој веќе го привлекол вниманието на многу големи европски клубови, меѓу кои најозбилни се Реал и Манчестер јунајтед.
Македонските ветерани ја совладаа Бугарија во хуманитарен натпревар во Варна
Фудбалот е спорт кој секогаш обединува и носи насмевки на лицата на огромен број фанови ширум светот, па дури и во моменти на голема тага поради трагедијата која се случи во Кочани, легендите на Македонија и Бугарија (шампионскиот тим од СП во 1994. година) покажаа дека спортот знае да преовлада и за хуманитарни цели.
Натпреварот кој беше од хуманитарен карактер се одигра ова попладне во Варна, а легендарните играчи на двете земји се погрижија за извонредна фудбалска претстава во која видовме пет погодоци.
Христо Стоичков како капитен на домашниот тим доби дрес од македонската фудбалска репрезентација пред стартот на натпреварот, а потоа доби и громогласни аплаузи од публиката кога излезе од игра во 8-та минута.
Во услови на фудбалска ревија, резултатот беше во втор план, но сепак вреди да се одбележи дека избраниците на Ѓоко Хаџиевски кој денеска беше селелктор, на крајот извојуваа победа од 2-3.
Божинов, Пандев и Тасевски беа стрелци на погодоците за нашиот тим, додека Бугарија во два наврати израмнуваше на 1-1 и 2-2 преку Камбуров и Михтарски.
Собирот на легендите и на сите присутни фудбалски навивачи во Варна беше организиран со една јасна цел, а тоа е да се соберат финансиски средства за семејствата кои ги загубија најблиските во трагедијата во Кочани.
Асефа од Етиопија го собори светскиот рекорд во маратон
Тигст Асефа од Етиопија го собори светскиот рекорд во маратон, откако победи на 45-от Лондонски маратон со време од 2:15,50 часа. Асефа, освојувачка на сребрен медал на маратонот на Олимписките игри во Париз 2024, се одвои од Кенијката Џојсилин Џепкосгеи во последните неколку километри откако двете поставија исто темпо од самиот почеток.
Со денешниот резултат таа го подобри претходниот рекорд од 2:16,16, кој минатата година во Лондон го постави Перес Јепчирчир од Кенија. Џепкосгеи беше втора со време од 2:18,44, додека актуелната победничка на олимпискиот маратон, Сифана Хасан од Холандија, беше трета со време од 2:19,00.
Во машка конкуренција, Кениецот Себастијан Саве славеше завршувајќи ја трката со повеќе од една минута предност пред Џејкоб Киплимо од Уганда. Саве, кој го победи на маратонот во Валенсија пред четири месеци, ја помина целта по 2 часа, 2 минути и 20 секунди.
Јакоб Киплимо од Уганда, кој го собори светскиот рекорд во полумаратон во февруари, беше втор во своето деби во маратонските трки со време од 2:03,37, додека минатогодишниот победник Александар Мутисо Муњао заврши на третото место.
Реми на дербито во Тетово, Силекс не успеа да ја победи Струга
Лидерот Шкендија и второпласираниот Силекс не ја искористија предноста од домашниот терен и освоија по бод во денешното 29. коло во Првата македонска фудбалска лига (ПМФЛ), во рамки на кое не се доигра дуелот меѓу Гостивар и Работнички, откако домашниот тим го напушти теренот.
Гостивар се повлече од натпреварот со Работнички, му следи службен пораз
Минатата недела топ-тема беше повлекувањето на Воска Спорт на мечот со Вардар, а сега во 29. коло на ПМФЛ дојде до слична ситуација.
Имено, во 85. минута од натпреварот при негатива од 1-2 екипата на Гостивар се повлече во дуелот со Работнички. Овој тим со турска сопственичка структура во текот на неделата имаше жалби за дуелот со Струга минатиот викенд. Сега и на овој натпревар против Работнички веројатно одредени ситуации ги налутија гостиварци.
Пред повлекувањето на теренот дојде дури и газдата Енес Уста кој поразговара со судиите, а потоа ги „собра“ играчитет.
Играчите и тренерскиот тим се повлекоа во соблекувалните, а противничките фудбалери и судиите останаа на теренот.
