Нико Вилијамс јасно ја изрази својата желба – неговата следна дестинација сака да биде Барселона. Иако за него има интерес од неколку големи европски клубови, младиот крилен напаѓач на Атлетик Билбао најмногу посакува трансфер на „Камп Ноу“. 

Каталонците се во водство во трката за потписот на 22-годишниот репрезентативец на Шпанија, но Баерн и Арсенал не се откажуваат. Германскиот гигант е подготвен веднаш да ја плати откупната клаузула, надевајќи се дека ќе го убеди играчот доколку Барселона не може брзо да реагира. Арсенал, пак, понудил атрактивен договор, но склоноста на Вилијамс кон Барселона ги става во втор план. 

Најголемата пречка за Барселона е финансиска. Атлетик Билбао инсистира клаузулата од над 60 милиони евра да се плати во една рата, без простор за рати или преговори. Тоа создава сериозен проблем за клубот кој сè уште се соочува со финансиски ограничувања и зависи од продажби на играчи за да обезбеди средства. 

Сепак, Вилијамс не брза со одлуката. Тој го чека планот на Барселона за позицијата крило, особено со оглед дека клубот размислува и за други опции како Луис Дијаз. Според изворите, Вилијамс е подготвен да ги прилагоди личните услови со цел да го олесни трансферот. Поддршката од некои играчи во соблекувалната на Барса може да биде клучниот фактор – се ќе зависи од тоа дали клубот ќе може да ја совлада финансиската бариера навреме. 

Легендата на јапонскиот фудбал, 58-годишниот Казујоши Миура ги одигра денеска првите минути од својата 40 професионална сезона, не покажувајќи знаци на пензионирање.

„Кралот Казу“, како што е нарекуван во неговата родна Јапонија, влезе од клупата за резерви во победата на Атлетико Сузука од 2-1 над ЈСЦЦ Јокохама во четвртата јапонска лига.

Поранешниот јапонски репрезентативец потпиша 18-месечен договор со Сузука минатиот јуни, но беше надвор од теренот поради повреда на ногата во јануари.

„Се надевам дека повторно ќе играм и ќе го покажам мојот карактер“, изјави Миура за новинската агенција Кјодо по натпреварот.

„Можев повторно да играм благодарение на поддршката од сите. Сега сакам да го забрзам темпото“, додаде Миура, кој во февруари го прослави својот 58 роденден.

Со тоа, Миура влезе во својата 40 професионална сезона во кариерата, која ја започна во 1986 година со бразилскиот клуб Сантос. Настапуваше и за клубови во Јапонија, Хрватска, Италија, Австралија и Португалија.

Германскиот фудбалски репрезентативец Флоријан Вирц ќе допатува в петок во Англија на задолжителните медицински прегледи пред неговиот трансфер во Ливерпул, објави денеска „Скај Спортс“.
Вирц в петок на медицински прегледи пред трансферот во Ливерпул,.

Вирц ќе се пресели во редовите на новиот англиски првак од Баер Леверкузен, откако двата клуба се договорија за трансферна сума од 116,5 милиони фунти, од кои 100 милиони се загарантирани, а остатокот во форма на потенцијални бонуси.

Во зависност од неговите перформанси, годишната плата на Вирц ќе биде од 195.000 до 245.000 фунти неделно.

Трансферот на Вирц се случува на негово барање, одбивајќи да биде продаден на друг тим.

„Скај Спортс“ наведува дека Вирц совршено се вклопува во тактичката поставеност на Ливерпул и во англискиот тим гледа најдобар потенцијал за развој.

Минатата сезона, Вирц одигра 31 натпревари во Бундеслигата и заврши со десет голови и 13 асистенции.

Фудбалерите Бока Јуниорс и Бенфика одиграа без победник на стадионот во Мајами 2-2, во првото коло од Групата Ц на Светското клупско првенство.

Бока Јуниорс поведе со 2-0 со головите на Мигел Мерентиел во 21-та минута и Родриго Батаља во 27-та минута.

Бенфика израмни со головите на Анхел Ди Марија во третата минута од судиското продолжение и Николас Отаменди во 84-та минута.

Во следното коло, Бока Јуниорс ќе игра против Баерн Минхен, а Бенфика ќе се сретне со Оукленд.

Фудбалерите на Фламенго го победија Есперанс од Тунис со 2-0 во Филаделфија во првото коло од Групата Д. По победата на Ботафого и нерешениот резултат на Палмеирас, бразилските тимови се уште се непоразени.

Стрелци за Фламенго беа Џорџо де Араскаета во 17-та минута и Луис Араухо во 70-та минута.

Во второто коло, Фламенго ќе игра против Челзи, додека Есперанца ќе се сретне со Лос Анџелес.

Шкендија, Вардар, Силекс и Работнички ги дознаа можните противници за првото квалификациско коло. Шкендија ќе стартува во Лигата на шампионите, ждрепката е во 14 часот во Нион, а останатите три екипи ќе се натпреваруваат во Конференциската лига. Ждрепката ќе се одржи од 16:00 часот во Нион.

Шкендија нема да биде носител, се наоѓа во групата 1, а моѓе да игра против: Малме (Шведска), Жалгирис (Литванија), РФС (Летонија), Купс (Финска) или ТНС (Велс).

Кога ќе се погледнат можните противници, впечаток е дека Вардар најдобро помина, а дека пред тешка задача ќе имаат Силекс и Работнички.

Во групата 2 можно противници на Силекс се Петрокуб (Молдавија), Ордабаси (Казахстан), Дечиќ (Црна Гора) и Урарту (Ерменија).

Вардар, кој по седум години се враќа во европските купови, во групата 3 за противник може да добие еден од овие тимови: Дуделанж (Луксенбург), Копер (Словенија), Сутјеска (Црна Гора), Ла Фиорита (Сан Марино).Работнички ги чека противниците во групата 6, можни ривали се Дила Гори (Грузија), Пјуник (Ерменија), Торпедо (Белорусија) и Борац Бања Лука.

Првите натпревари ќе се одиграат на 10, а реваншите на 17 јули.

Aсот на Атлетик Билбао, Нико Вилијамс, се согласи на личен договор со Барселона, објави новинарот Николо Шира на своите социјални мрежи.

Претходно беше објавено дека Барселона одлучила да ја активира опцијата за откуп на 22-годишниот шпански крилен напаѓач, плаќајќи ја потребната отштета за играчот. Оваа информација ја објави добро познатиот инсајдер Фабрицио Романо.

Нико има тековен договор со клубот од Билбао до 2027 година. Вкупно, во текот на својата кариера на клупско ниво, помладиот Вилијамс одигра 167 натпревари во сите натпреварувања, постигна 31 гол и направи 30 асистенции. Порталот „Трансфермаркт“ ја проценува неговата вредност на 70 милиони евра.

По Кевин е Бројне, Наполи тргна и по – Џек Грилиш!

Многу извори денес пренесуваат дека Наполи е сериозно заинтересиран за уште еден играч од Сити и дека италијанскиот шампион е подготвен да плати до 45 милиони за неговиот трансфер.

Наполи испрати почетна понуда од 35 милиони евра, но доби одговор дека ќе треба да ја зголеми и е подготвен да го направи тоа.

Макар што Антонио Конте сакал и Алехандро Гарначо, Манчестер јунајтед го прецени својот играч на дури 70 милиони, што Наполи не сака да го плати.

Од друга страна, Грилиш исто така е по вкусот на Антонио Конте и Наполи е подготвен да ја зголеми понудата.

Се разбира, важен фактор е и Де Бројне, со кого Грилиш ја делеше соблекувалната од неговото доаѓање од Астон Вила во летото 2021 година за 117 милиони евра.

Објавен е официјалниот распоред за турнејата на Барселона низ Азија, шест години по последната посета на каталонскиот гигант на Далечниот исток.

Блауграната го објави редоследот на пријателските натпревари ова лето, а вкупно ќе одигра три натпревари, пишува каталонскиот спортски весник Mundo Deportivo.

Избраниците на Ханси Флик ќе играат во Јапонија против Висел Кобе (27 јули), а потоа во Јужна Кореја против Сеул (31 јули) и Даиџу (4 август).

Последен пат Барса патуваше во Азија во текот на летото 2019 година, кога Ернесто Валверде беше тренер на Блауграната, а одиграа две пријателски средби: против Челси и Висел Кобе.

Повратникот во Премиер лигата на Англија, Лидс го обезбеди потписот на германскиот напаѓач Лукас Нмеча, кој со тоа ќе стане првото засилување на клубот за следната сезона.

Нмеча се враќа во англискиот фудбал, бидејќи ја започна својата кариера во Манчестер сити, за кого одигра само два првенствени натпревари, а по бројните позајмици се пресели во Волфбург, каде што ги помина претходните четири сезони.

Нмеча е член на германската репрезентација, а во Лидс доаѓа како слободен играч.

Тој со клубот од Јоркшир потпиша две годишен договор.