Доколку Винисиус Жуниор добие суспензија од два или повеќе натпревари, нема да игра на првото Ел Класико оваа сезона.

Винисиус неспортски го повлече Салиба за коса и доби директен црвен картон. Судијата во записникот запиша дека Бразилецот бил исклучен поради насилнички акт.

Информациите велат дека Реал Мадрид ќе се жали за црвениот картон на Винисиус, иако се свесни дека тешко е тој да биде поништен. Борбата е тој да добие само еден меч суспензија и да може да игра на Ел Класико.

Клубот исто така ќе го обжали жолтиот картон на Конате. Тој е на ужте еден картон пред суспензија.

Реал Мадрид во следното коло ја пречекува Севиља, а потоа ѝ гостува на Барселона.

Тренерот на Манчестер сити, Енцо Мареска, се осврна на победата од 3:0 над Ливерпул во 6. коло од Премиер лигата.

-Победа од 3:0 на Енфилд е веројатно совршен ден за сите нас во моментов, особено за навивачите, за клубот, играчите, целата организација… за сите. Затоа сме многу среќни. Не размислувам каде би можеле да бидеме по два, три или четири натпревари… Размислувам само за следниот натпревар, но секако сум среќен со овие победи. Навивачите беа фантастични, апсолутно величествени. Беше одлично да ги видам толку среќни на крајот. Тие пееја целиот натпревар. Им реков оваа недела: донесете ги вашите гласови, донесете ја вашата страст и се надевам дека ќе можеме да славиме заедно на крајот, изјави Мареска за клупската веб-страница на Манчестер сити.

„Граѓаните“ победија на сите шест натпревари од почетокот на сезоната во Англиското фудбалско првенство и се лидери на табелата со 18 бода. 

Италијанецот, Винченцо Монтела, се огласи на социјалните мрежи откако пред три дена се повлече од функцијата главен тренер на турската фудбалска репрезентација.

„Секоја убава приказна на крајот завршува, но, некои патувања оставаат трага што е многу поважна од фудбалот. За мене беше огромна чест да ја водам турската репрезентација“ – рече Монтела.

„Посебна благодарност до играчите за нивната напорна работа и посветеност кон националниот тим. Заедно доживеавме незаборавни моменти, ги надминавме тешкотиите и станавме дел од посебно поглавје во историјата на земјата“ – напиша Монтела на социјалните мрежи.

Фудбалерите на Бетис вечерва ја победија Осасуна со 5-2 во осмото коло од шпанската Ла Лига.

Бетис го доби првото полувреме против Осасуна со 2-0, откако во листата на стрелци се запишаа Иско и Езалзули.

Будимир во 48. минута си постигна автогол и ја зголеми предноста на Бетис на 3-0, но набрзо следеше блесок на гостите.

Осасуна во рок од пет минути преку Будимир и Гарсија намали на 2-3 и ја врати надежта дека може да се спаси од пораз.

Бетис не дозволи да прокоцка триумф, па го засили темпото во продолжение и стрелаше преку Иско и Моранте за конечни 5-2.

Славен Белупо славеше против Риека со 4-1 во деветтото коло од хрватскиот шампионат, а македонскиот напаѓач Илија Несторовски блесна со два погодоци за неговиот тим.

Риека дојде до водство преку Дантас од пенал во седмата миунта, но тоа ги налути домаќините кои набрзо стрелаа преку Мерсинај за 1-1.

На почетокот на вториот дел Бановец погоди за целосен пресврт (2-1), а Несторовски со два погодоци, во 69. и 74. минута, ја потврди големата победа на Славен Белупо.

Несторовски по девет одиграни кола има седум постигнати голови, додека Славен Белупо се наоѓа на седмата позиција со 10 поени.

Манчестер Сити со убедливи 3-0 го победи Ливерпул на Енфилд, натпреварот беше рамноправен до 62. минута кога домаќините останаа со фудбалер помалку.

Ливерпул дури беше и подобар противник во периодот додека двете екипи имаа по 11 фудбалери на теренот, црвените имаа шанси да дојдат во водство.

Гравенберх во 62. минута доби втор жолт картон, автоматски црвен, го остави својот тим со фудбалер помалку. Манчестер Сити тоа веднаш почна да го користи. Во 65. минута Халанд даде гол за водство од 1-0, а три минути подоцна погоди Доку за 2-0

Конечните 3-0 за Сити ги постави Шерки во 78. минута.

Милан одигра 1-1 на гостувањето кај Сасуоло и не ја искористи шансата која се создаде по ремито на ривалите за пласман на високите позиции во Серија А.

Повеќе од еден час требаше за да биде отворен резултатот на овој меч. Погоди Рабио во 63. минута по асистенција од Модриќ.

Но, многу кратко траеше предноста на Милан, пет минути подоцна Одентал постигна гол за 1-1. Тој најдобро се снајде во една мешаница, во која не реагираа најдобро гостинските играчи.

До крајот на мечот Сасуоло имаше повеќе шанси за победа отколку Милан.

По четирите последователни победи на Пелистер, се најде јунак кој ќе го сопре битолскиот клуб, мечот против Беласица во Струмица заврши без голови 0-0.

Мечот се играше под рефлектори и требаше да биде уживање за навивачите на овој празничен ден. Но актерите на теренот не понудија многу.

Пелистер бараше начин да дојде до победа, особено беа офанзивни во второто полувреме, но Беласица се одбрани, ја сочува својата мрежа и по петти пат оваа сезона одигра нерешено.

По седмото коло Пелистер падна од врвот, таму сега е Охрид со бод повеќе.