Тренерот на Ливерпул, Арне Слот е импресиониран од натпреварот со Тотенхем во 17. коло на англискиот фудбалски шампионат.

Ливерпул вчеравечер како гостин забележа победа со 6-3 зацврстувајќи се на првото место во премиерлигашкиот поредок.

„Навистина уживав во она што го гледав, особено во првиот час од натпреварот. Тотенхем има квалитетни фудбалери и знаат да казнат доколку им дозволите да го загрозат вашиот гол. Потребно е да се трча 90 минути, ова е Премиер лига. Видовте дека ниту водство од 5:1 не дозволува мирна завршница“, изјави Слот.

На табелата во Премиер лигата води Ливерпул со 39 бодови. Тотенхем е на 11. место со 23 бода.

Фудбалерите на Јувентус славеа победа на гостувањето кај Монца во рамките од 17. коло со резултат 1-2.

Се што беше интересно на овој дуел видовме во првите 45 минут кога беа постигнати сите три погодоци.

Јувентус дојде до водство со голот на Мекени по 14 минути игра, Бриндели израмни во 22, а триумфот го обезбеди Нико Гонзалес во 39. минута.

Во второто полувреме резултатот не се промени, па „старата дама“ ги освои бодовите. Јувентус по 17 кола се наоѓа на седмата позиција и се уште е без пораз, но има дури десет нерешени натпревари.

Ракометната репрезентација на Македонија утринава го имаше собирот за старт на подготовките за СП 2025. По собирот, македонската експедиција веднаш се упати за Стара Пазова, каде што ќе биде осум дена.

Според планот, на 30 декември нашите репрезентативци ќе ги завршат тренинзите во Србија, па по новогодишните празници вториот дел од подготовките ќе ги одработат во Македонија.

На 7 јануари следува пат за Хрватска, каде ќе се одигра пријателски натпревар против домаќинот на СП, и последниот дел од подготовките ќе биде одработен во Вараждин.

Македонија на ова СП е во група со Унгарија, Холандија и Гвинеја, а најдобрите три селекции ќе обезбедат место во главната рунда.

Селекторот Кирил Лазаров за СП 2025 се определи за 20 ракометари, а меѓу нив не се најдоа голманот Мартин Томовски и бекот Филип Талески.

Екипата на Барселона синоќа го забележа третиот последователен пораз на домашен терен во Ла Лига.

Избраниците на Ханзи Флик синоќа доживеаја пораз по пресврт против Атлетико Мадрид и загубија со 1-2 и со тоа го загубија првото место на привремената табела во Ла Лига.

Во последните седум натпревари, Барселона забележа една победа, имаше четири порази и две нерешени средби.

Последен пат „Каталонците“ имаа вакви кошмарни показатели пред 16 години под водство на Франк Рајкард.

Фудбалерите на Рома, во 17.коло го одиграа најдобриот меч во Серија од почеткот на сезоната. Предводени од Паоло Дибала, фудбалерите на Рома ја декласираа Парма со 5-0. Рома одлично влезе во натпреварот и поведе во осмата минута.

Судијата Марко Ди Бело покажа на белата точка по невнимателниот старт на Ботонд Балог, а Пауло Дибала ја презеде одговорноста и погоди од белата точка за 1-0.

Само пет минути подоцна, Римјаните успеаја да го удвојат водството, Анхелињо му асистираше на Алексис Салемејкерс, кој погоди за 2-0.

Парма имаше две убави шанси во вториот дел, но Миле Свилар добро интервенираше на голот на Рома. До крајот на првото полувреме Стефан Ел Шарави можеше дополнително да го зголеми водството на домашните во 44. минута, но неговиот удар го одбрани голманот.

Добрата игра на Рома продолжи и во вториот дел, а во 51. минута Дибала успеа да постигне уште еден гол за 3-0. Во 74. минута беше досуден уште еден пенал за Рома, а одговорноста ја презеде Леандро Паредес. Погоди и тој, а на семафорот стоеше 4-0.

Точка на натпреварот стави Артем Довбик во 83. минута на асистенција на Пауло Дибала.

Манчестер jунајтед доживеа катастрофален пораз од Борнмут со 0-3 (0-1) на „Олд Трафорд“ во 17. коло од Премиер лигата.

Овој резултат е само продолжение на кошмарната сезона на славниот тим и најдобар показател дека новиот тренер Рубен Аморим се соочува истите проблеми како и неговите претходници.

Победата во дербито над Сити, кој исто така е во голема криза, очигледно не беше показател на вистинската форма на Јунајтед. Мечот со Борнмут уште еднаш ги покажа сите слабости во играта на манчестер јунајтед.

Ова беше четврти пораз за Манчестер под водство на португалскиот тренер.

Секако, очајниот настап на Јунајтед не може да го засени впечатокот на брилијантната партија која ја одиграа момците на Андони Ираола.

Гостите славеа со головите на Дин Хујсен во 29. минута, Џастин Клајверт од пенал во 61. минута и Антоан Семењо во 63. минута.

Без сомнение ове е една од најголемите победи на Борнмаут во историјата на клубот.

Реално гледајќи ја формата на двата тима и нивните позиции на табелата, ова беше очекуван епилог, Борнмут сега се проби до петтото место додека Јунајтед продолжи да тоне.

Ова беше седми пораз на славниот тим сезонава во само 17 натпревари.

Реал Мадрид лесно и убедливо ја порази Севилја со 4-2 во 19.коло. Ова беше дванаесетта победа за тимот на Карло Анчелоти оваа сезона од 18 натпревари. Реал има бод помалку од лидерот Атлетико, со потсетување дека и тимовите од Мадрид имаат натпревар повеќе од моментално третопласираната Барселона.

Реал, кој неодамна ја освои светската круна, лесно се справи со Севилја, во чии редовои легендарниот Хесус Навас, ги одигра последните 25 минути во кариерата.

По првиот дел резултатот беше 3-1 благодарение на головите на Мбапе, Валверде и Родриго. Голот за гостите го постигна Ромеро.

Најсилен впечаток кај навивачите дефинитивно остави голот на Мбапе во 10. минута, кога од 18 метри го погоди горниот десен агол од голот на гостите и му донесе водство на Реал. Тоа беше 14-ти гол за Французинот во дресот на Реал Мадрид, а десетти во Ла Лига

Дијаз во 53. минута зголеми на 4-1, а гостите преку Лукебакио постигнаа уште еден утешен погодок во финишот на натпреварот.

Севилја остана на 12-тото место на табелата во сезона, во која се соочува со големи финансиски проблеми тешко може да смета на подобра позиција.

Македонската фудбалска репрезентација со актуелниот селектор Благоја Милевски ќе ги почне мартовските квалификациите за пласман на Светското првенство 2026.

Ова доаѓа откако новоизбраниот претседател на Фудбалската федерација на Македонија (ФФМ) Масар Омерагиќ изјави денеска дека Милевски, засега, останува на селекторската должност.

„Во овој момент не размислуваме за промена на селекторската позиција. Реалноста е дека, и покрај кризата во играта, ние завршивме како први во групата, што е значаен успех. Нема да преземам никакви нефудбалски потези кои можат да ја нарушат стабилноста на тимот.

Омерагиќ најави дека иднината на Милевски ќе зависи од постигнатите резултати.

„Нашата репрезентација има важни квалификации во март, и сè ќе зависи од резултатите и квалитетот на играта понатаму За сите во фудбалот, па и за мене истото ќе важи и за селекторите – а тоа се резултатите. Во моментов Милевски е селектор на А-репрезентацијата и не планирам во тој поглед никакви промени. Нормално дека во иднина сè ќе зависи од резултатите и игрите кои ќе ги прикажат репрезентативците“, рече Омерагиќ.

Луис Сиарез е еден од играчите кои Барселона ги вклучи меѓу своите легенди. Тој одигра 283 натпревари за клубот, постигна 195 голови и забележа 113 асистенции на патот до 13 трофеи, вклучувајќи една за најдобриот клуб во Лигата на шампионите и четири за најдобриот тим во Ла Лига.

По Барса играше и за Атлетико Мадрид, а токму тие два клуба го одиграа дербито од шпанското првенство во саботата навечер.

Суарез беше на натпреварот, а по него направи потег за кој пишуваат шпанските медиуми. Иако легендата на Барселона има одиграно точно 200 натпревари повеќе за тој клуб од Атлетико и има постигнато 161 гол помалку, уругвајскиот напаѓач се уште е поврзан со мадридскиот клуб со кој беше шпански шампион во сезоната 2020/21. Таа сезона постигна 21 гол, вклучувајќи го и последниот во Ваљадолид со кој „јорганџиите“ ја освоија 10.титула во клупската историја.

Тоа го докажа со тоа што ги почести играчите на Диего Симеоне со оброк од неговиот ресторан по дербито во кое Атлетико победи со 2:1. Победата против Барселона беше 12-та по ред за Атлетико, ако се погледнат резултатите на клубовите во сите натпреварувања.

Очигледно Суарез не може да и прости на Барселона, поточно на тогашниот тренер Роналд Куман, кој буквално го избрка од клубот.