Ремонт го очекува Манчестер јунајтед во летниот преоден рок. Англиските медиуми тврдат дека сите играчи, со исклучок на Буно Фернандеш се на продажба. Има и незадоволни кои најавија заминување.

Алехандро Гарначо, крилниот напаѓач, беше исклучително лут по поразот на Јунајтед од Тотенхем во финалето на Лига Европа, бидејќи одигра само 20 минути. Токму ова е причината зошто Гарнасио сака да го напушти клубот.

Дури и пред овој натпревар, Гарначо имаше одредена доза на незадоволство, а одлуката на Аморим да го внесе Маунт во почетниот состав наместо него во финалето беше само шлаг на тортата.

Сега Аргентинецот бара излез од клубот.

Гарначо одигра 36 натпревари во Премиер лигата, постигна шест гола и додаде две асистенции, но често започнуваше од клупата, на другата страна, но и кога беше стартер, најчесто тој беше првата измена што ја правеше Аморим.

Минатата зима се шпекулираше дека Аргентинецот може да го напушти „Олд Трафорд“, сега се чини дека ќе истрае во намерата да го смени клубот.

Поранешниот тренер на Барселона, Чави Хернандез, не планира да се врати на работа пред 2026 година.

Чави го напушти „Камп Ноу“ во мај 2024 година по турбулентен период.

Во својата прва сезона на клупата на Барселона, тој го освои шпанското првенство, а во последните месеци од неговиот мандат беше опкружен со негативна енергија и притисок.

Шпанецот истакна дека има желба за нов предизвик, но дека сè уште чувствува огорченост поради целата ситуација, пред се начинот на кој што си замина од Барселона.

„Не брзам, но би сакал вистински проект, нешто како.

„Подготвен сум повторно да „страдам“, но не мислам дека некогаш ќе страдам како што страдав во Барселона. Таму сè беше премногу емотивно, особено затоа што бев навивач на клубот“, искрено рече Чави.

Наполи синоќа го победи Каљари (2:0) и стана шампион на Италија за сезоната 2024/25.

Така, напаѓачот на Пари Сен-Жермен, Квича Кварацхелија е победник на Серија А и француската Лига 1 во една сезона.

Дваесет и четиригодишниот Грузиец ја започна сезоната во Наполи, а во зима се пресели во ПСЖ, со кого го освои француското првенство.

Оваа сезона во Серија А, Кварацхелија одигра 17 натпревари, постигна пет гола и имаше три асистенции.

Кварацхелија ќе има можност сезонава да дојде и до трофејот во Лигата на шампионите, бидејќи ПСЖ на 31 мај го очекува финале со Интер.

Минатата сезона, Ансу Фати играше во Брајтон како позајмен играч, но по враќањето во Барселона, германскиот тренер Ханси Флик одлучи да го задржи во тимот, со оглед на тоа што имаше многу добри настапи во подготвителните натпревари.

Сепак, 22-годишниот фудбалер се повреди на почетокот од сезоната и целосно го изгуби местото во тимот.

Некои играчи го искористија отсуството на Фати, а пред сè Рафиња и Ламине Јамал, кои беа неверојатни оваа сезона и несомнено се најдобрите играчи во тимот на Барселона.

Исто така, на Фати не му помогна тоа што Флик мислеше дека не вложува доволно труд на тренинзите, па дури и гледаше некои од натпреварите на Барселона од трибините.

Пред неколку месеци беше јасно дека повеќе нема место за Фати во каталонскиот клуб, а тоа неодамна го потврди и Флик, кој го советуваше шпанскиот играч дека е најдобро да побара нов клуб каде што ќе има можност да игра.

Флик му призна на Фати дека не смета на него во новата сезона, и веќе почна да ги разгледува понудите што ги има.

Фати го сакаат неколку клубови од Шпанија, а најмногу се издвојуваат Севиља, Бетис и Реал Сосиедад. Сепак, не е исклучено повторно да ги напушти Пиринеите бидејќи еден клуб покажа интерес, па дури и подготви понуда за него.

Станува збор за Монако кој сака да го доведе овој 22-годишник што е можно поскоро. Клубот од Лига 1 е подготвен да ѝ плати на Барселона помеѓу пет и десет милиони евра, а Каталонците немаат ништо против веднаш да го договорат трансферот.

Ал-Хилал сака да го донесе во своите редови фудбалерот од средниот ред и капитен на Манчестер јунајтед, Бруно Фернандеш, пред Светското клупско првенство, кое започнува на 15 јуни.

На фудбалерот му се дадени 72 часа да донесе одлука, објави „Give me Sport“.

Ал-Хилал е подготвен да му понуди на 30-годишниот играч плата од 700 илјади фунти неделно и дополнителни бонуси.

Доколку Фернандеш се согласи, Ал-Хилал ќе се обрати до Манчестер јунајтед во врска со трансферот.

Ваљадолид испадна од Примера, но неговите навивачи денес слават. Клубот објави дека Роналдо Назарио повеќе не е сопственик.

„Претседателот на Управниот одбор и мнозински сопственик на Ваљадолид, Роналдо Луис Назарио де Лима, објавува дека потпишал договор за продажба на поголемиот дел од акциите на инвестициска група од Северна Америка, која е поддржана од фонд од Европа“, се вели во соопштението за медиумите на Ваљадолид.

Навивачите во последно време протестираа против Роналдо, кој на крајот сфати дека е најдобро да се повлече.

Особено, бура од незадоволство кај навивачите предизвика снимката на која се забележува Бразилецот како пијан излегува од ноќен клуб додека клубот грчевиот се бореше за опстанок.

Фудбалерите на Наполи ја освоија титулата во Серија А. Наполи ја задржа предноста од еден бод во однос на Интер, откако во последното коло го победи Каљари со 2-0, а сега веќе поранешниот шампион со истиот резултат победи во Комо. Наполи ја освои четвртата титула во клупската историја, втора во последните три сезони.

Наполи мораше да победи и тоа го направи со головите на двете големи засилувања, Скот Мектомини и Ромелу Лукаку.

Репрезентативецот на Шкотска го отвори резултатот со сепктакуларен гол во 43.минута. Мектомини сигурно ќе биде прогласен за играч на сезоната во Серија А, а меѓу навивачите ќе стекне статуст на божество.

Во 51.минута Лукаку стави тошка на шампионската сезона.