Фудбалскиот клуб Борец, потврди дека се засили со играч кој пристигна од Мексико. Станува збор за Омар Новело кој ќе настапува на средината од теренот.

24-годишниот Новело  доаѓа од тимот на Оаксака од Мексико, а претходно настапувал за У-20 тимовите ФК Америка и ФК Венадос.

Тренерот на Јувентус, Масимилијано Алегри, повторно упати добронамерни совети до новото засилување на тимот, Душан Влаховиќ.

Српскиот напаѓач одлично го започна својот престој во клубот од Торино со постигнати два гола, но тој не успеа да ја затресе противничката мрежа во последниот натпревар со Аталанта.

Алегри после ремито од 1:1 на гостувањето во Бергамо, упати совет и добронамерна критика до Влаховиќ.

„Душан мора да научи да престане да се нервира, бидејќи има моменти кога работите кои си ги замислил нема да се остварат на теренот. Тој е млад и мора да има поголемо трпение“, изјави Алегри.

Матијс Де Лихт може да ја промени клупската средина во летниот преоден рок. За 22-годишниот Холанѓанец главни кандидати ќе бидат лондонски Челзи и каталонскиот тим Барселона.

Според овој извор, Јувентус ќе размислува за продажба на Де Лихт доколку не се договори со неговиот агент да го продолжи договорот. Актуелниот договор меѓу Матијс Де Лихт и Старата Дама е до 2024 година.

Барселона е подготвена да понуди 75 милиони евра за Де Лих, а Челзи ќе се обиде да ја надмине оваа сума, бидејќи главниот тренер на „сините“ Томас Тухел има намера да ги засили одбранбените позиции на својот тим.

Де Лихт дојде во Јувентус во летото 2019 година, откако се пресели од Ајакс за 85,5 милиони евра. Оваа сезона, холандскиот дефанзивец постигна еден гол на 20 натпревари во италијанското првенство. Неговата трансферна цена во моментов се проценува на 65 милиони евра.

Манчестер Сити ќе се појави на теренот на Спортинг во првиот меч од осминафиналето на Лигата на фудбалските шампиони.

Мечот ќе се одигра во Лисабон на стадионот – „ Хозе Алваладе“. Англискиот тим ќе биде без  Џек Грелиш , Габриел Жесус и Кол Палмер. Тоа на прес-конференција го соопшти главниот тренер на „граѓаните“, Пеп Гвардиола.

Грилиш има повреда на потколеницата, Палмер има повреда на стапалото. Жесус заработи повреда на мускулот на крајот на јануари кога настапуваше за бразилската репрезентација. Реваншот меѓу Сити и португалскиот состав ќе биде одигран на 9 март во Манчестер.

Заради црвен картон нема да настапи Кајл Вокер.

Баерн Минхен има намера да го продолжи договорот со германскиот голман Мануел Нојер и напаѓачот Томас Милер.

Според негови извори, германскиот клуб има намера да ги продолжи договорите со играчите во наредните недели. Нојер е во Баерн од 2011 година. Вкупно, во Бундеслигата голманот настапи на 458 натпревари, на кои прими 376 гола и имаше 211 натпревари на кои не прими гол. Актуелниот договор на Нојер со Баерн е до 2023 година.

Томас Милер е во Баерн од 2007 година. Неговиот договор со клубот е до 2023 година. Како дел од клубот од Минхен, Милер беше шампион на Германија, освојувач на Купот и Суперкупот, како и освојувач на Лигата на шампионите.

На 24 март во Палермо Македонија ќе го игра полуфиналниот бараж против Италија за Светското првенство во Катар.

Италија со фаворитска улога ќе ја пречека Македонија на „Ренцо Барбера“, но секако дека момците и Милевски нема да истрчаат со бело знаме, сите веруваме во изненадување и пласман во финалниот натпревар во баражот.

Ќе потсетиме, победникот од нашиот дуел ќе игра против подобриот од натпреварот во Лисабон помеѓу Португалија и Турција.

Според најавите од Италија овој натпревар може да се игра со 100% исполнетост на стадионот што би бил прв од почетокот на пандемијата. Објавени се и цените за билетите и тие се од 80 евра до 222 евра.

Англиските медиуми објавуваат дека еден од најдобрите играчи на Лестер, нема намера да го продолжи договорот со клубот.

Според информациите било очигледно дека белгискиот репрезентативец сака да ја промени средината и да ја продолжи кариерата во друг клуб.

Договорот на фудбалерот со премиерлигашот Лестер, истекува по истекот на наредната сезона и големи се шансите тој да биде продаден од клубот летово.

Најзаинтересирани клубови за ангажман на Тилеманс се Арсенал и Манчестер Јунајтед.

Горан Пандев во изминатиот викенд го постигна својот деби гол за Парма, но и се повреди.

Пандев во игра влезе на почетокот на второто полувреме за десетина минути подоцна да се запише во листата на стрелци. Важна улога одигра Пандев и при постигнувањето на вториот гол на Парма кој дојде после неговиот шут. Набрзо потоа и се повреди. На теренот помина вкупно 25 минути во кои даде огромен прдоинос во пресвртот.

Сега е објавено и колку ќе паузира Пандев. Повредата не е сериозна, а Парма без Пандев ќе мора да биде во следните два натпревари против Кремонезе кој се игра задутре и против Тернана во сабота.

Се додава дека постои мала можност да биде во конкуренција за натпреварот против Тернана ако ги помине медицинските тестови во текот на неделата, додека дуелот со Кремонезе дефинитивно ќе го пропушти.

Спортскиот директор на Милан, Паоло Малдини, сака да го задржи во клубот играчот од средината на теренот, Исмаел Бенасер. За таа цел од Милан подготвија нов договор според кој Алжирецот ќе добива плата од 3 милиони евра по сезона.

„Росонерите“ пред неколку дена го продолжија и договорот со Тео Ернандез, бидејќи не сакаат да ги повторат грешките од минатото кога клубот без обештетувања го напуштија голманот Донарума и Хакан Чалханоглу.

Бенасер го носи дресот на Милан од 2019 година кога пристигна од Емполи. Денешната вредност на играчот на фудбалскиот пазар изнесува 30 милиони евра.