Андриј Шевченко во текот на вчерашниот ден и официјално доби отказ од редовите на Џенова каде се задржа само два месеци како тренер  на тимот. Сепак. Шевченко нема долго време да остане без работа затоа што веднаш се појавила заинтересирана страна која сака да го ангажира во своите редови.

Станува збор за селекцијата на Полска која од неодамна остана без селектор откако Пауло Соуза се реши да ја прифати понудата на бразилскиот Фламенго.

За Фудбалската федерација на Полска, токму Шевченко бил идеалниот кандидат за наследник на Соуза на селекторското столче. Шевченко со успех ја водеше репрезентацијата на Украина со која се пласираше на Европското првенство и стигна до елиминационата фаза од континенталниот собир.

Напаѓачот на Борусија Дортмунд, Ерлинг Халанд после вчерашниот натпревар против Фрајбург (5-1) даде изјава во која го критикуваше раководството на Борусија за притисокот да донесе одлука за неговата иднина.

Набрзо, по изјавата на Халанд одговор стигна од директорт на „милионерите“ Ханс Јоаким Вацке.

„Тој е спомнтана личност и дозволено му е да зборува. Со Ерлинг немаме проблеми, но мора да ја разбере и нашата ситуација. Не можеме да го чекаме крајот на мај за да ја знаеме неговата одлука“, изјави Вацке.

После ваквата ситуација одлуката за иднината на Халанд може да биде донесена до крајот на месецот, па ќе видиме што одличниот напаѓач ќе одлучи. Интерес за него во претходниот период покажаа голем број европски гиганти.

Напаѓачот на Манчестер Јунајтед, Антони Марсијал ги демантираше тврдењата на тренерот Ралф Рангник кој претходно кажа дека играчот одбил да биде во составот на екипата за дуелот со Астон Вила.

Французинот преку социјалните мрежи се обрати до навивачите и им порача:

„Никогаш не сум одбил ниту пак ќе одбијам да настапам за тимот на Манчестер Јунајтед. Во екипата сум седум години и досега никогаш не сум покажал непочитување кон клубот и кон навивачите“, истакна Марсијал.

Изминатиов период имаше голем број на информации дека Антони Марсијал поради незадоволството од малата минутажа во екипата тој изразил желба за напуштање на клубот овој месец.

Според пишувањата во италијанските медиуми, екипата на Арсенал е спремна да испрати официјална понуда за напаѓачот на Фиорентина, Душан Влаховиќ.

Наводно во понудата би бил вклучен играчот Лукас Тореира кој би преминал во трајна сопственост на Фиорентина плус обврска Арсенал да искешира уште 50 милиони фунти.

Останува да се почека одговорот на Фиорентина доколку оваа понуда стане официјална.

Бразилецот Филипе Кутињо имаше одлично деби за својот нов клуб Астон Вила каде пред неколку денови пристигна како позајмен играч од Барселона. Тој асистираше и успеа да постигне гол во ремито со Манчестер Јунајтед на домашен терен, иако влезе во игра како резерва.

„Ми недостасуваа вакви натпревари и Премиер лигата. Многу сум среќен што сум тука со моите нови соиграчи. Ова беше мојот прв натпревар за Астон Вила и сакам да работам на подобрување на мојата форма. Имаше многу подеми и падови за мене во последните години. Сепак, тие се веќе минато и јас сум фокусиран на целите на клубот и тренерот Џерард. Сакам да им помогнам на моите соиграчи и на клубот“, изјави Кутињо по натпреварот.

Фудбалскиот клуб Евертон ја прекина соработката со тренерот Рафа Бенитез.

Оваа вест клубот од Ливерпул ја соопшти преку официјално соопштение во кое се вели:

„Клубот може да потврди дека ја прекина соработката со тренерот на првата екипа Рафаел Бенитез. Бенитез пристигна во Евертон во јуни 2021 година и ќе го напушти клубот веднаш. Информации во врска со поставување на нов тренер ќе бидат објавени во наредниот период“, порачаа од Евертон во краткото соопштение.

Шпанскиот тренер во Евертон стигна како замена за Карло Анчелоти, но од самиот старт не беше добро примен од страна на навивачите, и поразот од Норвич во Премиер лигата беше доволен за негов отказ.

Бенитез го остава Евертон на 15.место од табелата на само 6 бода над зоната за испаѓање од лигата.

Реал Мадрид се подготвува за финалето на Суперkупот на Шпанија каде за ривал ќе го има Атлетик Билбао кој воедно го брани овој трофеј.

Средбата се игра утре во Саудиска Арабија, а во пресрет на истата тренерот Карло Анчелоти одговори на критиките дека неговата екипа игра на контри што беше видливо на полуфиналната пресметка против Барселона.

„Горд сум што можам да кажам дека Реал Мадрид може да игра на контри, бидејќи не е лесно тоа да се направи. Нашите контри против Барселона, на пример, не беа долги топки. Напротив  беа многу додавања. Имавме дури шест играчи во нивното поле кога го постигнавме победничкиот гол.

-Некој може да каже дека стоиме назад и се браниме, но постигнавме повеќе голови од кој било друг во Ла Лига во оваа сезона. Не постои совршен начин за играње. Ги почитувам сите стилови на игра“, рече Анчелоти.

Мауро Икарди не е задоволен од својот статус во ПСЖ и сака да ја промени средината во зимскиот преоден рок.

Икарди не добива голема минутажа во Париз поради големата конкуренција и побарал трансфер, а таквата ситуација сака да ја искористи Барселона.

Тренерот Чави Хернандез сака нов напаѓач, смета дека Лук де Јонг не е доволно добар, а верува дека Икарди одлично ќе се вклопи бидејќи потекнува токму од школата на Барселона.

Барселона ќе се обиде да го донесе Аргентинецот на позајмица, а токму тоа може да биде проблем бидејќи ПСЖ сака трајно да се ослободи од Икарди.