Серија А официјално го објави назначувањето на својот нов претседател Ецио Марија Симонели. Тој ќе го наследи досегашниот шеф на фудбалската лига, Лоренцо Казини.

По првото гласање на 9 декември, на кое Симонели доби 13 гласа, денеска се одржа вториот круг, по што беше донесен конечен избор. Така, 66-годишниот, новоизбран претседател, победи во вториот круг со 14 гласа, што беше доволно да ги претекне двајцата противници Паоло Дал Пино (12 гласа) и Казини (11 гласа). Ова е негов прв мандат на слична функција во спортскиот менаџмент, откако двапати ги загуби изборите за шеф на Серија Б во 2013 и 2021 година.

Патот на кариерата на Симонели беше доста разновиден. Дипломирал економија и трговија на Универзитетот во Перуџа и првично работел како новинар фриленсер. Најинтересниот дел од неговата визит-карта е поврзан со периодот како сметководител на покојниот Силвио Берлускони. Во последните години беше претседател на Одборот на ревизори на медиумската компанија „Медиасет“, како и соработник во неговата адвокатска канцеларија.

Гундоган не беше задоволен во Барселона, па Гвардиола му ја отвори вратата да се врати на „Етихад“ каде потпиша договор на една сезона.

На крајот на сезоната Германецот повторно ќе биде слободен агент, а силен интерес за него покажува милански Интер.

Интер е познат како експерт за доведување на слободни агенти, па Марота ќе се обиде да го доведе Гундоган без обештетување на лето.

Хаким Зијеш призна дека не е среќен во редовите на Галатасарај и според нееговата последна изјава ќе замине од турскиот гигант уште во јануари.

Зијеш стави потпис на договор со Галатасарај на една година и имаше опција да продолжи, но тоа нема да се случи.

Фудбалерот сега јавно го нападна тренерот на клубот Окан Бурук кај кого одигра само 320 минути во 11 настапи и во тие успеа да запише една асистенција.

„Галатасарај е завршена приказна: Не сакам да играм повеќе тука. Полош тренер не сум видел во кариерата. Жалам што дојдов“, изјави Зијеш.

Во својата кариера пред Галатасарај Зијеш го носеше дресот на Херневен, Твенте, Ајакс и Челси.

УЕФА во седиштето во Нион ги одреди плеј-оф двојките во Конференциската лига. Пласман во осминафиналето изборија најдобрите осум екипи: Челси, Виторија Гимараеш, Фиорентина, Рапид Виена, Ѓургарден, Лугано, Легија Варшава и Серкл Бриж.

Тројца Македонци се дел од нокаут фазата Чурлинов, Шишковски и Николов. Чурлинов со Јагелонија ќе игра против српскиот претставник ТСЦ од Бачка Паланка, а Шишковски и Николов со Борац Бања Лука за противник ја добија Олимпија од Љубљана.

Двојки за шеснаесеттинафиналето во Конференциската лига:

Зелен пат:

ТСЦ – Јагелонија
Целје – АПОЕЛ
Борац Бања Лука – Олимпија Љубљана
Копенхаген – Хајденхајм

Сребрен пат

Викингур – Панатинаикос
Гент – Бетис
Молде – Шамрок
Омонија – Пафос

Првите натпревари ќе се одиграат на 13.февруари 2025 година, реваншите се на програмата една недела подоцна.

За многумина беше изненадување што Клаудио Раниери се повлече од фудбалот во средината на ноември и по трет пат во кариерата ја презеде Рома, но со оглед на тоа што веќе е во осмата деценија од животот, јасно е дека неговиот престој на „Олимпик„ нема да трае вечно.

Затоа тој веќе има план кој би можел да го наследи следното лето, а прва мета без сомнение е неговиот сонародник Карло Анчелоти, кој според се, на крајот од сезоната ќе го заврши вториот мандат во кралскиот клуб.

Се почесто се шпекулира дека трофејниот Италијанец е при крај на „Сантијаго Бернабеу“, бидејќи името на Чави Алонсо се повеќе се сфаќа како наследник на Карло.

Во таков расплет на ситуацијата, логично би било враќањето на Анчелоти во Италија, а не треба однапред да се отфрли неговото доаѓање во клубот за кој настапуваше осум сезони.

Сето ова има смисла ако се знае дека Раниери и по завршувањето на сезоната ќе остане во Рома.

Фудбалерите на Милан славеа како гости во Верона со минимален резултат (0-1), во првиот натпревар од 17. коло на Серија А.

Победничкиот гол го постигна Тијани Рејндерс во 56. минута од натпреварот.

Холанѓанецот го искористи одличното додавање на Јусуф Фофана, а потоа ја затресе мрежата на Лоренцо Монтипо.

Голем проблем за „Росонерите“ е повредата на Рафаел Леао, кој се повреди по 30 минути игра.

Милан беше поконкретен во остатокот од натпреварот и на крајот стигна до победа, по киксот во претходното коло против Џенова.

Милан е седми на табелата со 26 бодови, додека Верона е 17-та, прва над зоната за испаѓање, со 15 бодови.

Засилувајќи ги своите играчки редови за пролетниот дел од сезоната во Првата македонска фудбалска лига, Вардар се засили и до десниот бек Георги Јанкулов.

23-годишниот Јанкулов меѓу црвено-црните доаѓа од екипата на АП Брера и настапува на позицијата десен бек.

Потекнува од фудбалската академија на белградска Црвена Звезда, а во досегашниот тек на кариерата бил дел и од екипите на Железничар Панчево во Србија и Борец и Силекс во домашниот шампионат. Во Првата македонска фудбалска лига досега има забележано 84 настапи во кои има постигнато 3 гола и 11 асистенции.

Јанкулов ги има поминато сите младински селекции на Македонија.

Претходно, како што е познато, Вардар се засили и со досегашниот стопер на Шкупи, словачкиот интернационалец Михал Пинтер.

Хрватскиот тренер Иван Јуриќ ќе го преземе Саутемптон. Новинарот, Фабрицио Романо, објави дека договорот треба да биде потпишан во текот на денот, откако Јуриќ целосно ќе го раскине договорот со Рома.

Јуриќ ќе го наследи досегашниот тренер Расел Мартин, кој пред пет дена доби отказ по поразот од Тотенхем со 5-0. Саутемптон оваа сезона се врати во Премиер лигата, но моментално е на последното место со пет бода и е главен кандидат за испаѓање.

Јуриќ е невработен од 10 ноември откако доби отказ од Рома. Јуриќ на 18 септември ја презеде Рома од Даниеле де Роси и во сите натпреварувања постигна забележа од четири победи, три нерешени и пет порази.

Во кариерата, Јуриќ ги водеше Мантова, Кротоне, Верона и Торино, а во три наврати беше тренер на Џенова. Пред Рома три сезони раководеше со Торино.

Саутемптон според „Трансфермарк“ вреди 306 милиони евра. Најскапи играчи се дефанзивецот Тејлор Харвуд-Белис (22) и играчот од средниот ред Лесли Угочукву (20), кои чинат 25 милиони евра.

Саутемптон нема победа од 2 ноември кога славеше на домашен терен против Евертон во Премиер лигата. Јуриќ ќе дебитира на 22 декември на гости кај Фулам. Потоа следи домашен натпревар против Вест Хем четири дена подоцна.

Челниците на Манчестер сити, во зимскиот и летниот преоден рок подготвуваат радикални чекори. Се чини дека ова ќе биде одговорот на кризата која го стресе клубот. „Граѓаните“, на последните 11 натпревари во сите натпреварувања, доживеаја осум порази, забележаа само една победа.

Притисокот врз Пеп Гвардиола расте од ден на ден, но како што сега стојат работите неговата позиција е стабилна. Тренерот неодамна го продолжи договор со клубот до 2026 година.

Новинарите од англискиот „TEAMtalk“ отидоа многу подалеку, тврдејќи дека во наредниот период се подготвува голема чистка и дека некои големи имиња ќе го напуштат клубот.

Прв кој треба да го нашушти клубот е искусниот португалски дефанзивец Рубен Диаш. Според овој извор замената за Дијаш ќе биде капитенот на Каристал Палас, Марк Гуехи.

Извесно е дека клубот ќе го напушти и Кевин де Брујне е играч кој ќе го напушти клубот. Неговиот договор истекува на крајот од сезоната и тој ќе замине како слободен играч. Иста судбина го очекува и Илкај Гундоган, кој на почетокот на сезоната се врати во клубот, потпиша едногодишен договор, но клубот нема да му понуди прдолжување на договорот.

Далеку од вистинската форма се и Кајл Вокер и голманот Едерсон. За Едерсон постои интерес кај клубовите од Премиер лигата, а Едерсон имал многу добри понуди од Саудиска Арабија, додека Пари Сен Жермен и Барселона сакаат да го ангажираат Бернардо Силва.

Новиот тренер на Манчестер јунајтед, Рубен Аморим, јасно стави до знаење дека сака што поскоро да се ослободи од Маркус Рашфорд.

Според последните информации кои доаѓаат од Островот, Рашфорд би можел покрај Манчестер да ја напушти Англија и кариерата да ја продолжи во милански Интер.

Италијанскиот гигант, предводен од еден од најдобрите тренери на денешницата, Симеоне Инзаги, бил сериозно заинтересирани за „отпишаниот“ напаѓач. Клубот сака да го донесе Рашфорд на позајмица до крајот на сезоната со опција за откуп на договорот за 50 милиони евра.