Реал Мадрид победи во Виго so 1-2, во првиот натпревар од 27-то коло во Примера. Нов кикс на Реал, спречи Валверде со голот во 94-та минута.

Пред две недели, Реал беше лидер во Ла Лига, со два бода повеќе од Барселона. Но, работите експресно се сменија. Реал загуби од Хетафе и претходно од Осасуна, што и овозможи на Барселона да стекне предност од четири бода.

Реал прв дојде до рпедност, во 11-та минута, по корнерот на Трент, Гулер ја врати топката во средината, на која налета Чуамени и со помош на стативата ја смести зад грбот на Раду.

Релативно бргу Селта се врати во натпреварот. Во 25-та минута, Сведберг лесно го доби дуелот со Трент, го проигра Борха Иглесијас, а 33-годишниот напаѓач на Селта лесно ја погоди мрежата на Куртоа.

Тимот од Виго имаше можност за целосен пресврт, во 45-та минута Сведберг имаше одлична шанса, но во оваа ситуација Тибо Куртоа покажа зошто е еден од најдобрите голмани во светот.

Реал во вториот дел, два пати бараше пенал, прво по стартот врз Гулер во 63-та минута, а потоа и во 72-та кога играч на Селта ја допре топката со рака, но пред тоа еден играч на Реал направи прекршок во противничкиот шеснаесетник.

Реал имаше голема среќа во 87-мата минута, ветеранот Аспас, кој наполни 38 години, шутираше од 17 метри и ја погоди стативата од голот на Реал.

Казната дојде во четвртата минута од судиското продолжение, Валверде, шутираше од 16 метри, имаше среќа, топката удри во Марос Алонсо, го смени правецот и заврши во голот.

Претседателот на Фудбалската федерација на Македонија, Масар Омерагиќ, присуствуваше на состанок на „HatTrick“ комисијата на УЕФА, каде имаше разговори за тековните активности и идните приоритети оваа програма.

Оваа програма „HatTrick“ е една од најважните развојни на УЕФА, преку која повеќе од половина од нето приходите од Европските првенства се реинвестираат во развој на фудбалот во националните асоцијации.

Поддршка од оваа програма добива и Фудбалска федерација на Македонија, а првиот човек на ФФМ истакна дека особено горд. Средствата од „HatTRick“ се реализираа за инфраструктурни и развојни проекти, кои овозможуваат подобри услови за развој на фудбалот и услови за младите фудбалери во нашата земја.

Медиумите од „островото“ пренесуваат дека Ливерпул на ум има две имиња од Бундеслигата како опции за замена на Мо Салах, прва желба е Мајкл Олисе од Баерн Минхен и Јан Диоманде од РБ Лајпциг.

Иднината на Мо Салах на Енфилд е под голем знак прашалник, Египјанецот има голем пад во формата, па често се говори дека неговите денови во црвениот дрес се одбројани.

Последните информации велат дека Ливерпул замената за Мо Салах ќе ја бараат во Бундеслигата.

Прв на листата со желби е Мајкл Олисе, но Баерн Минхен во овој момент не сака да слушне за продажба на репрезентативецот на Франција.

Планот Б е младиот Јан Диоманде, кој бележи одлични партии оваа сезона во дресот на РБ Лајпциг, и се промовираше во еден оа најперспективните фудбалери во Европа.

Лидерот на Премиер лигата Арсенал се подготвува за ново засилување. Тие имаат во план да го ангажираат Елиот Андерсон, кој би требало да игра заедно со Деклан Рајс.

Со ангажирањето на овој фудбалер средниот ред на менаџерот Микел Артета треба да добие на снага, енергија и креативност.

Од друга страна постои неизвесност за иднината на шпанскиот репрезентативец Мартин Зубименди и неговото останување во редовите на „топџиите“. Според информациите од англиските медиуми пости шанса за негово враќање на Шпанија. Од таа причина актуелна е опцијата за доаѓањето на Андерсон во Арсенал од Нотингем Форест.

Фудбалерот на Унион Берлин, Рани Кедира, во иднина ќе може да настапува за репрезентацијата на Тунис, откако Светската фудбалска федерација му даде зелено светло за промена на спортското државјанство.

Иако претходно играше за младинските категории на Германија, искусниот играч за врска сега официјално има право да го носи дресот на туниската репрезентација и да биде во комбинација за настап на следните големи натпреварувања, меѓу кои и Светското првенство.

32 годишниот Кедира е помладиот брат на поранешниот германски репрезентативец Сами Кедира, кој со Германија ја освои светската титула во 2014 година. Поради семејното потекло, двајцата имаа можност да изберат дали ќе настапуваат за Германија или за Тунис.

Со оваа одлука на ФИФА, Рани Кедира официјално станува опција за селекцијата на Тунис, од каде очекуваат тој да донесе дополнително искуство и квалитет во националниот тим, а тој можеби ќе добие шанса да заигра на Светското првенство.

Новинарот Алберто Переиро вели дека „кралевите“ имаат 100 милиони евра за ангажман на Родриго од Манчестер Сити и Нико Шлотербек од Борусија Дортмунд.

„Кралевите“ ги пикирале првите засилувања за сезоната 2026/27, како што пренесува новинарот Алберто Переиро, на страна веќе се тргнати 100 милиони евра.

Планот е со овие пари да биде ангажиран Родри од Манчестер Сити и Нико Шлотербек од Борусија Дортмунд.

„Дали Реал Мадрид ќе донесе плус други засилувања, ќе зависи од тоа што ќе продадат летоска“ – додава Алберто Переиро.

Во потег што го шокираше фудбалскиот свет, Валид Реграги официјално се повлече од функцијата селектор на мароканската репрезентација. Објавата, соопштена преку вонредна конференција во Рабат, става крај на најславниот период во историјата на „Атласките лавови“, и тоа на само 100 дена пред почетокот на Светското првенство.

Кралската мароканска фудбалска федерација потврди дека прекинот на соработката стапува на сила веднаш. Тој се одлучи на овој чекор цитирајќи ја потребата од „нова енергија“ во соблекувалната.

Федерацијата експресно го именуваше неговиот наследник: Мохамед Уаби. Како поранешен предводник на младинската селекција до 20 години, која под негово водство стана светски првак во 2025 година, Уаби се смета за идеален архитект кој ќе го спои огромниот младински потенцијал со ветераните на тимот.

Реграги зад себе остава наследство кое го редефинираше африканскиот фудбал на глобално ниво. Неговата работа кулминираше со легендарното „Чудо во Катар“ во 2022 година, кога Мароко стана првата африканска и арапска нација што стигна до полуфинале на Светско првенство.

Покрај историскиот успех во Катар, тој успеа да го врати Мароко во самиот врв на континентот. Под негова палка, тимот играше во финалето на АФКОН 2025, што беше нивно прво појавување во борбата за златото по повеќе од две децении (од 2004 година). Во неговиот мандат, Мароко се искачи на рекордното 8-мо место на ФИФА ранг-листата, позиција дотогаш недостижна за африканските селекции.

„Ерата на Реграги“ ќе остане запаметена како период во кој Мароко докажа дека му припаѓа на светскиот крем. Репрезентацијата забележа серија од 19 последователни победи во периодот меѓу 2024 и 2025 година, поставувајќи нови стандарди во меѓународниот фудбал.

Иако моментот на неговото заминување носи доза на неизвесност, тоа е одраз на неговата несебичност: да му остави простор на Уаби да ја имплементира својата филозофија пред воведниот натпревар против Бразил на стадионот Метлајф. За навивачите во Рабат и Казабланка, ова е крај на една магична приказна, но темелите за успесите се сеуште цврсти.

Анхел Ди Марија го опиша Атлетико Мадрид како „чуден клуб“, укажувајќи на бизарниот тренд каде играчите како да испаруваат во моментот кога ќе го фатат својот ритам. Според популарниот „Фидео“, атмосферата на Метрополитано има тенденција буквално да ги „исклучува“ своите најдобри поединци.

„Кога работите одат добро… како да ги гаснат играчите и тие едноставно исчезнуваат,“ забележа Ди Марија. Тој сугерира дека крутите тактички барања и тешката средина често водат до тоа фудбалерите да го изгубат својот идентитет на теренот. За него, ова не е само привремен пад во формата, туку системско потиснување на индивидуалниот талент.

Највпечатливиот дел од неговата критика е контрастот помеѓу клупскиот и репрезентативниот фудбал. Ди Марија забележува дека истите оние играчи кои се мачат да најдат ритам во Мадрид, доживуваат радикална трансформација штом ќе се појават во националниот тим.

„Убаво е да се види дека кога ќе се вратат во репрезентацијата, тие се сосема други луѓе,“ објаснува тој. Гледањето на соиграчите како ги менуваат црвено-белите риги со небесно-синиот дрес на Аргентина, за него е како да гледа различни спортисти. Тој потенцира дека тие „се трансформираат, играат неверојатно и уживаат“, имплицирајќи дека Симеоне честопати ја исцицува радоста од играта во текот на клупската сезона.

Овој феномен на „духови“ е особено збунувачки бидејќи Атлетико го предводи Диего „Чоло“ Симеоне: човек кој е олицетворение на аргентинскиот борбен дух. Сепак, коментарите на Ди Марија сугерираат дека војничката филозофија на Симеоне е токму она што ги кочи креативците како Хулијан Алварез. Додека од нив се очекува да бидат војници на теренот, Ди Марија тврди дека тие го покажуваат својот гениј само кога имаат слобода.

Источната соба во Белата куќа деновиве беше домаќин на еден поинаков „глобален самит“. Претседателот на Америка, Доналд Трамп, ги пречека актуелните шампиони на МЛС купот, тимот на Интер Мајами, во чест на нивната историска титула од минатата сезона. Среде вообичаениот политички метеж во Вашингтон, атмосферата се префрли на теренот на спортот и спектаклот кога комплетниот состав, предводен од раководството на клубот, се појави на свечената церемонија. Во центарот на вниманието, очекувано, беше Лионел Меси: човекот кој за многумина е синоним за фудбалско совршенство.

За време на својот говор, претседателот Трамп откри интересни детали за тоа како неговото семејство влијаело на неговото разбирање за значењето на Аргентинецот. „Син ми ме праша: ’Тато, знаеш ли воопшто кој доаѓа денес?‘“, раскажа Трамп низ насмевка. „Му одговорив дека во моментов имам навистина многу обврски и дека не сум во тек…“

Тогаш, како што вели претседателот, неговиот син му појаснил дека во посета му доаѓа жива легенда, споменувајќи го и Кристијано Роналдо како дел од таа елитна категорија. Трамп не штедеше пофални зборови за двајцата великани: „Кристијано е брилијантен, а и ти (Меси) си брилијантен. Вие сте големи шампиони и врвни атлети во својот спорт. Ја сакате својата работа и ја работите со неверојатна вештина.“ Ова беше момент на спортска дипломатија со кој се оддаде признание на дуото кој со децении доминира на светската сцена.

Највпечатливиот момент од церемонијата се случи кога претседателот се вклучи во вечната дебата за тоа кој е најдобриот играч во историјата. Навраќајќи се на своите почетоци како љубител на овој спорт, Трамп истакна: „Почнав да следам фудбал со Пеле.“ Потоа, свртувајќи се директно кон Меси, додаде: „Но, ти можеби си и подобар од него.“

Иако дебатата „Меси против Пеле“ обично ги дели навивачите на социјалните мрежи, нејзиното споменување од претседателската говорница му даде дополнителна тежинаи. Со врачувањето на персонализираниот дрес за претседателот, овој настан само потврди дека фудбалот повеќе не е само маргинален спорт во САД, туку е дел од „мејнстрим“ културата на највисоко ниво.

Селекторот на Хрватска, Златко Далиќ за Светското првенство ќе остане без засилување во стручниот штаб. Тој планираше покрај него да биде и Домагој Вида, но фудбалерот го одбил повикот.

Како што пренесуваат хрватските медиуми 36-годишниот фудбалер има донесено одлука да ја продолжи кариерата. Тој по завршување на сезоната ќе остане без клуб и неизвесно е каде ќе ја продолжи кариерата. Вида сезонава го носи дресот на грчки АЕК од Атина.

Селекторот на Хрватска останува со актуелните асистенти: Ведран Ќорлука, Дражен Ладиќ, Марјан Мрмиќ и Данијел Субашиќ. Далиќ планира уште еден асистент и како можно има се споменува Милан Бадељ.

Хрватска на Мундијалот е во група со: Англија, Панама и Гана. На Светското првенство во Катар Хрватска го освои третото место, додека на Мундијалот во Русија беше финалист.