Поранешниот португалски играч од средниот ред, Нани, проговори за неговиот сонардоник, Кристијано Роналдо, кој е единствениот фудбалер кој постигнал гол на шест Светски првенства.

„Тоа што го прави Кристијано е неверојатно. Не е изненадување за мене. На секој натпревар на кој игра, се случува нешто ново: нов рекорд, нов гол. Тој е победник. Тој е пример за сите што го сакаат фудбалот.

Затоа треба да му честитаме и да продолжиме да ја поддржуваме неговата игра сè додека не одлучи да се пензионира. Тој е еден од најголемите фудбалери во историјата“ – рече Нани.

Франција со 4-1 ја совлада Норвешка и со максимални девет бодови оди во нокаут фазата на Светското првенство, Сенегал со 5-0 го победи Ирак.

Норвешка на денешниот меч настапи со втор тим, селекторот одлучи да ги одмори најдобрите, па Франција немаше многу тешка задача да дојде до трите бода.

Шоу во првото полувреме имаше Дембеле кој погоди во 7., 20, и 32. минута, убав погодок за Норвешка даде Асгард во 21. минута.

Норвежаните можеа да го направат натпреварот поинтересен, но Ларсен во 50. минута промаши пенал.

Конечните 4-1 за Норвешка ги постави Десери Дуе во 94. минута.

Сенегал со 5-0 го совлада Ирак, но уште не е сигурен за место во нокаут фазата, ќе треба да почека до крај за да види дали ќе биде една од осумте најдобри третопласирани.

Диара даде еден гол, Сар постигна еден, Гаје реализираше двапати, е победата ја запечати Ндиаје.

Зеленортските Острови во својот деби настап на Светските првенства ја минаа и групната фаза откако одиграа 0-0 против Саудиска Арабија, Шпанија со 1-0 го совлада Уругвај.

Без победа, со три нерешени натпревари, Зеленортските Острови го освоија второто место во групата и се пласираа во следната фаза на Светското првенство.

Ноќеска немаше голови на мечот против Саудиска Арабија, резултат кој на крајот се покажа како вистински за нив.

Шпанија со гол на Баена во 42. минута го победи Уругвај кој со само два бода го освои второто место, но тоа е премалку за да оди понатаму како една од осумте најдобро третопласирани селекции.

Белгија ја оствари првата победа на Светското првенство откако со 5-1 го совлада Нов Зеланд, Египет и Иран одиграа нерешено 1-1.

По двете нерешни средби во првите две кола, Белгија конечно дојде до триумф, Белгијците ја наполнија мрежата на Нов Зеланд.

Тросар даде два гола, по еднаш погодија Де Брујне, Лукаку и Салемакерс. Погодокот за Нов Зеланд беше дело на Џаст.

Во вториот меч Египет и Иран одиграа 1-1. Двата гола беа постигнати за помалку од 15 минути игра.

Сабер во 5. минута донесе водство за Египет, Резаен израмни на 1-1 во 14. минута. Три минути претходно Тареми промаши пенал.

Белгија е прва со пет бода, исто толку има и второпласираниот Египет, а Иран со три бода исто така ќе оди во нокаут фазата.

На Светското фудбалско првенство 2026 што се одржува во САД, Канада и Мексико познати се 22 од 32 репрезентации кои ќе играат во плејофот.

Девет од 16-те двојки за првата плејоф рунда веќе се одредени:

Германија – Парагвај
Франција – Шведска
Јужна Африка – Канада
Холандија – Мароко
САД – Босна и Херцеговина
Бразил – Јапонија
Брегот на Слоновата Коска – Норвешка
Аргентина – Зелено’ртски Острови
Австралија – Египет.

Шпанија, Белгија, Мексико и Швајцарија исто така се пласираа во 1/16 финалето. Нивните противници ќе бидат одредени подоцна.

Поранешниот голман на Лацио, Анџело Перуци, наскоро би можел да се врати во Формело за да работи со Џенаро Гатузо.

56-годишникот дојде во Лацио во 2000 година и брзо стана омилен кај навивачите на „Олимпико“. Во 2007 година, Италијанецот стави крај на неговата играчка кариера, но на крајот се врати во Лацио во 2016 година, преземајќи ја улогата на координатор на тимот. Тој пет години на оваа позиција пред да го напушти клубот поради несогласувања со тогашниот спортски директор Игле Таре.

Според неколку извештаи во италијанските медиуми, Перуци моментално е во преговори со раководството на Лацио за можно враќање. „Ил Месаџеро“ верува дека тој би можел да биде назначен за технички директор, кој ќе функционира како врска помеѓу новиот шеф, Гатузо, и спортскиот директор Анџело Фабијани. Тој би имал право на глас и во техничките одлуки и во динамиката на соблекувалната.

Арда Ѓулер стана најмладиот стрелец во историјата на турската репрезентација на Светските првенства.

Играчот од средниот ред на Реал Мадрид, постигна гол во 10-тата минута од натпреварот од третото коло на Светското првенство во 2026 година против репрезентацијата на САД.

Ѓулер постигна гол на возраст од 21 година и 120 дена, надминувајќи го рекордот на Емре Белозоглу, кој постигна гол за репрезентацијата на Светското првенство на 21 година и 275 дена.

Македонскиот репрезентативен напаѓач, Елмин Растодер, е пред трансфер во грчки Панатинаикос. Веста ја објавија спортските портали во Грција, потенцирајќи дека атинските „зелени“ се на чекор до комплетирање на уште еден важен трансфер, бидејќи Елмин Растодор останува само формално да го потпише договорот со нив.

Преговорите со Тун се во напредна фаза и, според последните информации, постои оптимизам дека договорот ќе биде склучен за 24 часа, за да може 24-годишниот напаѓач што поскоро да му се стави на располагање на тренерот на Панатинаикос, Јакоб Ниструп.

Македонскиот репрезентативец веќе некое време е клучна цел на Панатинаикос како најдобар напаѓач во швајцарското првенство.

Ракометниот шампион на Македонија, екипата на Вардар, денеска ги добни противниците во групната фаза на најсилното европско натпреварување, ЕХФ Лигата на шампионите. Денешната ждрепка во Виена сакаше двократниот европски првак од Скопје во групната фаза за ривали да ги добие екипте на Нант, Мелсунген и Висла Плок.

Од оваа сезона во европската елита ќе се игра по нов формат, откако ЕХФ одлучи за проширување на Лигата на шампионите од 16 на 24 екипи.

Стартот на првата групна фаза е закажан за во септември, а распоредот се очекува да биде познат во наредните денови.

Македонската репрезентативка Наташа Андонова има нов предизвик во кариерата, откако официјално стана нова фудбалерка на швајцарскиот шампион Сервет.

По епизодата во шпанскиот Мадрид, Андонова се сели во Женева, каде ќе го засили актуелниот првак на Швајцарија во пресрет на новата сезона.

Капитенката на македонската репрезентација зад себе има богата кариера и настапуваше за некои од најголемите европски клубови, меѓу кои Барселона и Пари Сен Жермен.

Со трансферот во Сервет, Андонова повторно ќе биде дел од квалификациите за Лигата на шампионите, каде швајцарскиот тим ќе се обиде да избори пласман во главната фаза на елитното натпреварување.