Искусниот 73.-годишен фудбалски стратег, Карлос Квеирош е новиот селектор на репрезентацијата на Гана.

Тој е назначен да го води африканскиот состав на претстојниот Мундијал, а основната цел ќе биде да се стигне до елиминационата фаза.

Доколку се случи тоа Квеирош автоматски добива двегодишен договор.

Тој го наследува неговиот претходник Ото Адо кој што беше сменет неодамна по поразот во пријателскиот меч против Германија.

Екипата на Јувентус ја разгледува можноста да испрати понуда за дефанзивецот на Баерн Минхен, Ким Мин откако играчот го загуби статусот на првотимец, најавија медиумите во Италија.

Тренерот на „старата дама“, Лучијано Спалети, одлично ги познава квалитетите на стоперот бидејќи заедно работеа во Наполи во сезоната 2022-23 кога беше освоена титулата во Серија „А“.

Се претпоставува дека Баварците за потписот на репрезентативецот на Јужна Кореја ќе бараат најмалку 40 милиони евра.

Извршниот директор на Јувентус, Дамиен Комоли, откри дека многу фудбалери сакаат да му се приклучат на клубот иако нема обезбедено место во Лигата на шампионите.

„Мислам дека нашата стратегија за трансфери ќе биде амбициозна, без разлика на сè. Не знам каде ќе завршиме. Се зборува за четвртото место, но може да биде подобро“, рече Комоли.

Во последните шест кола, „старата дама“ ќе се обиде да ја задржи четвртата позиција на табелата која овозможува учество во елитата на Европа за наредната сезона.

Светлата на Енфилд имаат моќ да го осветлат и невозможното. Пред вечерашното гостување на ПСЖ, Ливерпул не се потпира само на единаесеттемина на теренот, туку и на стадионот кој едноставно одбива да ја прифати математиката на негативата. Со заостаток од 2-0 по првиот натпревар, „Црвените“ се наоѓаат во добро позната ситуација: притиснати до ѕидот, со тежината на историјата како нивен единствен сојузник.

Доминик Собослаи не само што се надева на пресврт, туку ветува и бескомпромисна борба. Пред натпреварот, унгарскиот играч упати пркосна порака која силно одекна низ градот. „Знам за што сме способни, какви играчи имаме и каков менталитет нè краси“, изјави Собослаи, признавајќи дека иако формата варираше, жарот е сè уште присутен. Неговата завршна изјава беше уште подиректна: „Подготвен сум да изгинам на теренот… можам да зборувам во име на сите играчи. Ова го сакаме премногу.“ Токму тој „Енфилд фактор“, психолошката предност каде што сè изгледа возможно, е картата на која играат домаќините за да го дестабилизираат ѕвездениот тим на ПСЖ.

Оптимизмот на Мерсисајд не се заснова само на реторика, туку и на евидентниот подем во формата. Викенд-победата над Фулам од 2-0 донесе повеќе од три бода: таа го промовираше новиот, возбудлив тандем. Соработката меѓу иконата Мохамед Салах и младиот талент Рио Нгумоха ги воодушеви навивачите. Двајцата постигнаа голови од врвна класа и видлив беше спојот на искуство и младешка бестрашност. Изгледа на добитна комбинација, но останува да се виде дали Арне Слот повторно ќе го стартова ова необично дуо.

Љубителите на фудбалот вечерва се пред сериозна дилема, со оглед на тоа што истовремено се играат два натпревари од „мора да се гледа“ категоријата. Додека Ливерпул се обидува да го сруши ПСЖ, во Шпанија се одвива континентална драма каде Атлетико Мадрид ја пречекува Барселона. Интересно е што Каталонците се во идентична ситуација како и Ливерпул: бркаат негатива од 2-0 во потрага по историски пресврт. Ова е ноќ создадена за сонувачите. Без разлика дали станува збор за борбеноста на Ливерпул или офанзивната моќ на Барса, сцената е подготвена за резултати за кои ќе се зборува со децении.

Натпреварот вчеравечер на Олд Трафорд донесе вистински шок за амбициите на Манчестер Јунајтед во Лигата на шампионите. Гостите од Лидс извојуваа херојска победа од 1:2, нивен прв триумф во „Театарот на соништата“ по далечната 1981 година. За домаќините, пак, ова беше суров потсетник дека сигурната позиција во елитата полека почнува да се губи.

Јунајтед делуваше тромо, веројатно поради паузата од 24 дена без натпреварувачки ритам, што тимот на Даниел Фарке максимално го искористи. Ноа Окафор го замолкна стадионот со два гола во 5-тата и 29-тата минута, создавајќи предност која се покажа како недостижна. Вечерта стана катастрофална во 56-тата минута кога Лисандро Мартинез доби директен црвен картон по бизарниот инцидент со Доминик Калверт-Луин. Иако Касемиро со глава намали на 1:2, „Црвените ѓаволи“ со играч помалку немаа сили за пресврт. Навивачите веќе бурно реагираат на социјалните мрежи, сметајќи дека контактот бил преблаг за толку драстична казна.

Кога Мајкл Карик ја презеде функцијата, неговата победничка серија изгледаше како чудо што го катапултираше Јунајтед меѓу најдобрите три екипи. Сепак, тој почетен сјај сега избледува. Со само една победа во последните четири натпревари, тактичката флуидност е заменета со дезорганизираност.

Јунајтед сè уште е трет со 55 бода, но разликата со конкурентите се топи. Среќна околност за Карик е што Премиер лигата официјално обезбеди петто место во Лигата на шампионите за следната сезона. Иако овој нов формат му оди во прилог на Јунајтед, начинот на кој тимот загуби од екипа која се бори за опстанок ги подгрева сомнежите: дали овој состав има ментален капацитет да го издржи притисокот до крајот?

Моменталната слика во Премиер лигата е невообичаена. Традиционалните гиганти како Јунајтед, Ливерпул, Челси и Астон Вила се наоѓаат во резултатска криза, што ги отвора вратите за екипите од „вториот план“.

Евертон и Брентфорд, кои моментално имаат по 47 бода, веќе сериозно им дишат во врат на фаворитите. Со оглед на тоа што Челси е на само еден бод предност, реална е можноста некој од овие клубови да „украде“ место во Европа. Додека големите клубови се сопнуваат, екипите од средината на табелата чувствуваат шанса за историски успех, претворајќи го финишот на сезоната во хаотична трка.

Барселона пред неколку дена официјално му понуди нов договор на Роберт Левандовски.

Левандовски има договор со Барселона до крајот на оваа сезона, а во неколку наврати самиот истакна дека сака да остане и дека нема намера да прејде во друг клуб.

Во Барселона беа убедени дека Левандовски со раширени раце ќе ја прифати понудата, особено поради неговите изјави дека сака да остане, но она што следеше ги изненади.

Имено, се појавија информации дека Левандовски води преговори и со други клубови, а еден посебно се издвојува.

Станува збор за Милан, кој очајно бара вистински напаѓач, а најголемо изненадување за Каталонците беше веста дека Левандовски лично стапил во контакт со Златан Ибрахимовиќ и се понудил на „росонерите“.

Светската фудбалска федерација (ФИФА) размислува за организирање на меѓуконтинентални плејоф натпревари доколку иранската репрезентација се повлече од Светското првенство во 2026 година, објави „RMC Sport“.

Според изворор, Иран можеби нема да присуствува на Светското првенство поради ескалацијата на ситуацијата на Блискиот Исток. Во овој случај, тимовите кои не успеаја да се квалификуваат ќе имаат шанса да се квалификуваат. Се очекува по два тима од Азиската фудбалска конфедерација (AFC) и УЕФА да учествуваат во потенцијалните плејоф натпревари.

Така, италијанската репрезентација, која загуби од Босна и Херцеговина во решавачкиот квалификациски натпревар, може да добие уште една можност да се бори за билет за Светското првенство.

Бенфика под водство на Жозе Мурињо се уште нема пораз во португалската лига, но има многу нерешени средби и тоа со послаби екипи, па ризикува да не се пласира во Лигата на шампионите за следната сезона.

Мурињо е под критики, но Португалецот во свој стил се обиде да се одбрани од нив.

„Ако некој има со 27 или повеќе трофеи кои сака да ме критикува, можам да прифатам. Ако има под 26, не можам“, им рече Мурињо на новинарите.

Неизвесно е дали Мурињо ќе продолжи да биде тренер на Бенфика или ќе змине.

Роберто Де Зерби имаше неславно деби на клупата на Тотнем, неговиот тим загуби на гостувањето кај Сандерленд со 0-1.

На шест кола до крајот на сезоната Тотнем се наоѓа меѓу екипите кои ќе се преселат во Чемпионшип.

Денеска тимот на Де Зерби загуби на гостувањето кај Сандерленд со минимални 0-1.

Единствениот гол за домаќините беше дело на Мукиеле по 15 минути игра во второто полувреме.

Кристал Палас со пресврт славеше со 2-1 против Њукасл, а немаше победник на мечот меѓу Нотингем форест и Астон Вила, заврши 1-1.

Унион Берлин ја назначи Мари-Луис Ета за тренер на првиот тим до крајот на сезоната откако му врачи отказ на Стефн Баумгарт.

По поразот од Хајденхајм од 1-3, Унион Берлин реши да направи тренерска промена, па го отпушти Баумгарт.

Клубот од Берлин ја назначи Мари-Луис Ета за главен тренер до крајот на сезоната. Таа стана првата жена тренер во Бундеслигата со договор за прв тренер.

Ета во ноември 2023 година стана првата дама асистент тренер, исто така во Унион Берлин. А во јануари 2024 на мечот против Дармштаг го водеше тимот како прв тренер поради тоа што Ненад Бјелица беше суспендиран.